নিশা তুলসীদাসে লিখা হনুমান চালিছা পুৱালৈ কিয় মচি পেলোৱা হৈছিল? অৱশেষত কেনেকৈ সম্পূৰ্ণ হ’ল হনুমান চালিছা ?

হনুমান চালিছা ৪০টা পদৰ সংকলন, যিবোৰ অত্যন্ত শক্তিশালী বুলি গণ্য কৰা হয়। সেয়ে হনুমান ভক্তসকলে নিতৌ হনুমান চালিছা পাঠ কৰে। কিন্তু যেতিয়া তুলসীদাসে হনুমান চালিছা লিখিছিল, তেতিয়া তেওঁৰ লগত অদ্ভুদ ঘটনা ঘটিছিল। ইয়াৰ আঁৰৰ সম্পূৰ্ণ কাহিনী কি?  আচলতে তুলসীদাসে যেতিয়া হনুমান চালিছা লিখিছিল, তেতিয়া তেওঁ লিখবোৰ নিশা সযতনে ৰাখিছিল। কিন্তু ৰাতিপুৱা সাৰ পাই চাওতে নিশা যি লিখিছিল সেইখিনি নোহোৱা হৈ আছে। কেইবাদিনো চেষ্টা কৰিও সদায় একেই ঘটনা সংঘটিত হৈছিল। সেয়েহে তুলসীদাসে ভগৱান হনুমানক পূজা কৰিছিল। তাৰ পাছত হনুমান আবিৰ্ভাৱ হোৱাত তুলসীদাসে তেওঁক সুধিলে, ‘মই যদি হনুমান চালিছা লিখোঁ, তেন্তে নিশাটোৰ ভিতৰতে কিয় মচা যায়?’

এই কথাৰ উত্তৰ দি হনুমানে তুলসীদাসক ক’লে যে, ‘যদি প্ৰশংসা লিখিব লাগে, তেন্তে মোৰ প্ৰভু শ্ৰীৰামৰ বিষয়ে লিখক, মোৰ নহয়’।

তাৰ পাছত তুলসীদাসে হনুমানৰ আগত হনুমান চালিছাৰ প্ৰথম চৌপাই বর্ণনা কৰিলে। যি তেওঁ অযোধ্যা কাণ্ডৰ আৰম্ভণিতে হনুমান চালিছা আৰম্ভ কৰোতে লিখিছিল। সেই চৌপাই এই ধৰণৰ…

“শ্ৰী গুৰু চৰণ সৰোজ ৰাজ নীজ মনু মুকুৰ সুধাৰি ।”
“বৰণৌ ৰঘুবৰ বিমল জসু জো দয়াকু ফল চাৰি ॥”

এই দোহা কথা শুনি হনুমানে ক’লে যে ‘মই ৰঘুৱৰ নহয়’। এই কথাত তুলসীদাসে উত্তৰ দিলে যে, ‘আপুনি আৰু ভগৱান শ্ৰীৰামে একে প্ৰসাদ লাভ কৰি অৱতাৰ লৈছে। সেইবাবেই আপুনিও ৰঘুৱৰ।
হনুমানক সোঁৱৰাই দি তেওঁ সেই কাহিনী বর্ণনা কৰিলে, য’ত ব্ৰহ্ম লোকত সুৱৰচলা নামৰ অপ্সৰা এজনে বাস কৰিছিল। যিয়ে এসময়ত ব্ৰহ্মাৰ প্ৰতি মুগ্ধ হৈ পৰিছিল আৰু ক্ৰোধত ব্ৰহ্মাই তেওঁক শগুন হোৱাৰ অভিশাপ দিছিল। ৰজা দশৰথৰ পুত্ৰৰ যজ্ঞত তিনিগৰাকী ৰাণীৰ মাজত বিতৰণ কৰা প্ৰসাদৰ এটা অংশ শগুনে লয় উৰি গ’ল। একে সময়তে দূৰৈৰ ক’ৰবাত মা অঞ্জনাই ভগৱান শিৱৰ সন্মুখত হাত মেলি পুত্ৰৰ বাবে প্ৰাৰ্থনা কৰি আছিল আৰু শগুনে তেওঁৰ হাতত প্ৰসাদ পেলাই দিছিল। সেই প্ৰসাদৰ পৰাই ভগৱান ৰামৰো জন্ম হৈছিল আৰু হনুমানো মাতৃ অঞ্জনাৰ গৰ্ভৰ পৰাই জন্ম হৈছিল। ভগৱান ৰামে নিজেই আপোনাক ভাতৃ বুলি অভিহিত কৰিছে।

তুলসীদাসে আন এটা যুক্তি দিলে যে যেতিয়া আপুনি মা জানকীক বিচাৰি অশোক বাটিকালৈ গৈছিলা, তেতিয়া মা জানকীয়ে আপোনাক নিজৰ পুত্ৰ বনাই লৈছিল। তুলসীদাসে হনুমানক প্ৰশংসা কৰি ক’লে, ‘এইদৰে আপুনিও ৰঘুৱৰ হ’ল’ আৰু মোৰ এই চালিছাখন আপোনাৰ প্ৰাপ্য একেবোৰ তথ্যৰ ওপৰত আধাৰিত। তুলসীদাসৰ এই যুক্তি শুনি হনুমানে জ্ঞান লাভ কৰিছিল আৰু তাৰ পিছত কোনো সমস্যা নোহোৱাকৈ হনুমান চালিছা ৰচনা কৰা হৈছিল। ,