ৰাজ্যত সংঘটিত হৈছে এক ৰে'ল দুৰ্ঘটনা। দুৰ্ঘটনাৰ স্থান ডিমা হাচাও জিলা। উত্তৰ পূৱ সীমান্ত ৰে'লৱেৰ অন্তৰ্গত ডিমা হাচাও জিলাত দুৰ্ঘটনাত পতিত হৈছে যাত্ৰীবাহী ৰে'লখন ।
ডিমা হাছাও জিলাৰ ডিবালং ৰেল ষ্টেশ্যনৰ সমীপত দুৰ্ঘটনাগ্ৰস্ত নামনিমুৱা আগৰতলা-মুম্বাই লোকমান্য তিলক এক্সপ্ৰেছ৷ যাত্ৰীবাহী ৰে'লখনৰ ইঞ্জিনসহ ৮টা দবা লাইনচ্যুত হোৱাৰ খবৰ পোৱা গৈছে।
দুৰ্ঘটনাগ্ৰস্ত ৰে'লখন ১২৫২০ নামনিমুৱা আগৰতলা-মুম্বাই লোকমাণ্য তিলক এক্সপ্ৰেছ। ৰে'ল বিভাগে জনোৱা মতে ৰে'লখন ডিমা হাচাও জিলাৰ দিবালং নামৰ ৰে'লৱে ষ্টেচনৰ সমীপত দুৰ্ঘটনাত পতিত হৈছে।
দিবালং ক্ৰছিং পইণ্টত সংঘটিত হয় এই ৰে’ল দুৰ্ঘটনা। দুৰ্ঘটনাত কেইবাজনো লোক আহত হোৱা বুলি জানিব পৰা গৈছে। ইয়াৰে এজনক হাস্পতালত ভৰ্তি কৰোৱা হৈছে। বিয়লি ৪:২০ বজাত সংঘটিত হয় এই দুৰ্ঘটনাটো।
এই ৰে’ল দুৰ্ঘটনাৰ ফলত ১৩১৭৪ চাব্ৰুম-শিয়ালদহ কাঞ্চনজংঘা এক্সপ্ৰেছ মাইবঙত ৰখাবলগীয়া হোৱাৰ বিপৰীতে ১৫৬১৮ দুৰ্লভচেৰা-গুৱাহাটী ৰে’লখন নিউ হাফলঙত আবদ্ধ হৈ পৰিবলগীয়া হয়। ৰে’ল বিভাগে মুকলি কৰিলে হেল্পলাইন নম্বৰ৷ 03674-263120, 03674-263126 নম্বৰ মুকলি৷