Hanuman Jayanti 2025: কেৰিয়াৰ আৰু ব্যৱসায়ত সফল হ’বলৈ কৰক হনুমানৰ আৰাধনা! প্ৰতিদিনে জপ কৰক এই মন্ত্ৰ
হনুমানক বিষ্ণুৰ অৱতাৰ ৰামৰ প্ৰখৰ ভক্ত বুলি গণ্য কৰা হয়, যি তেওঁৰ অটল ভক্তিৰ বাবে বহুলভাৱে পৰিচিত। তেওঁক শক্তিৰ প্ৰতীক হিচাপে শ্ৰদ্ধা কৰা হয়।কেৰিয়াৰ আৰু ব্যৱসায়ত সফল হ'বলৈ কৰক হনুমানৰ আৰাধনা!
ভাৰতৰ প্ৰতিখন ৰাজ্যতে সময় আৰু পৰম্পৰা অনুসৰি হনুমান জয়ন্তীৰ উদযাপনৰ ভিন্নতা আছে। ভাৰতৰ প্ৰায়বোৰ উত্তৰ ৰাজ্যতে এই উৎসৱ হিন্দু মাহৰ চ’ত (চৈত্ৰ পূৰ্ণিমা) মাহৰ পূৰ্ণিমাৰ দিনা পালন কৰা হয়। কৰ্ণাটকত শুক্ল পক্ষ ত্ৰয়োদশীত হনুমান জয়ন্তী, মাৰ্গশিৰ্ষ মাহত বা বৈশাখাত পালন কৰা হয়, আনহাতে কেৰেলা আৰু তামিলনাডুৰ দৰে কেইখনমান ৰাজ্যত ধনু মাহত (তামিল ভাষাত মাৰ্গালী বুলি কোৱা হয়) হনুমান জয়ন্তী পালন কৰা হয়। পূবৰ ওড়িশা ৰাজ্যৰ পান সংক্ৰান্তিৰ দিনা হনুমান জয়ন্তী পালন কৰা হয়, যিটো ওড়িয়া নৱবৰ্ষৰ লগত মিল খায়।
হনুমান জয়ন্তীৰ দিনা হনুমানৰ সৈতে ভগৱান ৰাম আৰু মাতৃ সীতাক পূজা কৰা হয়। এই দিনটোত ৰীতি-নীতি অনুসৰি মন্ত্ৰ পূজা আৰু জপ কৰি জীৱনৰ সকলো বিপদৰ আঁতৰি যায় বুলি বিশ্বাস কৰা হয়।
হনুমানক বিষ্ণুৰ অৱতাৰ ৰামৰ প্ৰখৰ ভক্ত বুলি গণ্য কৰা হয়, যি তেওঁৰ অটল ভক্তিৰ বাবে বহুলভাৱে পৰিচিত। তেওঁক শক্তিৰ প্ৰতীক হিচাপে শ্ৰদ্ধা কৰা হয়।কেৰিয়াৰ আৰু ব্যৱসায়ত সফল হ’বলৈ কৰক হনুমানৰ আৰাধনা! কিদৰে কৰিব প্ৰতিকাৰ জানক…
- হনুমান জীৰ আশীৰ্বাদ পাবলৈ হনুমান জয়ন্তীৰ দিনা মন্দিৰলৈ গৈ বজৰংগবলীৰ দৰ্শন কৰক আৰু পূজা কৰক। পূজাৰ সময়ত দীপ জ্বলাই কমেও ১১ বাৰ হনুমান চলিছা পাঠ কৰক। শেষত হনুমানক আপোনাৰ মনৰ ইচ্ছা প্ৰকাশ কৰক।
- হনুমান জয়ন্তীৰ দিনা মন্দিৰলৈ গৈ হনুমানক প্ৰসাদ হিচাপে ক’লা মাটিমাহ, চামেলিৰ তেল, সেন্দুৰ, ৰঙা ফুল, লাড়ু আদি আগবঢ়াওক। ইয়াৰ পিছত হনুমান চলিছা কমেও ১১ বাৰ পাঠ কৰক। এই সমাধান গ্ৰহণ কৰিলে ৰাশিফলত থকা সকলো দোষ আঁতৰি যাব। ইয়াৰোপৰি অবিবাহিত লোকৰ বিবাহৰ সম্ভাৱনাও বাঢ়িব।
- এই বিশেষ দিনটোত মন্দিৰলৈ গৈ হনুমানজীৰ সন্মুখত চামেলি বা সৰিয়হৰ তেলৰ চাকি এগছি জ্বলাওক। হনুমানজীক পানৰ মালা আগবঢ়াওক। ইয়াৰ পিছত হনুমান চলিছা আৰু বজৰংগবান আবৃত্তি কৰক। ইয়াৰ দ্বাৰা জীৱনত সুখ, সমৃদ্ধি বৃদ্ধি হ’ব।
- হনুমান জয়ন্তীৰ দিনা মন্দিৰলৈ গৈ ১১টা আঁহতৰ পাত হনুমানজীক ৰাম লিখি আগবঢ়াওক। ইচ্ছা কৰিলে মালাও বনাই আগবঢ়াব পাৰে। এই সমাধান গ্ৰহণ কৰিলে আপুনি আৰ্থিক সমস্যাৰ পৰা সকাহ পাব পাৰে।
- হনুমান জয়ন্তীৰ দিনা মন্দিৰলৈ গৈ হনুমান চলিছা, সুন্দৰকান্দ আৰু বজৰং বান পাঠ কৰক। এই সমাধান গ্ৰহণ কৰিলেও সমস্যাৰ সমাধান হয়। এই দিনটোত ৰঙা ৰঙৰ কাপোৰ পিন্ধিব।
অস্বীকাৰ: এই বাতৰিত দিয়া তথ্য ধৰ্মীয় বিশ্বাসৰ ওপৰত ভিত্তি কৰি কৰা হৈছে। TV9 অসমে এই কথা নিশ্চিত কৰা নাই।
