Assamese News Photo Gallery > Apsc 2023 result announced 235 candidate clear exam know the details

APSC ৰ ফলাফলঃ শীৰ্ষ ১০ত কোন কোন,২৩৫ৰ তালিকাত আছে কাৰ নাম…

Published:

05 Dec 2024 16:10 PM

APSC result 2023: অৱশেষত ঘোষণা হ'ল এ পি এছ চি ২০২৩ ৰ সংযুক্ত পৰীক্ষাৰ ফলাফল। এই পৰীক্ষাত মুঠ ২৩৫ জন প্ৰাৰ্থী উত্তীৰ্ণ হয়। পৰীক্ষাৰ ফলাফলৰ শীৰ্ষ ১০ জনৰ ভিতৰত ৭গৰাকীয়েই মহিলা। ইয়াৰোপৰি APSC ২০২৩ ৰ ফলাফলত শীৰ্ষত উজ্বলিবলৈ সক্ষম হয় চিৰঞ্জীৱ ফুুকন।

APSC ৰ ২০২৩ চনৰ চিচিই চূড়ান্ত পৰীক্ষাৰ ফলাফল ঘোষণা। এই পৰীক্ষাত মুঠ ২৩৫ জন পৰীক্ষাৰ্থী উত্তীৰ্ণ হয়। ইয়াৰে শীৰ্ষ ১০ ত স্থান থকা ১০ গৰাকী প্ৰাৰ্থীৰ ভিতৰত ৭ গৰাকীয়েই মহিলা। ASC ৰ শীৰ্ষ স্থান দখল কৰিবলৈ সক্ষম হয় চিৰঞ্জীৱ ফুকন আৰু মহিলা প্ৰাৰ্থীৰ শীৰ্ষত থাকে এনিশা বুঢ়াগোহাঁই। APSC ৰ শীৰ্ষ ১০ত নাম আছে- চিৰঞ্জীৱ ফুকন, এনিশা বুঢ়াগোহাঁই, হিমাদ্ৰী জিত বৰা, মৃগাংক্ষী বৰুৱা, টুটুমণি কাকতি, মৃদুস্মিতা ৰয়, মেৰী কলিতা, দীক্ষা সৰকাৰ, নিলম গাৰ্গ আৰু অংকিতা ছেত্ৰীৰ।

2 / 5

এইবাৰ এ পি এছ চিত ACS পদত মুঠ ৪৫ গৰাকী প্ৰাৰ্থী উত্তীৰ্ণ হৈছে। ইয়াৰ লগতে APS- ত উত্তীৰ্ণ ৩৫ গৰাকী, কৰ অধীক্ষক ১ গৰাকী, আবকাৰী অধীক্ষক এগৰাকী , AFS পদত উত্তীৰ্ণ হৈছে ১৩ গৰাকী, BDOপদত উত্তীৰ্ণ ৬ গৰাকী আৰু ARCS পদত উত্তীৰ্ণ হৈছে ৪ গৰাকী প্ৰাৰ্থী।

3 / 5

ইয়াৰ লগতে ইনছপেক্টৰ অৱ টেক্সত ৪ গৰাকী, ইনছপেক্টৰ অৱ লেবাৰত ৪ গৰাকী, AEO ত এ গৰাকী, চাব ৰেজিষ্টাৰত ৩ গৰাকী, এচিচটেন্ট একাউন্ট অফিচাৰত ১০৭ গৰাকী, ইনছপেক্টিং অডিটৰৰ বাবে ১১ গৰাকী প্ৰাৰ্থীক বাচনি কৰা হৈছে। মুঠতে ২৩৫ গৰাকী প্ৰাৰ্থী এইবাৰ এ পি এছ চিৰ সংযুক্ত পৰীক্ষাত উত্তীৰ্ণ হয়।

4 / 5

এইবাৰ এ পি এছৰ শীৰ্ষত উজ্বলিছে পাৰ্থ প্ৰতিম শৰ্মা, অন্বেষা দুৱৰা, বিজয় আহমেদ, নিলুপ্ত চহৰীয়া, সুনয়না সভাপণ্ডিত। ছিত তেনেদৰে কৰ অধীক্ষকৰ পদত উত্তীৰ্ণ হৈছে নয়নজ্যোতি মজুমদাৰ আৰু আবকাৰী অধীক্ষকত উত্তীৰ্ণ ধ্ৰুবজ্যোতি দাস। ইয়াৰ লগতে এ এফ এছৰ শীৰ্ষ ৫ প্ৰাৰ্থী- পাৰ্থ প্ৰতিম বৰা,হৃষিকেশ বৰা, লক্ষীকুমাৰ কলিতা, ইন্দ্ৰাণী সেনাপতি, দিব্যজ্যোতি চেত্ৰী।

5 / 5

উল্লেখ্য যে, চলিত বৰ্ষৰ ২৬, ২৭ আৰু ২৮ জুলাইত অসম লোকসেৱা আয়োগৰ মূল পৰীক্ষা অনুষ্ঠিত হৈছিল। মূল পৰীক্ষাত উত্তীৰ্ণ হোৱা প্ৰাৰ্থীয়ে ১৩ নৱেম্বৰত সাক্ষাৎকাৰত অৱতীৰ্ণ হৈছিল। তাৰ পাছতেই আজি ঘোষণা কৰা হয় সংযুক্ত পৰীক্ষাৰ ফলাফল। এইবাৰ এ পি এছ চিৰ বাবে মুঠ ৬৭,২৫১ গৰাকী প্ৰাৰ্থীয়ে আবেদন কৰিছিল। ইয়াৰ পৰা মূল পৰীক্ষালৈ ২,৮৯৮ গৰাকী প্ৰাৰ্থী উত্তীৰ্ণ হৈছিল। সাক্ষাৎকাৰত অৱতীৰ্ণ হৈছিল ৭১১ গৰাকী প্ৰাৰ্থীয়ে আৰু আজি চূড়ান্ত ২৩৫ গৰাকী প্ৰাৰ্থী উত্তীৰ্ণ হয়।

অসম