এই এপ্ৰিল ফুলৰ দিনাই মুখ্যমন্ত্ৰী হিমন্ত বিশ্ব শৰ্মাই ৰাজ্যবাসীক দিলে এক ভাল খবৰ। সামাজিক মাধ্যমৰ জৰিয়তে মুখ্যমন্ত্ৰীগৰাকীয়ে কয় যে, ৰাজ্যত হ্ৰাস পাব বিদ্যুতৰ মাচুল। ইয়াৰোপৰি এয়া এপ্ৰিল ফুল নহয় , এয়া সঁচা খবৰ বুলি কয় শৰ্মাই।
3 / 5
মুখ্যমন্ত্ৰীয়ে কৰা ঘোষণা অনুসৰি, ১ এপ্ৰিলৰ পৰা ৰাজ্যৰ প্ৰতিটো পৰিয়ালৰ বিদ্যুতৰ মাচুল হ্ৰাস পাব। প্রতিটো ইউনিটত ১ টকাকৈ ৰেহাই পাব সকলোয়ে। গতিকে পূৰ্বতকৈ বিদ্যুতৰ মাচুলৰ ক্ষেত্ৰত কম টকা ভৰিব লাগিব ৰাইজে।
4 / 5
উল্লেখ্য যে, ৰাজ্যত মূল্যবৃদ্ধিয়ে জনতাক বহু পৰিমাণে সমস্যাত পেলাইছে। ইয়াৰ মাজতে আজিৰ পৰা বৃদ্ধি হৈছে প্ৰায় ৮০০ বিধ অত্যাৱশ্যকীয় ঔষধৰ মূল্য। গতিকে মূল্যবৃদ্ধিৰ মাজতো বিদ্যুতৰ মাচুল হ্ৰাসে ৰাজ্যবাসীক কিছু সকাহ প্ৰদান কৰিব।
5 / 5
এই সন্দৰ্ভত শৰ্মাই সামাজিক মাধ্যমত লিখে যে- আজি এপ্রিলৰ পহিলা তাৰিখ— এপ্রিল ফুল নহয় যদিও এষাৰ কথা কওঁ— উষ্ণতা বাঢ়িলেও আপোনাৰ বিদ্যুৎ বিল নিশ্চিতকৈ হ্রাস হ’ব। আজিৰে পৰা অসমৰ প্রতিটো পৰিয়ালে প্রতিটো ইউনিটত ১ টকাকৈ ৰেহাই পাবলৈ সক্ষম হ’ব। উল্লেখ্য যে এই ৰেহাইৰ হাৰে বছৰৰ শেষত আৰু অধিক সকাহেৰে আপোনাক শান্তি প্রদান কৰিবলৈ সাজু হৈছে।
