17 Jan 2025 15:13 PM
অসমৰ এগৰাকী উদীয়মান কণ্ঠশিল্পী কমলিকা কাশ্যপ। অসমীয়া হিয়াৰ আমঠু কমলিকা। সকলোৱে কমলিকাৰ কণ্ঠতে সকলোৱে বিচাৰি পাই ভিতালী দাসক।
সেইগৰাকী কমলিকা কাশ্যপ আজি নিঠৰুৱা হ'ল। কমলিকাৰ জীৱনৰ পৰা নোহোৱা হ'ল পিতৃ-মাতৃৰ ছাঁ। এয়া যেন এক অসহনীয় খবৰ।
ক'ভিডৰ সময়ত মাতৃ ভিতালী দাসৰ বিয়োগৰ পিছত আজি শেষ নিশ্বাস ত্যাগ কৰে কমলিকাৰ পিতৃয়ে। মহানগৰীৰ গাড়ীগাঁওস্থিত নিজ বাসগৃহত মৃত্যু হয় ভূপেন দাসৰ।
জানিব পৰা মতে দীৰ্ঘদিন ধৰি মধুমেহ ৰোগ আৰু বৃক্কজনিত সমস্যাত আক্ৰান্ত হৈ আছিল ভূপেন দাস । বিগত ২০২১ চনৰ ২১ এপ্ৰিলত ক’ভিডত আক্ৰান্ত হৈ মৃত্যুক সাৱটি লৈছিল কণ্ঠশিল্পী ভিতালী দাসে।
মাতৃৰ পাছত এতিয়া পিতৃয়েও এৰি গ'ল কমলিকাক। এই খবৰে এতিয়া শোকাহত কৰিছে ৰাজ্যবাসীক। সামাজিক মাধ্যমযোগে শোকপ্ৰকাশ কৰিছে বহুজনে।
