Lips Mole sign: ওঁঠত তিল থাকিলে কি হয়? ওঁঠত তিল থকাটো ভাল নে বেয়া?

ওঁঠত তিল থাকিলে কি হয়?

পৃথিৱীৰ সকলো লোকেই টকা-পইচা অৰ্জন কৰিব বিচাৰে। ইয়াৰ বাবে একাংশই বিশ্বাস কৰে ভাগ্যক। সামুদ্ৰিক শাস্ত্ৰ (samudrik shastra)ৰ মতে ব্যক্তিৰ শৰীৰত থকা তিলে তেওঁৰ ভাগ্যৰ বিষয়ে সূচায়। এজন ব্যক্তিৰ শৰীৰত থকা তিল সাধাৰণ যেন লাগিলেও সেই তিলটোৱে ব্যক্তিজনৰ সমগ্ৰ ব্যক্তিত্বৰ প্ৰতিফলন ঘটায়। তিলে আপোনাৰ সৌন্দৰ্য বৃদ্ধি কৰাই নহয়, ই আপোনাৰ সুখ আৰু সৌভাগ্যৰ ইংগিতো দিব পাৰে। এই তিলৰ সহায়ত যিকোনো ব্যক্তিৰ শক্তি আৰু দুৰ্বলতাৰ বিষয়েও বিতংভাৱে জানিব পাৰি। আজি শৰীৰত থকা তিলৰ পৰা পোৱা শুভ আৰু অশুভ লক্ষণসমূহৰ বিষয়ে বিতংভাৱে জানো আহক।

ওঁঠত তিল থাকিলে কি হয়

ওঁঠত তিল থকা যুৱতী আৰু অধিক দেখনীয়াৰ আৰু মোহনীয় হয়। বহু কম মানুহৰ ওঁঠত তিল থকা দেখা যায় আৰু যিসকলৰ ওঁঠত এই তিল আছে তেওঁলোক ভাগ্যবান। মহিলাৰ ওপৰৰ ওঁঠত তিল থাকিলে তেওঁৰ কোমল মন আৰু আনন্দময় জীৱনৰ লক্ষণ। যদি তিলটো তলৰ ওঁঠত থাকে, তেনেহ’লে তেওঁ ব্যয়বহুল বস্তু আৰু আৰামদায়ক জীৱনৰ প্ৰতি আকৰ্ষিত। পুৰুষৰ ওপৰৰ ওঁঠত তিল থাকিলে তেওঁ ধীৰ-স্থিৰ আৰু শান্ত স্বভাৱৰ। তলৰ ওঁঠত তিল থাকিলে তেওঁ আবেগিক আৰু সহজে লাভজনক কামত জড়িত হ’ব পাৰে।

একাংশৰ মতে, যিসকল লোকৰ ওপৰৰ ওঁঠৰ সোঁফালে তিলৰ থাকে, তেওঁলোক অতি ভাগ্যৱান হয়। জীৱনত তেওঁলোকে সকলো ধৰণৰ আৰাম আৰু লাহবিলাহ অতি সহজে পায়। এনে লোকক প্ৰেমৰ সম্পৰ্কত সফল হোৱা দেখা যায়। আনহাতে ওঁঠৰ বাওঁফালে তিল থাকিলে অশুভ বুলি গণ্য কৰা হয়।