Assamese News Photo Gallery > Rain in different parts of the state including Guwahati, know the Assam Weather Update

Assam Weather Update: সপোন যেন এজাক বৰষুণে ন-প্ৰাণ দিছে প্ৰকৃতিক, গুৱাহাটীৰ লগতে ৰাজ্যৰ ভিন্ন প্ৰান্তত বতৰে সলাইছে ৰূপ

Updated On:

05 Apr 2025 17:54 PM

চ'তৰ ধূলিয়ৰি বাটৰ লগতে শুকান পৰিৱেশ জীপাল কৰিবলৈ যেন আহিল এজাক বৰষুণ। ৰাজ্যত কেৱল ধাৰাসাৰৰ বৰষুণেই নহয় লগতে আহিব পাৰে ধুমুহা। ইতিমধ্য বতৰ বিজ্ঞান বিভাগে জাৰি কৰিছে সতৰ্কবাণী!

ৰাজ্যবাসীয়ে দীৰ্ঘদিন ধৰি অপেক্ষা কৰি থকা বৰষুণজাক অৱশেষত আহিল। গুৱাহাটীৰ লগতে ৰাজ্যৰ ভিন্ন প্ৰান্তত অহা বৰষুণজাকে সকলোৰে মনত শান্তি দিয়ে।

2 / 5

অসমত বিগত কেইবা দিনৰ পৰা গৰমৰ প্ৰভাৱ পৰিছে। আজি ৰাজ্যৰ প্ৰায়বোৰ জিলাতে আবেলিৰ ভাগৰে পৰা বৰষুণ দিয়া পৰিলক্ষিত হয়। কিছুমান ঠাইৰ বতৰ ডাৱৰীয়া হোৱাৰ পাছতো বৰষুণ হোৱা নাই, কিন্তু বতাহৰ বাবে মানুহে গৰমৰ পৰা নিশ্চয়কৈ কিছু সকাহ পাইছে।

3 / 5

ৰাজ্যৰ একেখন জিলাৰে ভিন্ন অঞ্চলত একে সময়তে বিপৰীত বতৰ হোৱাও পৰিলক্ষিত হৈছে। গুৱাহাটী মহানগৰীতেই এটা ঠাইত বৰষুণ দিলে আন এটা ঠাইত বৰষুণ নিদিয়ে। ৰাজ্যবাসীয়ে গৰম অনুভৱ কৰাৰ সময়তে আজি হঠাতে সলনি হ'ল বতৰ ।

4 / 5

ইফালে বতৰ বিজ্ঞান বিভাগে পুনৰ জাৰি কৰিছে সতৰ্কবাণী। ৰাজ্যত ধাৰাসাৰৰ বৰষুণৰ লগতে ধুমুহা অহাৰ আশংকা কৰিছে বতৰ বিজ্ঞানে। ধুবুৰী, কোকৰাঝাৰ, গোৱালপাৰা, বঙাইগাঁও, বৰপেটা, নলবাৰী, শ্ৰীভূমি, হাইলাকান্দি, কাছাৰ, ডিমা হাচাও, কাৰ্বি আলং, গোলাঘাট, দক্ষিণ শালামাৰ, বিশ্বনাথ, লখিমপুৰ জিলাত আজি হালধীয়া সতৰ্কবাণী জাৰি কৰিছে।

5 / 5

কেৱল বৰষুণেই নহয় ৰাজ্যৰ ভিন্ন স্থানত আজি আহিছে বিজুলি ঢেৰেকণিও। ৰাজ্যৰ দুই এঠাইত প্ৰবলৰ পৰা অতি প্ৰবল বৰষুণ হোৱাৰ সম্ভাৱনা আছে । কোনো ঠাইত পাতল বৰষুণ,বিজুলী- ঢেৰেকনি আহিব পাৰে।