Assamese News Photo Gallery > New Assamese film 'Abhimanyu' to hit theatres in Assam on November 15

Abhimanyu: আহি আছে ‘অভিমন্যু’, চক্ৰবেহু ভেদ কৰি ওলাই আহিব পাৰিব নে আজিৰ অভিমন্যুই?

Updated On:

07 Nov 2024 15:31 PM

অসমীয়া ছবিৰ সুদিন ঘূৰি আহিছে। ইখনৰ পিছত সিখন অসমীয়া ছবি মুক্তি পাবলৈ ধৰিছে ছবিগৃহত। এইবাৰ ১৫ নৱেম্বৰত মুক্তি লাভ কৰিব অসমীয়া ছবি 'অভিমন্যু' |

শীঘ্ৰে ছবিগৃহলৈ আহি আছে নতুন অসমীয়া ছবি ‘অভিমন্যু’। শ্বৱনমচ্ এন্টাৰটেইনমেন্টৰ বেনাৰত মতলেবুদ্দিন আহমেদৰ প্ৰযোজনা আৰু অচিন্ত শংকৰ কাহিনী আৰু পৰিচালনাত নিৰ্মিত হৈছে নতুন অসমীয়া ছবিখন। দৰ্শকে ৰোমাঞ্চ, এক্সন সকলো পাব ‘অভিমন্যু’ত।

2 / 5

ছবিখনত অভিনয় কৰিছে জনপ্ৰিয় অভিনেতা দেৱজিৎ মজুমদাৰ, শ্বেয়া বৰঠাকুৰ, অমৃতা গগৈ, দীপলিনা, কমললোচন, হিমাংশু ডেকা , কৌশিক নাথ, ভাস্কৰ দত্তৰ লগতে বহু ন-পুৰণি অভিনেতা-অভিনেত্ৰীসকলে।

3 / 5

১৫ নৱেম্বৰত অসমৰ চিত্ৰগৃহলৈ আহিব ছবি 'অভিমন্যু'। সেয়েহে উজনি পৰা নামনি লৈ প্ৰচাৰত নামি পৰিছে ছবিখনৰ কলা-কুশলীসকল। আজি শিৱসাগৰ উপস্থিত হৈ TRB জুনিয়ৰ কলেজ , শিৱসাগৰ ছোৱালী কলেজ, শিৱসাগৰ কমাৰ্চ কলেজ, শিৱসাগৰ বিশ্ববিদ্যালয় প্ৰচাৰ চলায়।

4 / 5

ছবিখনৰ সংগীত কৰিছে দিগন্ত ভাৰতী, অৰূপজ্যোতি বৰুৱা আৰু ৰাজদ্বীপে । গীতৰ কথা লিখিছে দিগন্ত ভাৰতী, অৰূপজ্যোতি বৰুৱা, ৰাজদ্বীপ আৰু ৰাহুল গৌতম শৰ্মাই ৷ ছবিখনৰ চিত্ৰনাট্য তথা সংলাপ হিমাংশু নাথৰ । প্ৰদীপ দৈমাৰীৰ দৃশ্যগ্ৰহণেৰে নিৰ্মিত ছবিখনৰ ছাউণ্ডৰ কামত আছে অমৃত প্ৰীতম আৰু দেৱজিৎ চাংমায়ে, ইয়াৰোপৰি কৰিঅ’গ্ৰাফাৰ হিচাপে আছে দীপক দে’ ৷

5 / 5

ছবিখনৰ 'মোৰে কানাই' গীতটি মুকলিৰ পিছতে বহু বিতৰ্ক হৈছিল যদিও, জুবিন গাৰ্গৰ কণ্ঠত ৰাছিয়ান শিল্পীৰ নৃত্যৰ ভংগীৰে সকলোকে আচৰিত কৰিও তুলিছে। এতিয়া অসমীয়া ছবিজগতত জোৱাৰ আনিবলৈ সাজু হৈছে নতুন অসমীয়া চিনেমা 'অভিমন্যু' ৷ এই গীতটিত জুবিন গাৰ্গৰ লগতে কণ্ঠদান কৰিছে প্ৰিয়ংকা ভৰালীয়ে।