Assamese News Photo Gallery > CM himanta biswa sarma visit jorhata april 4th will inauguration rail bridge assam

বিহুৰ পূৰ্বে ভাল খবৰ! যোৰহাটবাসীলৈ মুখ্যমন্ত্ৰীৰ ডাঙৰ উপহাৰ…

Published:

30 Mar 2025 12:28 PM

হেঁপাহৰ ৰঙালী বিহুলৈ মাজত মাত্ৰ কেইটামান দিন বাকী। ইয়াৰ পূৰ্বে যোৰহাটবাসীলৈ বিশেষ উপহাৰ মুখ্যমন্ত্ৰী হিমন্ত বিশ্ব শৰ্মাৰ। ইয়াৰ বাবে ৪ এপ্ৰিলত যোৰহাটত উপস্থিত হ'ব মুখ্যমন্ত্ৰীগৰাকী।

বিহুৰ পূৰ্বে যোৰহাটবাসীলৈ মুখ্যমন্ত্ৰী হিমন্ত বিশ্ব শৰ্মাৰ ডাঙৰ উপহাৰ। অৱশেষত নিৰ্মাণ হ'ল যোৰহাটৰ দ্বিতীয় খন ৰে’লৱে অভাৰ ব্ৰীজৰ । যোৰহাট চিকিৎসা মহাবিদ্যালয়ৰ ওচৰৰ কে বি ৰোডত নিৰ্মাণ হোৱা দুই লেনযুক্ত ৰে’লৱে ব্ৰীজখনৰ দৈৰ্ঘ ৫৮১.২০৫ মিটাৰ। এই ব্ৰীজখন ৪ এপ্ৰিলত মুকলি কৰিব মুখ্যমন্ত্ৰী হিমন্ত বিশ্ব শৰ্মাই। এই ব্ৰীজখনৰ ৰে’ল লাইনৰ ওপৰৰ অংশৰ দৈৰ্ঘ ৭৪ মিটাৰ।

2 / 5

জানিব পৰা মতে ৭৮.২৭ কোটি টকাৰ ব্যয় সাপেক্ষে এই ব্ৰীজখন নিৰ্মাণ হৈছে। ৰাজ্য চৰকাৰ আৰু ৰে’ল বিভাগে নিৰ্মাণ কৰিছে এই বীজখন। ইয়াৰ বিপৰীতে ৪ এপ্ৰিলত শৰ্মাই যোৰহাটৰ চিনামৰাত নিৰ্মাণ কৰা অত্যাধুনিক কনভেনছন চেণ্টাৰটো মুকলি কৰিব। উল্লেখ্য যে, এই কনভেনছন চেণ্টাৰত যিকোনো ধৰণৰ উচ্চ পৰ্যায়ৰ বৈঠক, আলোচনা চক্ৰ অনুষ্ঠিত কৰিব পৰাৰ সুবিধা আছে।

3 / 5

গতিকে ৪ এপ্ৰিলত মুখ্যমন্ত্ৰীৰ পৰা দুটাকৈ উপহাৰ লাভ কৰিব যোৰহাটবাসীয়ে। জানিব পৰা মতে,যোৰহাটত মুকলি কৰিব লগা ৰে’লৱে অভাৰ ব্ৰীজৰ বাবে কমাৰবন্ধা পথেৰে যাতায়ত অধিক সুচল হৈ পৰিব।

4 / 5

ইয়াৰোপৰি ২০২৫ৰ ডিচেম্বৰৰ ভিতৰত যোৰহাটৰ চিনামৰাত নিৰ্মাণ কৰি থকা তৃতীয়খন ৰে’লৱে অভাৰ ব্ৰীজৰ কাম সম্পূৰ্ণ হ'ব বুলি আশা কৰা হৈছে। এই সেঁতুখন মুকলিৰ নিৰ্ধাৰিত সময় ২০২৬ আছিল যদিও কাম দ্ৰুতগতিত চলা বাবে সময়ৰ আগতে ই নিৰ্মাণ হৈ উঠিব।

5 / 5

লগতে যোৰহাট নগৰৰ এ টি ৰোডৰ এক কিলোমিটাৰতকৈ অধিক দৈৰ্ঘৰ উৰণ সেতঁতুখনৰ কাম চলি আছে। এই সেঁতুখন ২০২৬ চনৰ ছেপ্টেম্বৰ মাহত সম্পূৰ্ণ কৰাৰ কথা আছিল যদিও এই বছৰৰ ডিচেম্বৰৰ ভিতৰতে ইয়াৰ কাম সম্পূৰ্ণ হ'ব পাৰে।

অসম হিমন্ত বিশ্ব শৰ্মা