Water Crisis in Delhi: জলসংকটৰ সমস্যাত জৰ্জৰিত দিল্লীঃ চাওক কিছু দৃশ্য..

দেশৰ ৰাজধানী দিল্লীত উদ্বেগজনকভাৱে বৃদ্ধি পাইছে গৰম। তীব্ৰ গৰমৰ প্ৰকোপত গতানুগতিক জীৱন দুৰ্বিষহ হৈ পৰিছে দিল্লীবাসীৰ। শুকুৰবাৰে দিল্লীত তাপমাত্ৰা ৪৫.৮ ডিগ্ৰী চেলছিয়াছত উপনীত হোৱা দেখিবলৈ পোৱা গৈছে। ইফালে বতৰ বিজ্ঞান বিভাগৰ তথ্য মতে, যোৱা মে’ মাহত ৰাজধানী দিল্লীত মাত্ৰ দুদিনহে বৰষুণ হৈছে। যোৱা ১০ বছৰৰ ভিতৰত ৰাজধানী চহৰখনত মে’ মাহত হোৱা বৰষুণৰ পৰিমাণ এইবাৰেই আটাইতকৈ কম। আজি বতৰ বিজ্ঞান বিভাগে দিল্লীত জাৰি কৰিছে ‘Yellow Alert’। প্ৰখৰ উত্তাপৰ সমান্তৰালকৈ দিল্লীবাসীয়ে এতিয়া পানীৰ নাটনিৰো সন্মুখীন হৈছে৷