Saraswati Puja 2025: সৰস্বতী পূজাৰ শুভ সময় কেতিয়া? পূজাৰ নীতি-নিয়ম সম্পৰ্কে সবিশেষ জানক …

হিন্দু ধৰ্মত, বসন্ত পঞ্চমীৰ দিনটো অতি গুৰুত্বপূৰ্ণ বুলি কোৱা হয়। এই দিনটোত বিদ্যাৰ অধিষ্ঠাত্ৰী দেৱী মাতা সৰস্বতীৰ নামত উৎসৰ্গিত। কোৱা হয় যে এই দিনটোত সম্পূৰ্ণ ৰীতি-নীতিৰে মা সৰস্বতীক উপাসনা কৰিলে বুদ্ধিৰ বিকাশ হয় আৰু লগতে পৰিয়ালৰ সুখ-সমৃদ্ধি নিশ্চিত হয়।। সেয়েহে বসন্ত পঞ্চমীত জ্ঞান আৰু শিক্ষাৰ দেৱী মাতা সৰস্বতীক ঘৰ, কাৰ্যালয় আৰু শিক্ষানুষ্ঠান আদিত পূজা কৰা হয়। বিশ্বাস কৰা হয় যে, সৰস্বতীৰ আশীৰ্বাদ আৰু জ্ঞান লাভ কৰাৰ বাবে এই দিনটো অতি গুৰুত্বপূৰ্ণ । এইবাৰ বসন্ত পঞ্চমীৰ তিথিক লৈ কিছু অনিশ্চয়তা দেখা গৈছে। গতিকে এই বছৰ বসন্ত পঞ্চমী কোন তাৰিখত পৰে চাও আহক।

এই বছৰ বসন্ত পঞ্চমী কেতিয়া?

হিন্দু বৰ্ষপঞ্জী অনুসৰি, মাঘ মাহৰ শুক্ল পক্ষৰ পঞ্চমী তিথি ২ ফেব্ৰুৱাৰীৰ পুৱা ৯:১৪ বজাত আৰম্ভ হ’ব। এই তিথি পিছদিনা, ফেব্ৰুৱাৰী ৩ তাৰিখে পুৱা ৬:৫২ বজাত সমাপ্ত হ’ব। উদয় তিথিৰ মতে, বসন্ত পঞ্চমী উৎসৱ ২ ফেব্ৰুৱাৰীত উদযাপন কৰা হ’ব। বসন্ত পঞ্চমীত দেৱী সৰস্বতীৰ পূজা কৰাৰ শুভ সময় হ’ব ২ ফেব্ৰুৱাৰীৰ পুৱা ৭:০৯ বজাৰ পৰা ১২:৩৫ বজালৈ।

সৰস্বতী পূজাৰ বিধি

• বসন্ত পঞ্চমীত, ব্ৰহ্মা মুহুৰ্তৰ সময়ত বিচনীৰ পৰা উঠিব লাগে। তাৰ পিছত দেৱী সৰস্বতীক ধ্যান কৰক।
• তাৰ পিছত, গা ধুই হালধীয়া কাপোৰ পিন্ধিব লাগে, কিয়নো হালধীয়া ৰং দেৱীৰ বাবে অতি প্ৰিয়।
• তাৰ পিছত, এখন পিৰাত ৰঙা বা হালধীয়া কাপোৰ পাৰি তাৰ ওপৰত দেৱী সৰস্বতীৰ মূৰ্তি বা ফটো ৰাখিব লাগে।
• ইয়াৰ পিছত, মাক হালধীয়া কাপোৰ আগবঢ়াব লাগে।
• মাক হালধীয়া ফুল, ৰোলি, কেশৰ, হালধি, চন্দন কাঠ আৰু চাউল আগবঢ়াব লাগে।
• মাক হালধীয়া চাউল, ফল আৰু মিঠাই প্ৰসাদ আগবঢ়াব লাগে।
• মাৰ সন্মুখত ঘিউচাকি জ্বলাব।
• দেৱী সৰস্বতীৰ মন্ত্ৰ উচ্চাৰণ কৰিব।
• অৱশেষত, মাৰ আৰতি কৰিব লাগে।
• তাৰ পিছত প্ৰসাদ বিতৰণ কৰিব লাগে।

সৰস্বতী ধ্যান মন্ত্ৰ 

ওম সৰস্বতী ময়া দৃষ্ট্বা, বীণা পুস্তক ধাৰিণীম।
হংস বাহিনী সমাযুক্তা মাং বিদ্যা দান কৰোতু মে ওম।

সৰস্বতী বীজ মন্ত্ৰ 

ওম এং সৰস্বতৈ এং নমঃ

বসন্ত পঞ্চমীৰ প্ৰতিকাৰ

যিসকল শিশুৱে পঢ়া মনোযোগ দিব নোৱাৰে তেওঁলোকে বসন্ত পঞ্চমীত দেৱী সৰস্বতীৰ ফটো বা মূৰ্তিৰ সন্মুখত এখন কিতাপ ৰাখি পূজা কৰক। জ্ঞান আৰু বুদ্ধিৰ বাবে মাৰ ওচৰত প্ৰাৰ্থনা জনাওক। এনে কৰিলে বিদ্যা আৰু জ্ঞান প্ৰাপ্তি হয়।