Assamese News Photo Gallery > Do you know what percentage of the son-in-law has rights over the property of Father in law

শহুৰৰ সম্পত্তিৰ ওপৰত জোঁৱাইৰ অধিকাৰ কিমান শতাংশ থাকে জানেনে আপুনি ?

Raj Saikia

Updated On:

31 Jan 2025 14:41 PM

কোনো জোঁৱায়ে শহুৰৰ সম্পত্তিৰ অংশ লাভ কৰিব পাৰেনে ? এই ক্ষেত্ৰত আইনে কি কয় জানো আহক-

শহুৰৰ ঘৰত জোঁৱাইৰ আদৰ অলপ বেছি । বিশেষকৈ শহুৰৰ ঘৰলৈ জোঁৱাই গ'লে শাহু আৰু খুৰশালীয়ে অলপ বেছি মৰম আৰু আপদাল কৰা দেখা যায় । ভিন ভিন ব্যঞ্জনেৰে জোঁৱাইক এসাজ খুৱাবলৈ শাহুৱে বৰ আনন্দ পায় । জোঁৱায়ে ভালপোৱা বস্তুবোৰ ৰান্ধি খুওৱাত ব্যস্ত হৈ পৰে শাহু-খুৰশালী সকলো । আকৌ উভতি যোৱাৰ পৰত গামোচা এখন বা আন কোনো বস্ত্ৰৰে মৰম যঁচাৰ পৰম্পৰাতো আছেই । এইবোৰ আমাৰ চিৰ পৰিচিত দৃশ্য ।

2 / 7

জোঁৱাইৰ মন ভৰি যোৱাকৈ শহুৰৰ ঘৰত আপ্যায়ন কৰা হয় । সাধাৰণতে অলপ বেছিকৈয়ে শহুৰৰ ঘৰত মৰম বোটলা জোঁৱাইৰ ক্ষেত্ৰত আইনে কি কয় ? কোনো জোঁৱায়ে শহুৰৰ সম্পত্তিৰ অংশ লাভ কৰিব পাৰেনে ? বিবাহ বিচ্ছেদ সময়ত এগৰাকী পত্নীয়ে যেনেকৈ স্বামীৰ সম্পত্তিৰ অংশ দাবী কৰিব পাৰে, ঠিক তেনেকৈ এজন জোঁৱায়ে শহুৰৰ সম্পত্তি দাবী কৰাৰ নিয়ম আছে নেকি ?

3 / 7

শেহতীয়াকৈ মধ্যপ্ৰদেশ উচ্চ ন্যায়ালয়ত এটা গোচৰ বিচাৰ চলাৰ সময়ত এই গুৰুত্বপূৰ্ণ বিষয়টো লৈ পৰ্যৱেক্ষণ কৰে বিচাৰকে। ঘটনাটো মধ্যপ্ৰদেশৰ ৰাজধানী ভূপালৰ। ভূপালৰ বাসিন্দা দিলীপে তেওঁৰ শহুৰৰ ঘৰত বাস কৰে।

4 / 7

কিন্তু শহুৰৰ পৰিয়ালৰ লোকৰ সৈতে মনোমালিন্য হোৱাৰ পাচতে তেওঁলোকে দিলীপক ঘৰৰ পৰা ওলাই যাবলৈ কয় । কিন্তু ওলাই যা বুলিলেই ওলাই যাবনে ! ওলোটাই শহুৰৰ সম্পত্তিৰ ওপৰত অধিকাৰ দাবী কৰিলে দিলীপে ।

5 / 7

এনে পৰিস্থিতিত দিলীপৰ শাহুৱেক আদালতৰ দ্বাৰস্থ হ'বলৈ বাধ্য হয় । দিলীপৰ শহুৰৰ ঘৰৰ লোকে ঘৰ খালী কৰাৰ দাবী জনাই মহকুমা দণ্ডাধীশৰ আদালতত গোচৰ দাখিল কৰে । আদালতেও এই আবেদনৰ সপক্ষে ৰায় দি দিলীপক ঘৰ খালী কৰাৰ নিৰ্দেশ দিয়ে ।

6 / 7

কিন্তু হাৰ নামানিলে দিলীপে । তেওঁ চিধাই পালেগৈ ভূপালৰ জিলা আযুক্তৰ কাষ । ঘৰৰ ওপৰত অধিকাৰ বিচাৰি দাখিল কৰিলে আবেদন । কিন্তু তাতো বিমুখ হ'বলগীয়া হয় দিলীপ । তাৰ পাচতে উচ্চ ন্যায়ালয়ত আবেদন জনাই তেওঁ । তেওঁ জনাই যে ঘৰ নিৰ্মাণৰ বাবে ১০ লাখ টকা তেওঁ দিছিল । তেন্তে এতিয়া তেওঁক ঘৰৰ পৰা ওলাই যাবলৈ ক'ব কিয় ? এই গোচৰৰ ওপৰত নিজৰ ৰায় প্ৰদান কৰে ভূপাল উচ্চ ন্যায়লয়ে ।

7 / 7

আদালতে কয় যে দিলীপক তেওঁৰ শহুৰৰ ঘৰত কেৱল থাকিবলৈহে দিয়া হৈছিল । তেওঁ শহুৰৰ ঘৰখন নিজৰ বুলি দাবী কৰিব নোৱাৰে । শহুৰৰ ঘৰৰ মানুহে যদি জোঁৱায়েকৰ নামত সম্পত্তি ক্ৰয় কৰে তেন্তে তাৰ ওপৰত তেওঁ অধিকাৰ দাবী কৰিব পাৰে । কিন্তু কেৱল বাস কৰিবলৈ অনুমতি প্ৰদান কৰিলে সেই সম্পত্তিৰ ওপৰত অধিকাৰ দাবী কৰিব নোৱাৰে ।