Marriage Rule in Navratri: নৱৰাত্ৰিৰ সময়ত কিয় বিয়া পতা উচিত নহয়? ইয়াক আঁৰৰ কাৰণ জানক

Shardiya Navratri 2024: হিন্দু ধৰ্মত নৱৰাত্ৰি উৎসৱৰ বিশেষ মহত্ব আছে। এই উৎসৱটো মা দুৰ্গাক উৎসৰ্গিত কৰা হয়। শাৰদীয় নৱৰাত্ৰি আহিন মাহৰ শুক্লা পক্ষৰ প্ৰতিপদৰ তিথিত আৰম্ভ হয়।৯ দিন ধৰি এই উৎসৱ চলে। এই ৯ দিন মা দুৰ্গাৰ ৯টা ৰূপৰ নামত উৎসৰ্গিত, যাক নৱদুৰ্গা বুলি জনা যায়। এই ৯ দিনত ভক্তসকলে উপবাস ৰাখে। মন্দিৰ দৰ্শন কৰে আৰু মা দুৰ্গাক বিশেষ পূজা-অৰ্চনা কৰে।

দুৰ্গা অষ্টমী আৰু নৱমীত কুমাৰী পূজা কৰা হয়। ইয়াৰ লগতে নৱৰাত্ৰি উৎসৱ সমাপ্ত হয় আৰু পিছদিনা দশমী তিথিত দশেৰা উদযাপন কৰা হয়। বিশ্বাস কৰা হয় যে নৱৰাত্ৰিৰ সময়ত কৰা কাম অতি শুভ আৰু ফলদায়ক হয়। সেয়েহে এই সময়ছোৱাত মানুহে সময়ত ভূমি পূজন, মুণ্ডন আদি নতুন বাহন ক্ৰয়, গৃহপ্ৰৱেশ আদি কামৰ শুভাৰম্ভণি কৰে কৰি। কিন্তু নৱৰাত্ৰিত কিছুমান বিশেষ কাম কৰিব নালাগে, এই নিষিদ্ধ কাৰ্যবোৰৰ ভিতৰত এটা হ’ল বিয়া ।

ধৰ্মীয় বিশ্বাস অনুসৰি, নৱৰাত্ৰিৰ দিনকেইটাত, মা দুৰ্গা পৃথিৱীলৈ আহে আৰু ভক্তসকলৰ সকলো সমস্যা আঁতৰ কৰে। এই কাৰণে মা দুৰ্গাৰ বিশেষ আশীৰ্বাদ পাবলৈ মা দুৰ্গাৰ মূৰ্তি স্থাপন কৰি দৈনিক পূজা কৰা হয়। বিশ্বাস কৰা হয় যে এই পবিত্ৰ দিনত মা দুৰ্গা প্ৰতিখন ঘৰতে আশ্ৰয় সয়। সেয়েহে শাস্ত্ৰত এই বিশেষ দিনকেইটাত শৰীৰ আৰু মন দুয়োৰে পৰা শুদ্ধ হৈ থকাৰ নীতি-নিয়ম প্ৰস্তুত কৰা হৈছে। নৱৰাত্ৰিৰ পূজাৰ সময়ত ব্ৰহ্মচাৰ্য নীতি অনুসৰণ কৰাটো অতি গুৰুত্বপূৰ্ণ বুলি কোৱা হয়। এই কাৰণে নৱৰাত্ৰিৰ সময়ত বিবাহ নিষিদ্ধ বুলি মানি চলা হয়।

উল্লেখ্য যে, নৱৰাত্ৰিৰ ৯ টা দিনত দেৱীৰ ৯ ৰূপৰ পূজা কৰা হয়। প্ৰথম দিনা শৈলপুত্ৰী, দ্বিতীয়  দিনা ব্ৰহ্মচাৰিনী, তৃতীয় দিনা চন্দ্ৰঘণ্টা, চতুৰ্থ দিনা কুষ্মাণ্ডা, পঞ্চম দিনা স্কন্ধমাতা, ষষ্ঠ দিনা কাত্যায়িনী, সপ্তম দিনা কালৰাত্ৰি, অষ্টম দিনা মহাগৌৰী আৰু নৱম দিনা সিদ্ধিদাত্ৰীক পূজা কৰা হয়। এই ৯ গৰাকী দেৱীক পূজা কৰাটো অতি শুভ বুলি গণ্য কৰা হয় আৰু ইয়াৰ দ্বাৰা মানৱ জীৱনৰ সকলো কষ্ট দূৰ হয়। মাতৃক পৰম শক্তিশালী বুলি গণ্য কৰা হয়। যদি মা দুৰ্গাক কোনোৱে সঁচা অন্তৰৰে পূজা কৰে তেন্তে শুভ ফল লাভ কৰে।

(স্পষ্টীকৰণঃ ওপৰোক্ত কথাখিনি ধৰ্মীয় মান্যতা আৰু বিশ্বাসৰ ওপৰত ভিত্তি কৰি লিখা হৈছে। ইয়াৰ লগত টিভি-৯ অসমৰ কোনো সম্পৰ্ক নাই বা ইয়াৰ কোনো বৈজ্ঞানিক ভিত্তি নাই)