Eid Ul Fitr 2025: কিয় আৰু কিদৰে পালন কৰা হয় ঈদ-উল-ফিতৰ? ঈদত আদায় কৰা নামাজৰ গুৰুত্ব কিমান? সবিশেষ জানক

ঈদৰ জোন চাবলৈ চাবলৈ যেন সকলোৰে দৃষ্টি আকাশলৈ নিবদ্ধ হৈ পৰিছিল।  অৱশেষত এই অপেক্ষাৰ অন্ত পৰিল আৰু নীলিম আকাশত দেখা গ’ল জোন। জোন দেখা পোৱাৰ লগে লগে ইছলাম ধৰ্মৰ লোকসকলৰ আনন্দৰ কোনো সীমা নোহোৱা হৈ পৰিল। লগতে ইজনে সিজনক অভিনন্দন জনাবলৈ ধৰিলে। জোন দৰ্শনৰ পিছদিনা অতি আড়ম্বৰেৰে ঈদ পালন কৰা হয়। আজি অৰ্থাৎ ৩১ মাৰ্চত সমগ্ৰ দেশতে ঈদ-উল-ফিতৰ উদযাপন কৰা হ’ব। ঈদ-উল-ফিতৰ মুছলমানসকলৰ আটাইতকৈ ডাঙৰ উৎসৱ। এই উৎসৱ কেৱল ইবাদত আৰু ধন্যবাদৰ দিন নহয়, ঈদে ভাতৃত্ববোধ, প্ৰেম, ঐক্য আৰু সুখৰ বাৰ্তা কঢ়িয়াই আনে।

ঈদৰ দিনা জোন দেখাৰ লগে লগে পবিত্ৰ ৰমজান মাহৰ সম্পূৰ্ণ হয়। ইছলামত ৰমজান মাহৰ যথেষ্ট গুৰুত্ব আছে। য’ত সমগ্ৰ বিশ্বৰ মুছলমানসকলে আল্লাহক ইবাদত কৰে আৰু ২৯ বা ৩০ দিন অবিৰতভাৱে ৰোজা পালন কৰে। ৰমজান হৈছে ইছলামিক কেলেণ্ডাৰ (হিজৰী)ৰ নৱম মাহ, তাৰ পিছত দশম মাহ অৰ্থাৎ ছাৱাল আৰম্ভ হয়। প্ৰতি বছৰে ছাৱাল মাহৰ প্ৰথম দিনটোত ঈদ পালন কৰা হয়। মুছলমানসকলে কিয় আৰু কেনেদৰে ঈদ উদযাপন কৰে তাৰ ওপৰত এবাৰ চকু ফুৰাওঁ আহক।

ঈদ-উল-ফিতৰক কিয় মিঠা ঈদ বুলি কোৱা হয়?

আচলতে ঈদ-উল-ফিতৰৰ দিনা প্ৰায় সকলো ইছলাম ধৰ্মৰ লোকৰ ঘৰতে মিঠা ব্যঞ্জন আৰু চেৱাই প্ৰস্তুত কৰা হয়। এই কাৰণে এই ঈদক মীথি ঈদ বুলি জনা যায়। ঈদৰ দিনা মুছলমানসকলে নতুন কাপোৰ পিন্ধে, সুগন্ধি লগায়, ঈদৰ নামাজ আদায় কৰে আৰু ইজনে সিজনক সাৱটি ধৰি ঈদৰ শুভেচ্ছা জনায়।

মুছলমানসকলে কিয় ঈদ পালন কৰে?

কোৱা হয় যে, ঈদ উদযাপন প্ৰথমবাৰৰ বাবে ২ হিজৰী অৰ্থাৎ ৬২৪ খ্ৰীষ্টাব্দত আৰম্ভ হৈছিল। ৬২৪ খ্ৰীষ্টাব্দত হজৰত হজৰত মহম্মদে বদৰ যুদ্ধত জয়ী হৈছিল আৰু তেওঁৰ বিজয়ৰ উদযাপনৰ বাবে তেওঁ মানুহক মিঠাই খুৱাইছিল। তেতিয়াৰ পৰাই হজৰত মহম্মদ মক্কা এৰি যোৱাৰ পিছত মদীনাত ঈদ-উল-ফিতৰ আৰম্ভ হয়।

এই উপলক্ষে গোটেই ৰমজান মাহটো ৰোজা ৰখা, ৰাতি তাৰাবীহ পাঠ কৰা আৰু আল্লাহৰ ইবাদতত মগ্ন হোৱাৰ আনন্দত ঈদ পালন কৰা হয়। কোৰাণৰ মতে ঈদক ৰোজা ৰখাসকলৰ বাবে আল্লাহৰ পৰা পোৱা উপহাৰ হিচাপে গণ্য কৰা হয়। ৰমজান মাহ সম্পূৰ্ণ হোৱাৰ উপলক্ষে প্ৰতি বছৰে মুছলমানসকলে ঈদ উদযাপন কৰে।

কিন্তু ঈদৰ অৰ্থ কেৱল উদযাপন কৰাই নহয়, ঈদৰ অৰ্থ আনৰ লগত সুখ ভাগ কৰা। ঈদৰ দিনা মুছলমানসকলে দুখীয়া আৰু আৰ্তজনক ‘ফিতৰা’ (দান) দিয়ে। এতিয়া আপুনি হয়তো ভাবিছে ফিতৰা কি, তেন্তে উত্তৰটো হ’ল ইছলামত ফিতৰা এক প্ৰকাৰৰ দান যিটোক ‘সদাকা-ই-ফিতৰ’ বুলিও কোৱা হয়। ঈদৰ নমাজৰ আগত ফিতৰা অৰ্পণ কৰিব লাগিব। দৰিদ্ৰ আত্মীয়, আৰ্তজনক, বিধৱা আৰু অনাথ শিশুক ফিতৰা দিয়া হয়। ফিতৰাৰ কোনো সীমা নাই, অৰ্থাৎ নিজৰ ইচ্ছামতে ফিতৰা দিব পাৰি। অৱশ্যে ফিতৰা দিয়াটো কোনো কৰ্তব্য নহয়।

কিয় ঈদৰ নামাজ আদায় কৰা হয়?

পবিত্ৰ ৰমজান মাহত প্ৰতিজন মুছলমান আল্লাহ পাকৰ অতি ঘনিষ্ঠ হৈ পৰে। আল্লাহৰ ওচৰত থাকিবলৈ আৰু তেওঁৰ ৰহমত পাবলৈ ৰমজানত পাঁচবাৰকৈ নামাজ আৰু তাৰাবীহ আদায় কৰা হয়। ৰমজানত মুছলমানসকলে আল্লাহৰ ৰহমত আৰু নিজৰ অপৰাধৰ ক্ষমা বিচাৰিবলৈ নামাজ আদায়। একে সময়তে ঈদ উপলক্ষে নামাজ আদায় কৰি  আল্লাহক কৃতজ্ঞতা জ্ঞাপন কৰা হয়। মুছলমানসকলে ৰমজান মাহৰ আশীৰ্বাদ, তাত কৰা নামাজ আৰু ৰোজাক ধন্যবাদ জনাই ঈদৰ নামাজ আদায় কৰে।

ঈদ নামাজ প্ৰতিজন মুছলমান বিশেষকৈ পুৰুষৰ বাবে ৱাজিব অৰ্থাৎ প্ৰয়োজনীয়। যাক মছজিদ বা ঈদগাহত জামাতৰ সৈতে পঢ়া হয়। যিয়ে সমাজত ঐক্য (ৱাহদাত) আৰু ভাতৃত্ববোধৰ বাৰ্তা দিয়ে। এই নমাজৰ বিশেষত্ব হ’ল ঈদৰ নামাজ দুটা ৰাকাতত আগবঢ়োৱা হয়। ঈদ নমাজ হৈছে আল্লাহৰ দয়া আৰু ৰহম লাভ কৰাৰ বাবে ধন্যবাদ জনোৱাৰ মাধ্যম।

লগতে পঢ়ক: ঈদ মোবাৰক: এইদৰে আপোনজনলৈ প্ৰেৰণ কৰক ঈদ-উল-ফিতৰৰ শুভেচ্ছা…