Shardiya Navratri: ৯ দিন নহয় ১০ দিন হ’ব এইবাৰ নৱৰাত্ৰি, জানক কেনেকৈ সন্তুষ্ট কৰিব দেৱী দুৰ্গাক
শাৰদীয় নৱৰাত্ৰি আৰম্ভ হ’ব, কাইলৈ ধৰালৈ আগমন ঘটিব দেৱী দুৰ্গাৰ। প্ৰতি বছৰে নৱৰাত্ৰি আৰম্ভ হয় পিতৃ পক্ষৰ পিছদিনাৰ পৰা। হিন্দু পঞ্জিকা অনুসৰি এইবাৰ নৱৰাত্ৰি ৯ দিনৰ বাবে নহয় ১০ দিনৰ বাবে অনুষ্ঠিত হ’ব। কিয় এনে হৈছে আৰু ভক্তসকলৰ বাবে ইয়াৰ গুৰুত্ব কি জানক।
পিতৃ পক্ষ ২০২৪ শেষ হ’বলৈ ওলাইছে। ইয়াৰ ঠিক পিছতেই আৰম্ভ হয় শাৰদীয় নৱৰাত্ৰি। চৌপাশে এতিয়া দুৰ্গতি নাশিনীৰ আৰাধনাৰ বাবে সীমাহীন ব্যস্ততা। মৃন্ময় খনিকৰ সকলো দিনে নিশাই ব্যস্ত হৈ পৰিছে দেৱীৰ প্ৰতিমাত শেষ পৰশ দিয়াত পবিত্ৰ মহালয়াৰ পিছৰ দিনটোৰ পৰাই দেৱীপক্ষ আৰম্ভ হয় । ইয়াত ৯ গৰাকী দেৱীক ৯ দিন পূজা কৰা হয় আৰু তেওঁলোকৰ নামত উপবাস পালন কৰা হয়। এই উৎসৱৰ হিন্দু ধৰ্মত অতি গুৰুত্ব আছে। এইবাৰ নৱৰাত্ৰি ৩ অক্টোবৰ ২০২৪ৰ পৰা আৰম্ভ হৈছে। যদিও নৱৰাত্ৰি উৎসৱ ৯ দিনীয়া হয়, কিন্তু এইবাৰ এই উৎসৱ ১০ দিনৰ বাবে পালন কৰা হ’ব। কিয় এনে হৈছে আৰু কিহৰ বাবে এইবাৰ নৱৰাত্ৰি ৯ দিনৰ বাবে নহয় ১০ দিনৰ বাবে উদযাপন কৰা হৈছে জানক।
নৱৰাত্ৰি কেতিয়াৰ পৰা আৰম্ভ হয়?
আহিন মাহৰ শুক্ল পক্ষৰ প্ৰতিপদ তাৰিখৰ পৰা আৰম্ভ হৈছে নৱৰাত্ৰি। নৱৰাত্ৰি ২০২৪ চনৰ ১১ অক্টোবৰলৈকে চলিব আৰু অহা ১২ অক্টোবৰত বিজয়দশমী উৎসৱ পালন কৰা হ’ব। এই দিনটোত দেৱী দুৰ্গা,শৈলপুত্ৰী, ব্ৰহ্মচাৰিণী, চন্দ্ৰঘণ্টা, কুষ্মাণ্ডা, স্কন্দমাতা, কাত্যায়নী, কালৰাত্ৰি, মহাগৌৰী আৰু সিদ্ধিদাত্ৰীৰ এই নটা ৰূপৰ পূজা কৰা হয় আৰু তেওঁলোকৰ নামত ব্ৰত পালন কৰা হয়। ইয়াৰ পিছত দশম দিনত ভালৰ অশুভৰ ওপৰত বিজয় উদযাপন কৰা হয়।
এইবাৰ ১০ দিন নৱৰাত্ৰি কেনেকুৱা?
আহিন মাহৰ শুক্ল পক্ষৰ প্ৰতিপদ তাৰিখ ৩ অক্টোবৰৰ পৰা নিশা ১২:১৯ বজাৰ পৰা আৰম্ভ হ’ব। আৰু পিছদিনা অৰ্থাৎ ৪ অক্টোবৰত পুৱা ২:৫৮ বজাত শেষ হ’ব। একাংশ পঞ্চাঙৰ মতে এইবাৰ অষ্টমী আৰু নৱমী তিথি দুয়োটা ১১ অক্টোবৰত পৰিছে। এনে পৰিস্থিতিত নৱমী তিথিৰ পূজাৰ শুভ সময় হ’ল ১২ অক্টোবৰ অৰ্থাৎ দশেৰাৰ দিনা ৰাতিপুৱা। এই দৃষ্টিকোণৰ পৰা চালে ২০২৪ চনৰ শাৰদীয় নৱৰাত্ৰি ৯ দিনৰ নহয় মুঠ ১০ দিনৰ হ’ব।
এই ২টা বিৰল যোগ ৪ দিনত গঢ় লৈ উঠিছে
নৱৰাত্ৰিৰ সময়ত মহাশক্তিৰ প্ৰতীক হিচাপে গণ্য কৰা মা দুৰ্গাক পূজা কৰা হয়। কোৱা হয় যে তেওঁক পূজা কৰিলে মানুহৰ জীৱনৰ সকলো দুখ গুচি যায় আৰু তেওঁৰ জীৱনত ইতিবাচকতা আৰু শক্তিৰ সঞ্চাৰ হয়। এইবাৰ নৱৰাত্ৰিৰ দিনাও এটা বিৰল যোগৰ সৃষ্টি হৈছে। এইটোৱেই হৈছে সৰ্বাৰ্থ সিদ্ধি যোগ। এয়া এক শুভ যোগ। এই যোগত পূজা কৰি কামনা পূৰণ হয়। এইবাৰ নৱৰাত্ৰি উপলক্ষে এই যোগবোৰ ৪ দিনৰ বাবে পৰি আছে। পঞ্চাঙৰ মতে, এই বিৰল যোগ ৫ অক্টোবৰৰ পৰা আৰম্ভ হ’ব আৰু ৮ অক্টোবৰলৈকে থাকিব। ইয়াৰ সমান্তৰালকৈ এইবাৰ নৱৰাত্ৰিৰ সময়ত এটা বিৰল ৰবি যোগো গঢ় লৈ উঠিছে। এই শুভ যোগত পূজা কৰিলে এজন ব্যক্তিৰ সমাজত সন্মান বাঢ়ি যায় আৰু চাকৰিত সুফল পোৱা যায়।
