সোমবাৰৰ দিনটোত পালন কৰক এই নিয়ম, সদায় আপোনাৰ লগত থাকিব মহাদেৱৰ আশীৰ্বাদ!
হিন্দু ধৰ্মত সোমবাৰৰ দিনটো ভগৱান শিৱক উৎসৰ্গা কৰা হয়। এই দিনটোত উপবাসে থাকিলে ভোলেনাথৰ আশীৰ্বাদ লাভ হয় বুলি বিশ্বাস আছে। ইয়াৰ সুফল দ্ৰুতগতিত লাভ কৰিবলৈ হ’লে কিছুমান বিশেষ নিয়ম মানি চলাটো প্ৰয়োজনীয়।
হিন্দু ধৰ্মত সপ্তাহৰ প্ৰতিটো দিন বিভিন্ন দেৱ-দেৱীৰ নামত উচৰ্গা কৰা হয়। সেই অনুসৰি সোমবাৰৰ দিনটো ভগৱান ভোলেনাথৰ দিন বুলি বিশ্বাস আছে। এই দিনটোত ৰীতি-নীতি অনুসৰি ভোলেনাথক পূজা আৰু উপবাস পালন কৰিলে ঘৰত সুখ আৰু সমৃদ্ধি লাভ কৰাৰ লগতে জীৱনৰ বিপদৰ পৰা সকাহ পোৱা যায়। সোমবাৰে ভগৱান শিৱক পূজা কৰিলে আকাংক্ষিত ফল পোৱা যায় বুলি বিশ্বাস কৰা হয়। সম্ভৱ হ’লে এই দিনটোত কোনো মন্দিৰলৈ গৈ শিৱলিংগক পানী বা গাখীৰ আগবঢ়াওক। মহাদেৱৰ লগতে মাতৃ পাৰ্বতীক পূজা কৰাটোও ফলদায়ক আৰু শুভ বুলি গণ্য কৰা হয়। কিন্তু সোমবাৰৰ উপবাস সময়ত কিছু ভুলৰ পৰাও আঁতৰি থকাটো উচিত।
সোমবাৰৰ উপবাসৰ নিয়ম
- সোমবাৰে সূৰ্য উদয়ৰ আগতে উঠি গা ধুই পৰিষ্কাৰ কাপোৰ পিন্ধিব। ইয়াৰ পিছত উপবাস কৰিবলৈ সংকল্প লওক।
- ইয়াৰ পিছত শিৱলিংগত পানী আগবঢ়াওক। মনত ৰাখিব যে যি পাত্ৰত পানী ৰাখে তাত গংগাৰ পানীও অলপ দিব।
- পানী আগবঢ়োৱাৰ পিছত শিৱলিংগত গাখীৰ, দৈ আৰু মৌ অৰ্পণ কৰিব। ইয়াৰ লগতে ভগৱান শিৱক জেচমিন ফুল আগবঢ়াওক। ইয়াৰ দ্বাৰা ঘৰখনলৈ সুখ আৰু সমৃদ্ধিৰ আগমণ ঘটে বুলি বিশ্বাস কৰা হয়।
- পূজাৰ অন্তত শিৱলিংগৰ ওচৰত এটা চাকি জ্বলাই দেৱী পাৰ্বতী আৰু ভোলেনাথৰ আৰতি কৰিব।
- আৰতিৰ পিছত মন্দিৰৰ প্ৰদক্ষিণ কৰক, কিন্তু মনত ৰাখিব কেতিয়াও যাতে প্ৰদক্ষিণ সম্পূৰ্ণ নহয়।
- য’ৰ পৰা শিৱলিংগৰ গাখীৰ বৈ যায় সেই ঠাইত ৰৈ পিছলৈ ঘূৰি যাওক।
- এই দিনটোত উপবাসে থকাসকলে তিনি প্ৰহৰৰ ভিতৰত মাত্ৰ এবাৰহে আহাৰ খাব লাগে।
ভোলেনাথৰ পূজাৰ নিয়ম
- পূজা কৰাৰ আগতে হাত-ভৰি ধুই নিজকে শুদ্ধ কৰক আৰু লেতেৰা বা ক’লা ৰঙৰ কাপোৰ পিন্ধিব নালাগে। মনটোক নিৰ্মল কৰি ৰাখক আৰু নেতিবাচক চিন্তাৰ পৰা আঁতৰি থাকক।
- শিৱলিংগৰ সম্পূৰ্ণ প্ৰদক্ষিণ নকৰিব, জলাধৰালৈ গৈ উভতি আহক। শিৱলিংগৰ গাখীৰ বা পানী বৈ যোৱা স্থান পাৰ হোৱাটো অশুভ বুলি গণ্য কৰা হয়।
- শিৱলিংগত তুলসী, সিন্দূৰ, হালধি, ৰঙা ফুল আদি অৰ্পণ নকৰিব। লগতে তামৰ পাত্ৰত থোৱা গাখীৰ শিৱলিংগত আগবঢ়োৱা নিষিদ্ধ।
- উপবাসৰ সময়ত মাংস, মদ, নহৰু, পিয়াঁজ আদি সেৱন নকৰিব আৰু বাহিৰৰ খাদ্য বা অশুদ্ধ খাদ্য নাখাব।
- মিছা কথাৰ পৰা বিৰত থাকি খং নিয়ন্ত্ৰণ কৰক। ইয়াৰ বাহিৰেও চুৰি বা কোনো ধৰণৰ অপৰাধ নকৰিব।
- আন কোনো ব্যক্তিক দুখ-কষ্ট নিদিব। দিনত টোপনিৰ পৰা বিৰত থাকিব। ইয়াৰ বাহিৰেও যৌন সম্ভোগৰ পৰা আঁতৰি থাকক আৰু অহংকাৰ ত্যাগ কৰক।
ভুলতেও এই কাম নকৰিব
ভগৱান শিৱক পূজা কৰাৰ সময়ত কিছুমান ভুল আপোনাৰ বাবে অশুভ বুলি প্ৰমাণিত হ’ব পাৰে। পূজাৰ সময়ত শিৱলিংগত মালতী, চম্পা, কেতকি আদি ফুল অৰ্পন নকৰিব। ভোলেনীথৰ পূজাত শংখ বা কৰতাল ব্যৱহাৰ কৰিব নালাগে। শিৱলিংগl বেল পাত ওলোটাকৈ আগবঢ়াব লাগে আৰু পিছফালে থকা ডাঠ ডালবোৰো ভাঙিব লাগে। পৰিক্ৰমা কৰি থাকোঁতে মনত ৰাখিব যে পৰিক্ৰমা আধাতে সম্পূৰ্ণ কৰি শিৱলিংগৰ পানী বৈ যোৱা ঠাইৰ পৰা উভতি আহিব লাগে।
