Assamese News Photo Gallery > How much did Assamese film Abhimannyu earn in box office

Abhimannyu Box office collection: মুক্তিৰ পিছতেই চৰ্চাত ‘অভিমন্যু’! দ্বিতীয় সপ্তাহটোত কিমান উপাৰ্জন কৰিলে অসমীয়া ছবিখনে?

Updated On:

23 Nov 2024 12:47 PM

১৫ নৱেম্বৰৰ পৰা ৰাজ্যৰ ছবিগৃহত নতুন অসমীয়া ছবি ‘অভিমন্যু’। ছবিখনৰ মুখ্য চৰিত্ৰত অভিনয় কৰিছে কমল লোচন আৰু দীপলিনা ডেকাই। মুক্তিৰ পিছতে পাঠশালাত ‘অভিমন্যু’ ৰ প্ৰথম দিনাৰ প্ৰতিটো শ্ব’ৰ টিকটৰ বুকিং আগদিনাই শেষ হৈছিল। দ্বিতীয় সপ্তাহত ছবিখনে কিমান উপাৰ্জন কৰিলে জানো আহক...

2 / 5

মুক্তিৰ পিছতে দৰ্শকৰ যথেষ্ঠ সঁহাৰি লাভ কৰিছে ছবিখনে। ছবিখনত অভিনয় কৰিছে জনপ্ৰিয় অভিনেতা দেৱজিৎ মজুমদাৰ, শ্বেয়া বৰঠাকুৰ, অমৃতা গগৈ, দীপলিনা, কমললোচন, হিমাংশু ডেকা , কৌশিক নাথ, ভাস্কৰ দত্তৰ লগতে বহু ন-পুৰণি অভিনেতা-অভিনেত্ৰীসকলে।

3 / 5

মুক্তিৰ ফিছত দ্বিতীয় সপ্তাহত ভৰি দিলে অভিমন্যু'ই। বক্স অফিচত ছবিখনে বৰ্তমানলৈ উপাৰ্যন কৰিছে ১ কোটি টকা। সামাজিক মাধ্যমত ছবিখনৰ বক্স অফিচৰ উপাৰ্যনৰ পোষ্টাৰ শ্বেয়াৰ কৰি মূল নায়িকা দীপলিনা ডেকাই লিখিছে- ''বিভিন্ন ঘাত প্ৰতিঘাত নেওচি লাহে লাহে গতি লোৱা কিন্তু মানুহৰ মৰম বুটলিবলৈ সক্ষম হোৱা আমাৰ হেঁপাহৰ 'অভিমন্যু' আজি দ্বিতীয় সপ্তাহত ভৰি দিলে। মই সুখী এটা কথাতেই যে নিজৰ কামটোৰ প্ৰতি কোনো doubt নথকাকৈ বা খুব confidently দৰ্শকক কব পাৰিছো যে "আহিব আমাৰ ছবিখন চাব"। সাংস্কৃতিক কৰ্মী হিচাপে আৰু আমাক কি লাগে। সমগ্ৰ অসমত যি 'অভিমন্যু'ৰ কামক লৈ যোগাত্মক চৰ্চা দেখিছোঁ বা শুনিছো আমি team অভিমন্যু সচাকৈ কৃতজ্ঞ। যিসকলে চোৱা নাই এতিয়ালৈ, go and give a watch this weekend''

4 / 5

উল্লেখ্য যে, ছবিখনৰ সংগীত কৰিছে দিগন্ত ভাৰতী, অৰূপজ্যোতি বৰুৱা আৰু ৰাজদ্বীপে । গীতৰ কথা লিখিছে দিগন্ত ভাৰতী, অৰূপজ্যোতি বৰুৱা, ৰাজদ্বীপ আৰু ৰাহুল গৌতম শৰ্মাই ৷ ছবিখনৰ চিত্ৰনাট্য তথা সংলাপ হিমাংশু নাথৰ । প্ৰদীপ দৈমাৰীৰ দৃশ্যগ্ৰহণেৰে নিৰ্মিত ছবিখনৰ ছাউণ্ডৰ কামত আছে অমৃত প্ৰীতম আৰু দেৱজিৎ চাংমায়ে, ইয়াৰোপৰি কৰিঅ’গ্ৰাফাৰ হিচাপে আছে দীপক দে’ ৷

5 / 5

ছবিখনৰ 'মোৰে কানাই' গীতটি মুকলিৰ পিছতে বহু বিতৰ্ক হৈছিল যদিও, জুবিন গাৰ্গৰ কণ্ঠত ৰাছিয়ান শিল্পীৰ নৃত্যৰ ভংগীৰে সকলোকে আচৰিত কৰিও তুলিছে। এতিয়া অসমীয়া ছবিজগতত জোৱাৰ আনিছে 'অভিমন্যু'ই ৷ এই গীতটিত জুবিন গাৰ্গৰ লগতে কণ্ঠদান কৰিছে প্ৰিয়ংকা ভৰালীয়ে লগতে গীতটিত অভিনয় কৰিছে জুবিন গাৰ্গ আৰু দেৱজিৎ মজুমদাৰে।