বিৰাট কোহলীৰ বেটিঙৰ সময়ত গেলাৰীত টোপনি গ’ল পত্নী অনুষ্কাৰ ! ভিডিঅ’ ভাইৰেল

বিৰাট কোহলি আৰু অনুষ্কা

চেম্পিয়নছ ট্ৰফীৰ প্ৰথমখন ছেমি ফাইনেল ভাৰত আৰু অষ্ট্ৰেলিয়াৰ মাজত অনুষ্ঠিত হয় । ৪ মাৰ্চত অনুষ্ঠিত এই খেলখনত টিম ইণ্ডিয়াই বিজয় সাব্যস্ত কৰি ফাইনেলত প্ৰৱেশ কৰে । এই জয়ত বিৰাট কোহলীয়ে ৮৪ ৰানৰ ইনিংছেৰে গুৰুত্বপূৰ্ণ ভূমিকা পালন কৰিছিল । ইয়াৰ বাবে তেওঁক খেলখনৰ শ্ৰেষ্ঠ খেলুৱৈ হিচাপেও নিৰ্বাচিত কৰা হয় ।

ভাৰতীয় দলৰ এই গুৰুত্বপূৰ্ণ খেলখনত বিৰাটক অনুপ্ৰেৰণা যোগাবলৈ তেওঁৰ পত্নী অনুষ্কা শৰ্মাও ষ্টেডিয়ামত উপস্থিত আছিল । এতিয়া তেওঁৰ এটা ভিডিঅ’ ছ’চিয়েল মিডিয়াত ভাইৰেল হৈছে, য’ত তেওঁক শুই থকা দেখা গৈছে । দাবী কৰা হৈছে যে বিৰাটৰ বেটিং চাই থাকোঁতে তেওঁ টোপনি গৈছিল ।

ষ্টেডিয়ামতে শুই পৰিল অনুষ্কা

ভাৰতে বেটিং কৰি থকাৰ সময়তে ১৫ নং অভাৰৰ পিছত বিৰতিৰ সময়ত কেমেৰামেনে অনুষ্কা শৰ্মাক শুই থকা দেখুৱাইছিল । এই সময়ছোৱাত ২৮টা বলত ১৮ ৰান সংগ্ৰহ কৰি ক্ৰীজত আছিল কোহলি । এই দৃষ্টিকোণৰ পৰা চালে তেওঁ অলপ লাহে লাহে বেটিং কৰি আছিল । কিন্তু আমি নিশ্চিতভাৱে ক’ব নোৱাৰো যে কেৱল বিৰাটৰ বেটিঙৰ বাবেই তেওঁ টোপনি আহিছিল । অৱশ্যে বিৰাটৰ লেহেমীয়া ইনিংছৰ কথা ক’লে এই ধৰণৰ বেটিঙৰ আঁৰত এটা ডাঙৰ কাৰণ আছিল ৷ দৰাচলতে পাৱাৰ প্লে’ত দুটা উইকেট হেৰুৱাই ভাৰতীয় দলটো কিছু চাপত পৰিছিল । তেতিয়া ভাৰতক মেচখনত নিয়ন্ত্ৰণ কৰিবলৈ উইকেট ৰক্ষা কৰাৰ লগতে অংশীদাৰিত্বৰ প্ৰয়োজন হৈছিল । সেয়ে কিছু লেহেমীয়াকৈ খেলিছিল কোহলিয়ে ।

অনুষ্কাৰ আন এটা ভিডিঅ’ অতি ভাইৰেল হৈ পৰিছে, য’ত বিৰাটে বিজয়ৰ পিছত তেওঁৰ সন্মুখত উদযাপন কৰা দেখা গৈছে । তেওঁক এনেকৈ উদযাপন কৰা দেখি অনুষ্কা লাজতে ৰঙা পৰি যায় ।

ভাৰতৰ জয়ত গুৰুত্বপূৰ্ণ অৰিহণা কোহলিৰ

ডুবাইত প্ৰথম বেটিং কৰি অষ্ট্ৰেলিয়াৰ দলটোৱে ভাৰতক ২৬৫ ৰানৰ লক্ষ্য নিৰ্ধাৰণ কৰিছিল । এই লক্ষ্য অনুসৰণ কৰি টিম ইণ্ডিয়াই নিজেই পঞ্চম অভাৰত প্ৰথমটো উইকেট হেৰুৱায় । সেইবাবেই এই মেচখনৰ প্ৰায় আৰম্ভণিতে কোহলিয়ে বেটিং কৰিবলৈ আহিবলগীয়া হৈছিল । তেওঁৰ আগমনৰ মাত্ৰ দুটা অভাৰৰ পাছত ভাৰতীয় অধিনায়ক ৰোহিত শৰ্মাও পেভিলিয়নলৈ ৰাওনা হয় । ইয়াৰ পাছতে শ্ৰেয়াছ আয়াৰৰ সৈতে কোহলীয়ে ইনিংছৰ দায়িত্ব লয় আৰু ৯১ ৰানৰ অংশীদাৰিত্ব কৰে । কিন্তু আয়াৰো ভাৰতৰ স্ক’ৰ ১৩৪ ৰান হওঁতেই আউট হয় । ইয়াৰ পাছতে কোহলীয়ে অক্ষৰ পেটেলৰ সৈতে ৪৪ ৰান আৰু কে এল ৰাহুলৰ সৈতে ৪৭ ৰানৰ দুটা গুৰুত্বপূৰ্ণ অংশীদাৰিত্বৰে খেলখন ভাৰতৰ পক্ষলৈ আনে ।