Mahashivratri 2025: মহাশিৱৰাত্ৰিৰ উপবাসত কি খাব আৰু কি নাখাব? জানক পূজাৰ সকলো নিয়ম
হিন্দু ধৰ্মত মহাশিৱৰাত্ৰিৰ বিশেষ তাৎপৰ্য আছে। এই দিনটোত ৰীতি-নীতি অনুসৰি শিৱক পূজা কৰাৰ সমান্তৰালকৈ ব্ৰত পালন কৰা হয়। এই ব্ৰত সম্পৰ্কে কিছুমান নিয়ম ধৰ্মীয় গ্ৰন্থত উল্লেখ আছে। মহাশিৱৰাত্ৰিৰ ব্ৰতৰ সময়ত কি খাব আৰু কি নাখাব জানেনে?
মহাশিৱৰাত্ৰিৰ দিনটো দেৱাদিদেৱ মহাদেৱৰ নামত উচৰ্গা কৰা হয়। কোৱা হয়, এই দিনটোতে ভগৱান শিৱ আৰু মাতৃ পাৰ্বতীৰ বিবাহ হৈছিল। ধৰ্মীয় বিশ্বাস অনুসৰি, এই দিনটোত ব্ৰত পালন আৰু পূজা কৰি এজন ব্যক্তিয়ে ভগৱান শিৱৰ আশীৰ্বাদ লাভ কৰে। একে সময়তে মহাশিৱৰাত্ৰিৰ ব্ৰতৰ সম্পূৰ্ণ সুফল পাবলৈ হ’লে কিছুমান বিশেষ নিয়ম মানি চলাটো প্ৰয়োজনীয়। মহাশিৱৰাত্ৰিৰ দিনা প্ৰধানকৈ দুই প্ৰকাৰৰ ব্ৰত মানি চনে – নিৰ্জলা ব্ৰত আৰু ফলাহাৰ। নিৰ্জলা ব্ৰতত কোনো পানী বা খাদ্য সেৱন নকৰাকৈ গোটেই দিন আৰু ৰাতি উপবাস পালন কৰা হয়। এনে ক্ষেত্ৰত এই প্রশ্ন বহুতৰে মনলৈ আহে যে, এই দিনটোত ব্ৰতৰ সময়ত কি খাব আৰু কি নাখাব।
মহাশিৱৰাত্ৰিৰ তাৰিখ| Maha Shivratri 2025 date
হিন্দু পঞ্জিকা অনুসৰি ফাগুন মাহৰ কৃষ্ণ পক্ষৰ চতুৰ্থী তাৰিখ ২৬ ফেব্ৰুৱাৰী বুধবাৰৰ পৰা পুৱা ১১:০৮ বজাৰ পৰা আৰম্ভ হ’ব। ২৭ ফেব্ৰুৱাৰীত পুৱা ৮:৫৪ বজাত এই তাৰিখৰ অন্ত পৰিব। মহাশিৱৰাত্ৰিৰ পূজা নিশা কৰা হয়, সেয়েহে ২৬ ফেব্ৰুৱাৰীতো মহাশিৱৰাত্ৰিৰ ব্ৰত পালন কৰা হ’ব।
মহাশিৱৰাত্ৰিৰ উপবাসত কি খাব?
মহাশিৱৰাত্ৰিৰ উপবাসত বিভিন্ন প্ৰকাৰৰ ফল খাব পাৰি। আপুনি খিচিৰি, মাখানা খীৰ বা পোৰা মাখানা, গাখীৰ, দৈ, আৰু পনিৰ, ফলৰ পৰা তৈয়াৰী খাদ্য খাব পাৰে।
মহাশিৱৰাত্ৰিৰ উপবাসত কি নাখাব?
মহাশিৱৰাত্ৰিৰ উপবাসৰ সময়ত শস্য অৰ্থাৎ ঘেঁহু, চাউল আৰু অন্যান্য শস্যৰ খাদ্য গ্ৰহণ কৰিব নালাগে। পিয়াঁজ আৰু নহৰুৰ দৰে তামাসিক খাদ্য পৰিহাৰ কৰিব লাগে। ইয়াৰ বাহিৰেও মাংস, মাছ বা সুৰা একেবাৰে সেৱন কৰিব নালাগে।
অস্বীকাৰ: এই বাতৰিত দিয়া তথ্য ধৰ্মীয় বিশ্বাসৰ ওপৰত ভিত্তি কৰি কৰা হৈছে। TV9 অসমে এই কথা নিশ্চিত কৰা নাই।
