Champions Trophy 2025: ভাৰতক ৮৫ ৰেটিং দিলে আৰ আশ্বিনে…বুমৰাহৰ অনুপস্থিতিক লৈও উদ্বেগ

আইচিচি চেম্পিয়নছ ট্ৰফী ২০২৫ত যাত্ৰা আৰম্ভ কৰাৰ পূৰ্বে ৰোহিত শৰ্মাৰ দলটোৱে কিছু কঠিন মেচ খেলিবলগীয়া আছে। পাকিস্তান, নিউজীলেণ্ড আৰু বাংলাদেশৰ সৈতে গ্ৰুপ Aত স্থান লাভ কৰা টিম ইণ্ডিয়াই ছেমি ফাইনেলত প্ৰৱেশ কৰিবলৈ শীৰ্ষ দুটা দলৰ ভিতৰত স্থান লাভ কৰাটো প্ৰয়োজন । প্ৰতিযোগিতাখনত কোনো দলক সহজভাৱে ল’ব নোৱাৰিলেও অৱসৰপ্ৰাপ্ত ভাৰতীয় স্পিনাৰ ৰবিচন্দ্ৰন অশ্বিনে চেম্পিয়নছ ট্ৰফীৰ গ্ৰুপ A ৰ চাৰিটা দলক ৰেটিং দি কিছু মন্তব্য শ্বেয়াৰ কৰে ।

অশ্বিনে নিজৰ ইউটিউব চেনেলত এটা ভিডিঅ’ যোগে কয় যে যদি যশপ্ৰীত বুমৰাহ ফিট হৈ থাকিলহেঁতেন তেন্তে ভাৰতক ৯০ ৰেটিং পইণ্ট দিলেহেঁতেন । কিন্তু, তেওঁ মাত্ৰ ৮৫ ​​পইণ্টহে এৰি দিছে কাৰণ আগশাৰীৰ পেচাৰসকলে খেলা নাই । আনকি নিউজিলেণ্ডেও অশ্বিনৰ পৰা লাভ কৰিছে ৮৫ ৰেটিং পইণ্ট ।

“মই তেওঁলোকক ৮৫ পইণ্ট দিম । যদি বুমৰাহ তাত থাকিলহেঁতেন তেন্তে মই ভাৰতক ৯০ পইণ্ট দিলোঁহেঁতেন । কাৰণ তেওঁৰ উপস্থিতিয়ে ভাৰতৰ বাবে খেলখন সম্পূৰ্ণ বেলেগ কৰি তোলে । মই ভাবো ভাৰতৰ বাবে একমাত্ৰ চিন্তাটো হ’ল তেওঁলোকৰ সকলো মেচ ডুবাইত । ধৰি লওক আমি তিনিওটা টছত হাৰিছোঁ আৰু আমাক প্ৰথমে বেটিং কৰিবলৈ কোৱা হৈছে, কাৰণ এই খেলপথাৰত দিন-ৰাতিৰ খেল বেলেগ বেলেগ । গতিকে যদি বিপক্ষই লাইটৰ তলত বেটিং কৰে, তেন্তে এই ৮৫ পইণ্ট কমিবলৈ আৰম্ভ কৰিব পাৰে ।”

ইয়াৰ বাহিৰে পাকিস্তান আৰু বাংলাদেশ দলক আশ্বিনে ৫৫ আৰু ৪০ পইন্টহে দিছে । বুমৰাহৰ অনুপস্থিতিত তেওঁৰ স্থানত অন্তৰ্ভুক্ত কৰা হৈছে অৰ্শদীপ সিঙক ।

বাংলাদেশৰ বিৰুদ্ধে চেম্পিয়নছ ট্ৰফীৰ প্ৰথমখন খেলৰ বাবে হৰ্ষিত ৰানাৰ সলনি অৰ্শদীপ সিঙক বাছি ল’ব খুজিছে অষ্ট্ৰেলিয়াৰ মহান খেলুৱৈ ৰিকি পণ্টিঙে । ৰোহিত শৰ্মাৰ নেতৃত্বাধীন দলটোৱে আঘাতপ্ৰাপ্ত পেচাৰ যশপ্ৰীত বুমৰাহক শূন্যতা পূৰণ কৰিবলৈ বিচাৰিব । আইচিচিৰ ইভেণ্টৰ পূৰ্বে ৰাণাই লাভ কৰা সুযোগসমূহত ভাল প্ৰদৰ্শন কৰিছে যদিও পণ্টিঙৰ মতে বাওঁহাতৰ পেচাৰ অৰ্শদীপে ৫০ অভাৰৰ খেলখনৰ সকলো পৰ্যায়তে বলিং কৰিবলৈ অধিক উপযুক্ত ।

আইচিচিৰ পৰ্যালোচনাত পণ্টিঙে কয়, “মই বাওঁহাতৰ বলাৰ অৰ্শদীপক (বুমৰাহৰ স্থানত) বাছি ল’ম । আমি জানো যে টি-২০ ক্ৰিকেটত তেওঁ কিমান ভাল আছিল আৰু যদি আপুনি স্কিল ছেটৰ কথা ভাৱে, তেন্তে তেওঁ হয়তো নতুন বলৰ সৈতে আৰু ডেথ অভাৰত বুমৰাহৰ দৰেই স্কিল ছেট আগবঢ়ায় । সেইটোৱে হৰ্ষিত ৰানাৰ পৰা একো কাঢ়ি নিব নোৱাৰে, কাৰণ মই ভাবো তেওঁৰ বহু প্ৰতিভা আছে আৰু আমি জানো যে তেওঁ নতুন বলটোৰ সৈতে কি কৰিব পাৰে, কিন্তু মই নাভাবো যে তেওঁৰ ডেথ অভাৰৰ দক্ষতা অৰ্শদ্বীপ সিঙৰ দৰে ।”