Assamese News Photo Gallery > riyan parag 23th birthday today happy birthday riyan parag

Riyan Parag Birthday: ২৩ বছৰীয়া হ’ল ৰিয়ান পৰাগ, কিদৰে আৰম্ভ হৈছিল ৰিয়ানৰ ক্ৰিকেট কেৰিয়াৰ?

Updated On:

10 Nov 2024 10:07 AM

অসম গৌৰৱ ৰিয়ান পৰাগৰ আজি জন্মদিন। ১০ নৱেম্বৰ ২০০১ত জন্ম লাভ কৰা ৰিয়ানৰ ঘৰ গুৱাহাটীত । ক্ৰিকেটাৰ ৰিয়ান সোঁহতীয়া বেটচমেন আৰু লেগ স্পীন বলাৰ । আজি ২৩ বছৰ বয়সত ভৰি দিলে ৰিয়ানে।

ভাৰতীয় ক্ৰিকেট দলত স্থান লাভ কৰা অসম আৰু উত্তৰ-পূবৰ প্ৰথমগৰাকী পুৰুষ ক্ৰিকেটাৰ ৰিয়ান পৰাগ৷ আজি ২৩ বছৰ বয়সত ভৰি দিলে ৰিয়ানে।

2 / 7

ৰিয়ানৰ দেউতাক পৰাগ দাস এগৰাকী প্ৰাক্তন প্ৰথম শ্ৰেণীৰ ক্ৰিকেটাৰ যি ঘৰুৱা ক্ৰিকেটত অসম আৰু ৰেলৱে’ দলক প্ৰতিনিধিত্ব কৰিছিল। মাতৃ মিঠু বৰুৱা এগৰাকী প্ৰাক্তন ৰাষ্ট্ৰীয় পৰ্যায়ৰ সাঁতোৰবিদ ।

3 / 7

২০১৭ চনত ৰিয়ানে ২০১৬-১৭ বৰ্ষৰ আন্তঃৰাজ্যিক টুৱেণ্টি-২০ টুৰ্ণামেণ্টত অসমৰ হৈ টুৱেণ্টি-২০ত আত্মপ্ৰকাশ কৰে। ২০১৭ চনৰ ২৯ অক্টোবৰত তেওঁক ২০১৭ চনৰ এচিচি অনুৰ্ধ-১৯ এছিয়া কাপৰ বাবে ভাৰতৰ দলত স্থান দিয়া হয়।

4 / 7

২০১৭-১৮ বৰ্ষৰ ৰঞ্জী ট্ৰফীত ৰিয়ানে অসমৰ হৈ প্ৰথম শ্ৰেণীত আত্মপ্ৰকাশ কৰে। ২০১৭‌ চনত তেওঁ ইংলেণ্ডত দুখন যুৱ টেষ্টৰ বাবে ভাৰতৰ অনুৰ্ধ-১৯ দলৰ বাবে নিৰ্বাচিত হৈছিল

5 / 7

ৰিয়ানক ২০২৩ চনৰ এচিচি ইমাৰ্জিং টিমছ্ এছিয়া কাপত ভাৰত 'এ' ক্ৰিকেট দলত অন্তৰ্ভুক্ত কৰা হৈছিল। তেওঁ পাকিস্তান এ-ৰ বিৰুদ্ধে ফাইনেলত খেলিছিল আৰু একেৰাহে দুটা বলত দুটা মিডল অৰ্ডাৰৰ উইকেট দখল কৰিছিল।

6 / 7

ৰিয়ান পৰাগে ২০২৪ চনৰ জুন মাহৰ ২৪ তাৰিখে ঘোষণা কৰা ভাৰতৰ ৰাষ্ট্ৰীয় ক্ৰিকেট দলৰ ১৫ জনীয়া তালিকাত স্থান লাভ কৰে। ইয়াৰ ফলত ২০২৪ চনৰ ৬ জুলাইৰ পৰা জিম্বাবুৱেত হ'বলগীয়া দ্বিপাক্ষিক টি টুৱেণ্টিৰ পাঁচখনীয়া ক্ৰিকেট শৃংখলাত অংশগ্ৰহণ কৰিবলৈ তেওঁ সুযোগ লাভ কৰে।

7 / 7

২০১৯ চনৰ আই পি এলত ১০ লাখ টকাৰ দৰত ৰাজস্থান ৰয়েলছৰ হৈ খেলিছিল ৰিয়ান পৰাগে। ২০২৫-২৬ বৰ্ষৰ IPLত পুনৰ ৰাজস্থান ৰয়েলছত দেখা যাব ৰিয়ানক। ৰিয়ানক ১৪ কোটি টকাত ৰিটেইন কৰিছে ৰাজস্থান ৰয়েলছে।

ৰিয়ান পৰাগ