গুগল ডুডলে আজি সোঁৱৰণ কৰিছে কেকেক। এই এনিমেটেড ডুডলটোত কেকেক হাতত মাইক লৈ গান গাই থকা দেখুওৱা হৈছে।
সুললিত কণ্ঠেৰে শ্ৰোতাক মুগ্ধ কৰি ৰখা কেকেৰ বলীউড অভিষেকৰ দিনটোক উদযাপন কৰিবলৈ এই ডুডল প্ৰস্তুত কৰিছে গুগলে।
১৯৯৬ চনৰ আজিৰ দিনটোতে ‘মাচিছ’ চিনেমাৰ 'ছোড় আয়ে হাম' গানটোৰ জৰিয়তে গায়ক হিচাপে বলীউডত অভিষেক ঘটিছিল কেকেৰ।
হিন্দীৰ লগতে অসমীয়া, তামিল, তেলেগু, মালায়ালম, বঙালীকে ধৰি ১১ টা ভাষাত ৩,৫০০টাতকৈ অধিক গানত কণ্ঠ নিগৰাইছিল কেকেই।
২০২২ চনৰ ৩১ মে’ত কলকাতাত এক সংগীত অনুষ্ঠান পৰিৱেশন কৰাৰ পিছতে হৃদৰোগত আক্ৰান্ত হৈ আকস্মিক মৃত্যু ঘটিছিল প্ৰখ্যাত কণ্ঠশিল্পীগৰাকীৰ।