Assamese News Photo Gallery > অসম চৰকাৰৰ কৰ্মচাৰীও লাভান্বিত হ'ব নেকি অষ্টম দৰমহা আয়োগৰ দ্বাৰা ?

8th pay commision: কেন্দ্ৰীয় চৰকাৰৰ কৰ্মচাৰীৰ দৰে কপাল ফুলিব নেকি অসম চৰকাৰৰ কৰ্মচাৰীৰো ?

Published:

17 Jan 2025 18:42 PM

অষ্টম দৰমহা আয়োগ গঠনত অনুমোদন কেন্দ্ৰীয় চৰকাৰৰ । বৃদ্ধি পাব কেন্দ্ৰীয় চৰকাৰৰ অধীনৰ কৰ্মচাৰীৰ দৰমহা । অসম চৰকাৰৰ কৰ্মচাৰীও লাভান্বিত হ'ব নেকি অষ্টম দৰমহা আয়োগৰ দ্বাৰা ? চাওক সবিশেষ-

অধীৰ অপেক্ষাৰ অন্তত কেন্দ্ৰীয় চৰকাৰৰ কৰ্মচাৰীৰ বাবে মোদী চৰকাৰে অষ্টম দৰমহা আয়োগ গঠনত অনুমোদন জনালে । এই খবৰে সুখী কৰি তুলিছে কেন্দ্ৰীয় চৰকাৰৰ কৰ্মচাৰীসকলক ।

2 / 9

কেন্দ্ৰীয় চৰকাৰৰ কৰ্মচাৰীৰ সমান্তৰালকৈ অসম চৰকাৰৰ অধীনৰ কৰ্মচাৰীসকলেও এই অনুমোদনৰ পাছত বৰ্ধিত দৰমহা লাভৰ বাবে আশা কৰিছে । কিন্তু সেয়া সম্ভৱ হ'ব নে নাই তাক লৈ জল্পনা-কল্পনা চলি আছে । কেন্দ্ৰীয় চৰকাৰৰ বাজেট অধিবেশনৰ পূৰ্বেই কেন্দ্ৰীয় কেবিনেটে অষ্টম দৰমহা আয়োগ গঠনৰ বাবে দিয়া অনুমোদন এটা ডাঙৰ খবৰ ।

3 / 9

অষ্টম দৰমহা আয়োগখন তিনিজন সদস্যৰে গঠিত হ'ব । এজন অধ্যক্ষ আৰু দুজন সদস্য থাকিব এই আয়োগত । তেওঁলোকে সিদ্ধান্ত গ্ৰহণ কৰি অৱগত কৰিব চৰকাৰক । অষ্টম দৰমহা আয়োগ কাৰ্যকৰী হোৱাৰ লগে লগে কেন্দ্ৰীয় চৰকাৰৰ অধীনৰ লেভেল ১ ৰ কৰা লেভেল ৯ লৈ প্ৰায় ৪৯ লাখ কৰ্মচাৰী আৰু ৬৫ লাখ পেঞ্চনাৰ লাভান্বিত হ'ব ।

4 / 9

কেন্দ্ৰীয় চৰকাৰৰ অনুমোদন অনুসৰি ২০২৬ চনৰ জানুৱাৰী মাহৰ পৰা কাৰ্যকৰী হ'ব অষ্টম দৰমহা আয়োগ । সপ্তম দৰমহা আয়োগক প্ৰতিবেদন প্ৰস্তুত কৰোতে ১৮ মাহ সময় লাগিছিল । কিন্তু অষ্টম দৰমহা আয়োগক প্ৰতিবেদন দাখিলৰ বাবে কোনো সময়সীমা নিৰ্ধাৰণ কৰি দিয়া নাই চৰকাৰে ।

5 / 9

অষ্টম দৰমহা আয়োগ কাৰ্যকৰী হোৱাৰ পাছত কেন্দ্ৰীয় চৰকাৰৰ কৰ্মচাৰীৰ ন্যূনতম দৰমহা ৩৫ হাজাৰৰ পৰা ৫১ হাজাৰ টকা পৰ্যন্ত আৰু সৰ্বোচ্চ দৰমহা ৫ লাখ টকা পৰ্যন্ত হোৱাৰ সম্ভাৱনা আছে । ইয়াৰ পূৰ্বে সপ্তম দৰমহা আয়োগত কেন্দ্ৰীয় চৰকাৰৰ কৰ্মচাৰীৰ ন্যূনতম দৰমহা ১৮ হাজাৰ টকা আৰু সৰ্বোচ্চ দৰমহা ২.৫ লাখ টকা আছিল । ষষ্ঠ দৰমহা আয়োগত ন্যূনতম দৰমহা ৭ হাজাৰ টকা আৰু সৰ্বোচ্চ দৰমহা ১.৮ লাখ টকা আছিল ।

6 / 9

7 / 9

দৰমহা গণনাৰ ক্ষেত্ৰত ফিটমেণ্ট ফেক্টৰে এক গুৰুত্বপূৰ্ণ ভূমিকা পালন কৰে। ইয়ে নিৰ্ধাৰণ কৰে যে দৰমহা আৰু পেঞ্চন কিমান বৃদ্ধি হ’ব। বৰ্তমানৰ দৰমহা আয়োগৰ ফিটমেণ্ট ফেক্টৰ ২.৫৭ ৰখা হৈছে । অষ্টম দৰমহা আয়োগ গঠনত অনুমোদনৰ লগে লগে মনে মনে দৰমহা বৃদ্ধিৰ আশা জাগিছে অসম চৰকাৰৰ কৰ্মচাৰীৰ মনতো । অসম চৰকাৰেও অষ্টম দৰমহা আয়োগৰ পৰামৰ্শ কাৰ্যকৰী কৰিব নেকি বুলি আলোচনা আৰম্ভ হৈছে ।

8 / 9

বৰ্তমান অসম চৰকাৰৰ কৰ্মচাৰীয়ে ভাস্কৰ বৰুৱা দৰমহা আয়োগৰ পৰামৰ্শ মতেই লাভ কৰে দৰমহা । কেন্দ্ৰীয় চৰকাৰৰ কৰ্মচাৰীৰ সমহাৰত অসম চৰকাৰৰ কৰ্মচাৰীয়েও লাভ কৰি আছে দৰমহা । ভাস্কৰ বৰুৱা ৰাজ্যিক দৰমহা আয়োগে ৰাজ্য চৰকাৰক ভৱিষ্যতে ৰাজ্যিক দৰমহা আয়োগ গঠন নকৰিবলৈ পৰামৰ্শ প্ৰদান কৰিছিল । কেন্দ্ৰীয় চৰকাৰৰ পৰৱৰ্তী দৰমহা আয়োগৰ সমপৰ্যায়ত অসম চৰকাৰৰ কৰ্মচাৰীয়ে দৰমহা লাভ কৰাৰ সম্ভাৱনা আছে ।

9 / 9

কিন্তু এই ক্ষেত্ৰত সিদ্ধান্ত গ্ৰহণ কৰিব মুখ্যমন্ত্ৰী হিমন্ত বিশ্ব শৰ্মাই । অসম চৰকাৰে কি সিদ্ধান্ত গ্ৰহণ কৰিব সেয়া এতিয়াও নিশ্চিত হোৱা নাই । কিন্তু ৰাজ্যৰ চৰকাৰী কৰ্মচাৰীয়ে অষ্টম দৰমহা আয়োগৰ পৰামৰ্শ মতেই দৰমহা লাভৰ বাবে আশা পুহি ৰাখিছে । চৰকাৰে সেয়া কাৰ্যকৰী কৰিলে অসম চৰকাৰৰ কৰ্মচাৰীৰ দৰমহাও বহুগুণ বৃদ্ধি পাব ।

অসম হিমন্ত বিশ্ব শৰ্মা