02 Apr 2025 11:58 AM
মাল্টি ক’ম’ডিটি এক্সচেঞ্জ অৰ্থাৎ এমচিএক্সত সোণৰ মূল্য প্ৰায় ২০০ টকা বৃদ্ধিৰে ব্যৱসায় চলি আছে। এয়া অভিলেখ সৃষ্টিৰ ওচৰ চাপিছে। কিন্তু কালিৰ অভিলেখ সৃষ্টিৰ পিছত ৯১৪০০ টকাৰ স্তৰত উপনীত হোৱা দাম লেহেমীয়া হৈছে। বিদেশী বজাৰতো উত্থান ঘটিছে।
চতুৰ্থ নৱৰাত্ৰিৰ দিনা দিল্লীত সোণৰ মূল্য ৯৩ হাজাৰ টকাৰ অভিলেখ সৃষ্টি কৰিছে। কালিৰ তুলনাত আজি সোণৰ মূল্য ১০০০ টকা বৃদ্ধি হোৱা যেন লাগে।
গুৱাহাটী আজি ২৪ কেৰেট সোণৰ মূল্য প্ৰতি গ্ৰাম ৯,২৮৪ টকা, ২২ কেৰেট সোণৰ মূল্য প্ৰতি গ্ৰামত ৮,৫১০ টকা আৰু ১৮ কেৰেট সোণৰ মূল্য প্ৰতি গ্ৰাম ৬,৯৬৩ টকা।
গুড ৰিটাৰ্ণছৰ তথ্য অনুসৰি, মঙলবাৰৰ দিনটোত গুৱাহাটীৰ বজাৰত ২৪ কেৰেট সোণৰ দাম প্ৰতি গ্ৰামত ৯,১৯১ টকা। ২২ কেৰেট সোণৰ দাম প্ৰতি গ্ৰামত ৮,৪২৫ টকা আৰু আৰু ১৮ কেৰেট সোণৰ প্ৰতিগ্ৰামত ৬,৮৯৪ টকা আছিল।
গুৱাহাটী ৰূপৰ মূল্য আজি প্ৰতি গ্ৰাম ১০৫ আৰু প্ৰতি কিলোগ্ৰাম ১,০৫,০০০ টকা। ভাৰতৰ উত্তৰ-পূব অঞ্চলত অৱস্থিত গুৱাহাটী অসমৰ ব্যৱসায়িক আৰু বিত্তীয় কেন্দ্ৰ।
