Lakshmi Puja 2024: আজি লক্ষ্মী পূজা, আজিৰ দিনটোৰ মহত্ত্ব কি ? জানক…

লক্ষ্মী পূজা ২০২৪

আজি লক্ষ্মী পূজা । কোজাগৰী লক্ষ্মী পূজা বিশেষকৈ পশ্চিমবংগ, ওড়িশা, অসমত অতি ভক্তিৰে পালন কৰা হয়। এই শুভ দিনটো ধন-সম্পত্তি আৰু সমৃদ্ধিৰ দেৱী লক্ষ্মীৰ পূজাৰ বাবে উৎসৰ্গিত কৰা হয়। আজিৰ দিনটোত ভক্তসকলে কোজাগৰী ব্ৰত পালন কৰি উপবাসে থাকে আৰু নিশাটো জাগি থাকে । বিশ্বাস অনুসৰি, আজি নিশা লক্ষ্মী দেৱীয়ে জাগি থকাসকলক ধন-সম্পত্তি আৰু সমৃদ্ধি প্ৰদান কৰি আশীৰ্বাদ দিবলৈ পৃথিৱীলৈ নামি আহে।

এইবাৰ কোজাগৰী ব্ৰত ২০২৪ৰ তাৰিখ আৰু সময়

• কোজাগৰী লক্ষ্মী পূজা তাৰিখ :  বুধবাৰ, ১৬ অক্টোবৰ, ২০২৪
• কোজাগৰী পূজা দিনটোত চন্দ্ৰ উদয় : সন্ধিয়া ০৫:০৬ বজাত
• পূৰ্ণিমা তিথি আৰম্ভ :  নিশা ০৮:৪০ বজাত
• পূৰ্ণিমা তিথি শেষ : ১৭ অক্টোবৰ তাৰিখে বিয়লি ০৪:৫৫ বজাত

কোজাগৰী শব্দটোৰ অৰ্থ হৈছে-“কো জাগৰ্তী”। যাৰ অৰ্থ হৈছে “কোন জাগ্ৰত ?” । ইয়াৰ দ্বাৰা পূৰ্ণিমা নিশা জাগ্ৰত হৈ দেৱী লক্ষ্মীৰ প্ৰতি পূজা-অৰ্চনা কৰাৰ পৰম্পৰাক বুজোৱা হয় । বিশ্বাস অনুসৰি, এই নিশা দেৱীয়ে পৃথিৱীত বিচৰণ কৰি যিসকল জাগ্ৰত হৈ থাকে তেওঁলোকক ধন-সম্পত্তি প্ৰদান কৰাৰ লগতে সমৃদ্ধিৰ বাবে আশীৰ্বাদ দিয়ে। গতিকে কোজাগৰী লক্ষ্মী পূজাৰ দিনা ভক্তসকলে লক্ষ্মী দেৱীক বিশেষ পূজা-অৰ্চনা কৰাৰ লগতে সমৃদ্ধিৰ বাবে প্ৰাৰ্থনা কৰে ।

এই নিশা লক্ষ্মী দেৱী আদৰিবলৈ গোটে ৰাতি ভক্তসকল সাৰ পাই থাকে । ভক্তসকলে বিশ্বাস কৰে যে, এই ব্ৰত পালন কৰিলে ঐশ্বৰিক আশীৰ্বাদ পোৱা যায় আৰু আৰ্থিক সমস্যা দূৰ হয় । এই পৰম্পৰাৰ মূলতে- প্ৰাচীন বিশ্বাস অনুসৰি দেৱী লক্ষ্মী জাগ্ৰত হৈ থকাসকলৰ ভক্তিত সন্তুষ্ট হয় আৰু তেওঁলোকক ধন-সম্পত্তি আৰু সমৃদ্ধিৰ বাবে আৰ্শীবাদ দিয়ে । লক্ষ্মী পূজাৰ দিনটোত ব্ৰত পালন কৰিলে আৰ্থিক স্থিতিশীলতা, সুস্বাস্থ্য আৰু জীৱনলৈ সুখ আহে বুলি বিশ্বাস কৰা হয় । লক্ষ্মী পূজাৰ নিশা ঠায়ে ঠায়ে বিভিন্ন অনুষ্ঠানৰ আয়োজন কৰা হয় ।