Assamese News Photo Gallery > Jhumoir Binandini almost 9000 dacncer patriciate in jhumur dance will create world record assam

ঝুমইৰ বিনন্দীয়াঃ সৰুসজাই ষ্টেডিয়ামত প্ৰায় ৯০০০ শিল্পীয়ে আজি পৰিৱেশন কৰিব ঝুমুৰ নৃত্য…

Barasha Sarma

Updated On:

24 Feb 2025 12:32 PM

Jhumoir Binandini: পুনৰ এবাৰ ইতিহাস ৰচিবলৈ সাজু সৰুসজাই ষ্টেডিয়াম। দেশৰ প্ৰধানমন্ত্ৰী নৰেন্দ্ৰ মোদীৰ লগতে কেইবাখনো দেশৰ ৰাষ্ট্ৰ প্ৰতিনিধিৰ উপস্থিতিত আজি অনুষ্ঠিত হ'ব 'ঝুমইৰ বিনন্দীয়া' শীৰ্ষক অনুষ্ঠান।

ইতিহাস ৰচিবলৈ সাজু সৰুসজাই ষ্টেডিয়াম। দীৰ্ঘদিন ধৰি চলা অনুশীলনৰ পাছত আজি (২৪ ফেব্ৰুৱাৰী) গুৱাহাটীত অনুষ্ঠিত হ'ব ঝুমইৰ বিনন্দীয়া শীৰ্ষক অনুষ্ঠান। এই অনুষ্ঠানত অংশ গ্ৰহণ কৰিবলৈ ইতিমধ্যে দেশ-বিদেশৰ বহু প্ৰতিনিধি ৰাজ্যত উপস্থিত হৈছে।

2 / 5

আজি সন্ধিয়া গুৱাহাটীত উপস্থিত হ'ব দেশৰ প্ৰধানমন্ত্ৰী নৰেন্দ্ৰ মোদী। প্ৰধানমন্ত্ৰীগৰাকীয়েও এই অনুষ্ঠানত অংশ গ্ৰহণ কৰিব। ইয়াৰোপৰি বৈদেশিক পৰিক্ৰমা মন্ত্ৰী এছ জয়শংকৰ, ৪৩ খন দেশৰ ৬৪ গৰাকী প্ৰতিনিধিৰ লগতে বহু লোকে এই কাৰ্যসূচীত অংশ গ্ৰহণ কৰিব।

3 / 5

জানিব পৰা মতে, ঝুমইৰ বিনন্দীয়া অনুষ্ঠানত মুঠ ২৭ খন জিলাৰ ৯,৬৪৮গৰাকী নৃত্যশিল্পীয়ে অংশ গ্ৰহণ কৰিব। ইয়াৰে মহিলা নৃত্যশিল্পী ৫৩৯৯গৰাকী, পুৰুষ নৃত্যশিল্পী ২,১৭৫গৰাকী আৰু বাদ্যশিল্পী হিচাপে থাকিব ২,০৭৪গৰাকী। মুঠ ১৬ মিনিট ৩২ ছেকেণ্ডৰ হ’ব এই অনুষ্ঠান । আজি সন্ধিয়া ৬ বজাৰ পৰা আৰম্ভ হ’বলগীয়া এই অনুষ্ঠানৰ বাবে দৰ্শকসকলে ৩ বজাৰ আগতে সৰুসজাই ষ্টেডিয়ামত হাজিৰ হ’ব লাগিব।

4 / 5

ইতিমধ্যে মুখ্যমন্ত্ৰী হিমন্ত বিশ্ব শৰ্মাই ঘোষণা কৰিছে যে এই অনুষ্ঠানত অংশ গ্ৰহণ কৰা প্ৰতিগৰাকী শিল্পীকে ২৫,০০০ কৈ টকা আগবঢ়োৱা হ'ব। ইতিমধ্যে ইয়াৰ বাবে সাজু হৈছে সকলো প্ৰস্তুতি।

5 / 5

উল্লেখ্য যে, আজিৰ এই অনুষ্ঠানে বিশ্ব ৰেকৰ্ড গঢ়িব। কিয়নো ইয়াৰ পূৰ্বে কেতিয়াও ইমান সংখ্যক নৃত্যশিল্পীয়ে একেলগে নৃত্য পৰিৱেশন কৰা নাছিল। গতিকে পুনৰ এবাৰ বিশ্ব ৰেকৰ্ড গঢ়িবলৈ সাজু হৈছে ৰাজ্যবাসী।

অসম নৰেন্দ্ৰ মোদী(Narendra Modi)হিমন্ত বিশ্ব শৰ্মা