IPL 2025: মেচত অংশ নল’লেও গেলাৰীৰ পৰাই দলক দিলে পৰামৰ্শ, কিয় লক্ষ্ণৌৰ বিৰুদ্ধে নেখেলিলে ৰোহিতে?

লক্ষ্ণৌৰ বিৰুদ্ধে মুম্বাইৰ মেচত দেখা নগ’ল ৰোহিত শৰ্মাক । হিটমেনে নিজেই লৈছিল নে এই সিদ্ধান্ত? নিশ্চিতভাৱে এই কথা ক’ব পৰা নাযায় । সম্ভাৱনা অৱশ্যে নথকা নহয়, কিয়নো বিষয়টোত দলৰ স্বাৰ্থ আছে । বৰ্ডাৰ গাভাস্কাৰ ট্ৰফীৰ সেই অধ্যায় মনত আছেনে । এটাৰ পাছত আন এটা ইনিংছত ৰোহিতৰ ব্যৰ্থতা । চৌদিশে প্ৰৱল সমালোচনা, বহুতেই ক’লে আন্তৰ্জাতিক ক্ৰিকেটৰ পৰা বিদায় লোৱা উচিত । আনকি বহু কিংবদন্তিয়েও কৈছিল এইটোৱেই ৰোহিতৰ শেষ ছিৰিজ ।

প্ৰবল সমালোচনা, তাৰোপৰি দুৰ্বল বেটিং । ছিডনীত অন্তিম টেষ্টৰ পূৰ্বে ডাঙৰ সিদ্ধান্ত লয় ৰোহিতে । অধিনায়কে নিজকেই দলৰ পৰা বাদ দিয়ে । এইকথা নিজেই কৈছিল ৰোহিতে । ফৰ্মত থকাসকলক সুযোগ দিব খুজিছিল । অযথা দলৰ বোজা হোৱাৰ ইচ্ছা নাছিল । ছিডনীত ৰোহিতে নেখেলাৰ পাছতেই আলোচনা আৰম্ভ হয় । মেচৰ দ্বিতীয় দিনা সম্প্ৰচাৰকাৰী চেনেলে মুকলিকৈ জনালে তেওঁ এই মেচৰ পৰাহে আঁতৰিছে, টেষ্ট ক্ৰিকেটৰ পৰা নহয় ।

আই পি এলৰ ইতিহাসত অন্যতম সফল কেপ্টেইন ৰোহিত । তেওঁৰ নেতৃত্বত পাঁচবাৰকৈ আইপিএলৰ ট্ৰফী দখল কৰিছে মুম্বাই ইণ্ডিয়ানছে । যোৱা ছিজনক তেওঁৰ ঠাইত হাৰ্দিক পাণ্ডিয়াক অধিনায়কৰ দায়িত্ব দিয়ে টীম মেনেজমেন্টে । ৰোহিতৰ গুৰুত্ব কিন্তু তিলমানো নকমিল, সেই কথা বুজাই ভালদৰেই বুজিলে । এই ছিজনত প্ৰথম তিনিখন মেচত প্ৰদৰ্শন হতাশজনক মুম্বাইৰ জ্যেষ্ঠ অপেনাৰগৰাকীৰ । তাৰ পাছতেই প্ৰশ্ন উঠে ৰোহিতৰ ফৰ্মক লৈ । লক্ষ্ণৌৰ বিৰুদ্ধে নেখেলাৰ এয়াই কাৰণ নেকি?

লক্ষ্ণৌৰ বিৰুদ্ধে টছ জিকাৰ পাছত হাৰ্দিক পাণ্ডিয়াই জনায়, অনুশীলনৰ সময়ত আঁঠুত আঘাত পায় ৰোহিতে । সেয়ে তেওঁক এই মেচত বিশ্ৰাম দিয়া হৈছে । কিন্তু ৰোহিতক দেখি আঘাতপ্ৰাপ্ত যেন নালাগিক দৰ্শকৰ । মেচৰ আগত অনুশীলন কৰিছিল । মেচ আৰম্ভ হোৱাৰ পাছত সলনি হ’ল দৃশ্য । ৰোহিতে দলৰ সৈতে গেলাৰীত বহি খুব ভালকৈ পৰিস্থিতি অধ্যয়ন কৰিছে । ঠিক যিদৰে টীম মেন্টৰে কৰে ।

ইয়াতেই কিন্তু শেষ হয় । নন প্লেয়িং কেপ্টেইন বুলি কোৱাৰ আৰু কাৰণ আছে । গেলাৰীৰ পৰা নানা পৰামৰ্শ দিয়ে ৰোহিতে । মুম্বাইৰ বলিং যেতিয়া প্ৰবল চাপত পৰে । ষ্ট্ৰেটেজিক টাইম আউটত প্ৰশিক্ষকৰ সৈতে খেলপথাৰলৈ আহে ৰোহিত । হাৰ্দিকক পৰামৰ্শ দিয়ে গতি কম কৰি বলিং কৰাৰ বাবে । তৰুণ খেলুৱৈ বিগ্নেশ পুথুৰকো হাতেৰে ৰোল কৰি দেখায়, বল টাৰ্ন কৰাৰ বাবে । সূৰ্যকুমাৰ যাদৱকো পৰামৰ্শ দিয়ে । ঠিক যিদৰে দলৰ জ্যেষ্ঠ সদস্য হিচাপে তেওঁ কৰা উচিত । তাৰ ফলাফল কি?

ৰোহিতৰ পৰামৰ্শই যেন নতুন প্ৰেৰণা দিলে মুম্বাই বাহিনীক । পাঁচটা উইকেট দখল কৰিলে হাৰ্দিকে । মুম্বাই ইণ্ডিয়ানছত ৰোহিত যিদৰে আছে, তেনেকৈ সূৰ্যকুমাৰ যাদৱো আছে । তেওঁ ভাৰতৰ টি-২০ দলৰ অধিনায়ক । তেওঁকো বহুসময়ত ফিল্ডিং সজোৱা দেখা গ’ল । হাৰ্দিকক পৰামৰ্শও দিয়ে । হাৰ্দিকেই যে মুম্বাই অধিনায়ক তেনে নহয়, আন দুই মস্তিষ্কও আছে । সেই কথা পৰিস্কাৰ । সূৰ্য-হাৰ্দিকে খেলপথাৰত অধিনায়কত্ব কৰিলে আৰু বাহিৰৰ পৰা ৰোহিতে । কিন্তু আক্ষেপ, শেষ মুহূৰ্তত মুম্বাই পৰাস্ত হ’ল ।