Team India’s 2025 Cricket Schedule: ২০২৫ বৰ্ষৰ বাবে টীম ইণ্ডিয়াৰ সম্পূৰ্ণ খেলৰ সূচী চাওঁক…

ছিডনী ক্ৰিকেট খেলপথাৰত অষ্ট্ৰেলিয়াৰ বিৰুদ্ধে বৰ্ডাৰ-গাভাস্কাৰ ট্ৰফীৰ অন্তিমখন টেষ্টৰ জৰিয়তে ভাৰতে ২০২৫ বৰ্ষৰ আৰম্ভণি কৰিব। ছিডনী টেষ্টৰ পিছত চেম্পিয়নছ ট্ৰফীৰ বাবে সাজু হ'ব টীম ইণ্ডিয়া ।

টীম ইণ্ডিয়াImage Credit source: PTI

Manas Borah | Updated On: 31 Dec 2024 15:26 PM

সফলতা আৰু বিফলতা সামৰি ২০২৫ চনৰ বাবে সাজু হৈছে টীম ইণ্ডিয়া । ২০২৫ চনত চেম্পিয়নছ ট্ৰফী, ইংলেণ্ডৰ বিৰুদ্ধে পাঁচখন টেষ্ট, আৰু এছিয়া কাপত অংশগ্ৰহণ কৰিব টীম ইণ্ডিয়াই । ছিডনী ক্ৰিকেট খেলপথাৰত অষ্ট্ৰেলিয়াৰ বিৰুদ্ধে বৰ্ডাৰ-গাভাস্কাৰ ট্ৰফীৰ অন্তিমখন টেষ্টৰ জৰিয়তে ভাৰতে ২০২৫ বৰ্ষৰ আৰম্ভণি কৰিব। বিশ্ব টেষ্ট চেম্পিয়নশ্বিপ (ডব্লিউ টি চি)ৰ ফাইনেলত প্ৰৱেশ কৰিবৰ বাবে ৰোহিত শৰ্মা আৰু তেওঁৰ দলটোৱে এই মেচত জয়ী হোৱাৰ অতি প্ৰয়োজন।

ছিডনী টেষ্টৰ পিছত চেম্পিয়নছ ট্ৰফীৰ বাবে সাজু হ’ব টীম ইণ্ডিয়া । ভাৰতে ডুবাইত নিজৰ মেচ খেলিব আৰু ২০ ফেব্ৰুৱাৰীত বাংলাদেশৰ বিৰুদ্ধে চেম্পিয়নছ ট্ৰফীৰ অভিযান আৰম্ভ কৰিব টীম ইণ্ডিয়াই। চেম্পিয়নছ ট্ৰফীৰ পূৰ্বে ভাৰতে প্ৰথমে ইংলেণ্ডৰ বিৰুদ্ধে ৫ খন টি-২০ আৰু তিনিখন এদিনীয়া খেলিব, যি শৃংখলা ২২ জানুৱাৰীৰ পৰা আৰম্ভ হ’ব। বছৰৰ শেষৰ ফালে ভাৰতে ইংলেণ্ডলৈও পাঁচখন মেচৰ টেষ্ট শৃংখলাৰ বাবে যাত্ৰা কৰাৰ কথা আছে । ২০২৫ চনত ভাৰতে দ্বিপাক্ষিক শৃংখলাত ১৮ খন টি-২০, ১০খন টেষ্ট আৰু ১২খন এদিনীয়া খেলিব।