Chhath Puja 2024 Right Date: কেতিয়া উদযাপন কৰা হ’ব ষট পূজা? সঠিক তাৰিখ আৰু ইয়াৰ তাৎপৰ্য সম্পৰ্কে জানক

কেতিয়া উদযাপন কৰা হ'ব ষট পূজা?

Chhath Puja 2024 Surya Arghya and Importance: এই বছৰ দুদিনীয়াকৈ দীপাৱলী উদযাপনৰ মাজতে এতিয়া ষট পূজাৰ তাৰিখক লৈ মানুহৰ মাজত বিভ্ৰান্তি সৃষ্টি হৈছে। কিয়নো দেশৰ কিছুমান ৰাজ্যত ৩১ অক্টোবৰত দেৱালী উদযাপন কৰা হৈছিল আৰু কিছুমান ৰাজ্যত ১ নৱেম্বৰত দেৱালী উদযাপন কৰা হৈছে । এই পূজাত বিশেষকৈ সূৰ্য্য দেৱতা আৰু ষট মাতাক আৰাধনা কৰা হয়। বিশ্বাস কৰা হয় যে তেওঁলোকক পূজা কৰিলে সন্তান জন্ম, সন্তানৰ সুৰক্ষা আৰু সুখ-সমৃদ্ধিৰ আশীৰ্বাদ লাভ হয়। বিশেষকৈ বিহাৰ, ঝাৰখণ্ড আৰু পূব উত্তৰ প্ৰদেশত ষট পূজা অতি উৎসাহেৰে উদযাপন কৰা হয়। এই উৎসৱত মহিলাসকলে ব্ৰত ৰাখে আৰু সূৰ্য দেৱক অৰ্ঘ্য প্ৰদান কৰে। এই প্ৰতিবেদনত ষট পূজাৰ সঠিক তাৰিখ সম্পৰ্কে জানিব পাৰিব।

দৰিক পঞ্চাংগৰ মতে, কাতি মাহৰ শুক্ল পক্ষৰ ষষ্ঠী তিথিত ষট পূজা উৎসৱ পালন কৰা হয়। এই বছৰ ষষ্ঠী তিথি ৭ নৱেম্বৰৰ বৃহস্পতিবাৰে ১২:৪১ বজাত আৰম্ভ হ’ব আৰু ৮ নৱেম্বৰৰ শুকুৰবাৰে ১২:৩৪ বজাত সমাপ্ত হ’ব।

উদয় তিথি মতে, ৭ নৱেম্বৰ বৃহস্পতিবাৰে ষট পূজা উৎসৱ উদযাপন কৰা হ’ব। ষট পূজা সম্পূৰ্ণ কৰাৰ বাবে সন্ধিয়া অৰ্ঘ্য ৭ নৱেম্বৰত আৰু ৰাতিপুৱা অৰ্ঘ্য ৮ নৱেম্বৰত দিয়া হ’ব। ইয়াৰ পাছত উপবাস পালন কৰা হ’ব।

ষট পূজাৰ প্ৰথম দিন, ৫ নৱেম্বৰ ২০২৪- স্নান কৰি খোৱা
ষট পূজাৰ দ্বিতীয় দিন, ৬ নৱেম্বৰ ২০২৪ – খৰনা (শুদ্ধিকৰণ)( দিনটো উপবাসে থাকি সন্ধিয়া খাদ্য গ্ৰহণ কৰা)
ষট পূজাৰ তৃতীয় দিন, ৭ নৱেম্বৰ ২০২৪-সন্ধ্যা অৰ্ঘ্য
ষট পূজাৰ চতুৰ্থ দিন, ৮ নৱেম্বৰ ২০২৪ – ঊষা অৰ্ঘ্য

৩৬ ঘণ্টাৰ নিৰ্জলা ব্ৰত

হিন্দু ধৰ্মত ষট পূজাত ষঠী মাতা আৰু সূৰ্য দেৱক ৰীতি-নীতিৰে পূজা কৰা হয়। ষট উৎসৱ দেৱালীৰ ৬ দিন পিছত উদযাপন কৰা হয়। এই পূজা চাৰি দিন ধৰি চলে। স্নানৰ জৰিয়তে উৎসৱৰ আৰম্ভণি হয়। ইয়াৰ পিছত খৰনা,অৰ্ঘ্য প্ৰদান কৰা হয়। সূৰ্যোদয় আৰু সূৰ্যাস্তৰ সময়ত সূৰ্য দেৱতাক অৰ্ঘ্য আগবঢ়োৱা হয়। ইয়াত ব্ৰত ৰখা মহিলাসকলে নদীত গৈ সূৰ্য দেৱক অৰ্ঘ্য প্ৰদান কৰি পূজা কৰে। এই সময়ত ৩৬ ঘণ্টাৰ নিৰ্জলা ব্ৰত ৰখা হয়। যাক অতি কঠিন বুলি গণ্য কৰা হয়। পৌৰাণিক বিশ্বাস অনুসৰি, ষঠী মাইয়াক উপাসনা কৰি স্বাস্থ্য, সুখ, সমৃদ্ধি, সন্তানৰ সুখ লাভৰ আশীৰ্বাদ লাভ কৰে।

নিৰ্জলা ব্ৰত কেতিয়া আৰম্ভ হয়?

ষট পূজাৰ বাবে স্নান কৰি খোৱাৰ প্ৰক্ৰিয়া কাতি মাহৰ শুক্ল পক্ষৰ চতুৰ্থী তিথিত অৰ্থাৎ ৫ নৱেম্বৰত আৰম্ভ হ’ব। আনহাতে খৰনা কাতি মাহৰ শুক্লা পক্ষৰ পঞ্চমী তিথিত অৰ্থাৎ ৬ নৱেম্বৰত হ’ব। গোটেই দিনটো ব্ৰত ৰখাৰ পিছত মহিলাসকলে সন্ধিয়া ষঠী মাইয়াৰ পূজা কৰে। তেওঁলোকে প্ৰসাদ গ্ৰহণ কৰে। ইয়াৰ পাছৰ পৰাই ৩৬ ঘণ্টাৰ নিৰ্জলা ব্ৰত আৰম্ভ হয়।

ষট পূজাৰ তাৎপৰ্য

ষট পূজা হৈছে এক বিশেষ উৎসৱ যি প্ৰকৃতিৰ প্ৰতি বিশ্বাস, শ্ৰদ্ধা আৰু কৃতজ্ঞতাৰ প্ৰতীক। এই উৎসৱটো মুখ্যতঃ বিহাৰ, ঝাৰখণ্ড আৰু পূৱ উত্তৰ প্ৰদেশত ধুমপানেৰে উদযাপন কৰা হয়। ষট পূজা সূৰ্য দেৱতৈ আৰু ষঠী মাতাৰ নামতউৎসৰ্গিত। সূৰ্য দেৱক জীৱনদাতা আৰু ষঠী মাইয়া সন্তানৰ দেৱী বুলি গণ্য কৰা হয়। এই উৎসৱৰ জৰিয়তে মানুহে প্ৰকৃতিক প্ৰতি কৃতজ্ঞতা জ্ঞাপন কৰে। ইয়াৰ জড়িয়তে সূৰ্য, পানী আৰু বায়ু এই তিনিটা উপাদানক পূজা কৰা হয়। ষট পূজাই সু-স্বাস্থ্য আৰু সমৃদ্ধি আনে। ষট পূজাৰ সময়ত সামাজিক একতা অব্যাহত থাকিবলৈ সকলো লোকে একেলগে পূজা কৰে।