Assamese News Photo Gallery > AFSPA extended in Manipur for six more months

বিশেষ কেইটামান অঞ্চল বাদ দি মণিপুৰত ৬ মাহলৈ বৃদ্ধি AFSPA ৰ ম্যাদ…

Updated On:

30 Sep 2024 19:10 PM

মণিপুৰত সশস্ত্ৰ বাহিনী (বিশেষ ক্ষমতা) আইন চমুকৈ AFSPA ৰ ম্যাদ ৬ মাহৰ বাবে বৃদ্ধি কৰা হৈছে । মণিপুৰ চৰকাৰৰ গৃহ বিভাগে এক অধিসূচনাযোগে কয় যে, ১ অক্টোবৰৰ পৰা এই ম্যাদ বৃদ্ধি কাৰ্যকৰী হ’ব।

ইম্ফল উপত্যকাৰ অন্তৰ্গত ১৯ টা অঞ্চল আৰু অসমৰ সৈতে সীমা ভাগ কৰা এটা অঞ্চল বাদ দি মণিপুৰত সশস্ত্ৰ বাহিনী (বিশেষ ক্ষমতা) আইন চমুকৈ AFSPA ৰ ম্যাদ ৬ মাহৰ বাবে বৃদ্ধি কৰা হৈছে । মণিপুৰ চৰকাৰৰ গৃহ বিভাগে এক অধিসূচনাযোগে কয় যে, ১ অক্টোবৰৰ পৰা এই ম্যাদ বৃদ্ধি কাৰ্যকৰী হ’ব।

2 / 5

সশস্ত্ৰ বাহিনী(বিশেষ ক্ষমতা)আইনৰ পৰিসৰৰ বাহিৰত ৰখা অঞ্চলবোৰ হৈছে, ইম্ফল, লামফেল, চিটি, চিংজামেই, চেকমাই, লামছাং, পাটছয়, ৱাংগোই, পৰমপাট, হাইংগাং, লামলাই, ইৰিবুং, লেইমাখং, থৌবাল, বিষ্ণুপুৰ, নামবোল, মইৰাং, কাকচিং আৰু জিৰিবাম আদি ।

3 / 5

যিবোৰ অঞ্চল AFSPAৰ পৰিসৰৰ ভিতৰত পৰা নাই, সেইবোৰ অঞ্চলত সংখ্যাগৰিষ্ঠ মেইটেই সকলৰ আধিপত্য আছে। অশান্ত অঞ্চল হিচাপে চিহ্নিত কৰা অঞ্চল সমূহত AFSPAৰ সময়সীমা বৃদ্ধি কৰা হৈছে ।

4 / 5

উল্লেখ্য যে, ২০০৪ চনত ইম্ফল পৌৰসভাৰ অঞ্চলৰ পৰা প্ৰথমবাৰৰ বাবে AFSPA প্ৰত্যাহাৰ কৰা হৈছিল আৰু ২০২২ চনৰ এপ্ৰিল মাহত ৬ খন জিলাৰ ১৫ খন থানাৰ অন্তৰ্গত অঞ্চলৰ পৰা AFSPAৰ আঁতৰাই পেলোৱা হৈছিল। ২০২৩ চনৰ এপ্ৰিল মাহত আন চাৰিখন থানাৰ অন্তৰ্গত অঞ্চল পৰা AFSPAৰ প্ৰত্যাহাৰ কৰা হয় ।

5 / 5

অশান্ত অঞ্চলত মোতায়েন কৰা সশস্ত্ৰ বাহিনীক AFSPAৰ প্ৰয়োজন বুলি বিবেচনা কৰি এই সিদ্ধান্ত গ্ৰহণ কৰিছে মণিপুৰ চৰকাৰে ।