26 Oct 2024 17:38 PM
বিহালী, চামগুৰিত উপ-নিৰ্বাচনৰ প্ৰচাৰ চলাবলৈ আহিব আম আদমী পাৰ্টিৰ মুৰব্বী আৰবিন্দ কেজৰিৱাল । ইতিমধ্যে ৰাজ্যৰ উপ-নিৰ্বাচনৰ প্ৰচাৰৰ বাবে ষ্টাৰ কেম্পেইনাৰৰ তালিকা প্ৰকাশ কৰিছে আপে ।
প্ৰকাশ কৰা তালিকা অনুসৰি, আপৰ ২৮ গৰাকীকৈ ৰাষ্ট্ৰীয় নেতাই অসমত উপ-নিৰ্বাচনৰ প্ৰচাৰ চলাব ।
আপৰ মুৰব্বী কেজৰিৱালৰ উপৰিও উপ-নিৰ্বাচনী প্ৰচাৰত অংশগ্ৰহণ কৰিব দিল্লীৰ মুখ্যমন্ত্ৰী আতিশী আৰু পঞ্জাৱৰ মুখ্যমন্ত্ৰী ভগৱন্ত মানে ।
তদুপৰি মনীষ ছিছ'দিয়া, হৰভজন সিং, ৰাঘৱ চাদ্দা আৰু সঞ্জয় সিঙৰ দৰে নেতাৰ নাম আপৰ ষ্টাৰ কেম্পেইনাৰৰ তালিকাত দেখা গৈছে ।
আপে প্ৰকাশ কৰা ৪০ জনীয়া তালিকাত ২৮ গৰাকী ৰাষ্ট্ৰীয় নেতাৰ নাম উল্লেখ কৰিছে । প্ৰকাশিত খবৰ অনুসৰি, ড০ সন্দীপ পাঠক, জেছমিন শ্বাহ, গোপাল ৰায়, ইমৰাণ হুছেইন, ৰাজেশ শৰ্মা অসমৰ উপ-নিৰ্বাচনী প্ৰচাৰৰ দায়িত্বত আছে ।