অধিক ৰোমাঞ্চকৰ হ’ব এইবাৰৰ IPL! থাকিব ৩টা নতুন নিয়ম, দেখা যাব ২ জনকৈ নতুন অধিনায়ক

IPLত দেখা যাব ৩টা নতুন নিয়ম

২২ মাৰ্চৰ পৰা আৰম্ভ হ’ব ভাৰতীয় প্ৰিমিয়াৰ লীগৰ ১৮ সংখ্যক ছিজন। আইপিএলৰ এই ছিজন পূৰ্বতকৈ বিশেষ হ’ব। আইপিএল ২০২৫ৰ পূৰ্বে বিচিচিআইয়ে বহু ডাঙৰ ডাঙৰ সিদ্ধান্ত লৈছে, যাৰ বাবে অধিক ৰোমাঞ্চকৰ হৈ পৰিছে এই লীগখন। এইবাৰ আইপিএলত ৩টা নতুন নিয়ম দেখা যাব, যিবোৰ এই লীগত পূৰ্বে কেতিয়াও ব্যৱহাৰ কৰা হোৱা নাছিল। একে সময়তে দুগৰাকী খেলুৱৈয়ে প্ৰথমবাৰৰ বাবে অধিনায়ক হিচাপে খেলা দেখা যাব।

প্ৰথমবাৰৰ বাবে খেলুৱৈয়ে লাভ কৰিব মেচৰ মাচুল

আইপিএল ২০২৫ত খেলুৱৈসকলে উপাৰ্জনৰ বাম্পাৰ সুযোগ লাভ কৰিব। উল্লেখ্য যে, এতিয়ালৈকে খেলুৱৈসকলে নিলামৰ ধনখিনিয়ে লাভ কৰিছিল। কিন্তু এইবাৰ এই খেলুৱৈসকলক মেচ ফীচো দিয়া হ’ব। দলীয় শ্বীটত অন্তৰ্ভুক্ত ১২ গৰাকী খেলুৱৈক প্ৰতিখন খেলতে ৭.৫ লাখ টকা দিয়া হ’ব। অৱশ্যে যিসকল খেলুৱৈয়ে মেচৰ অংশ নহ’ব তেওঁলোকে মেচৰ মাচুল লাভ নকৰে। এই নিয়মৰ সৰ্বাধিক লাভ সেইসকল খেলুৱৈৰ হ’ব যিসকলক  নিলামত ৩০ লাখ বা ​​৫০ লাখ টকাত ক্ৰয় কৰা হৈছিল।

ৱাইডৰ বাবে বল ট্ৰেকিঙৰ ব্যৱহাৰ

এতিয়া দলসমূহে উচ্চতাৰ  আৰু অফ চাইড ৱাইডৰ বাবে ডিআৰএছৰ ব্যৱহাৰ কৰিব পাৰিব। অফ-ষ্টাম্পৰ বাহিৰৰ ৱাইড আৰু হাইট ৱাইডৰ সিদ্ধান্ত ল’বলৈ হক আই আৰু বল ট্ৰেকিং ব্যৱহাৰ কৰা হ’ব। আইপিএল ২০২৪ত অভাৰ দ্য বেষ্ট আৰু ন’ বলৰ জোখাৰ বাবে যি কৌশল ব্যৱহাৰ কৰা হৈছিল, সেই কৌশলটো অভাৰ হেড ৱাইড আৰু অফ চাইড ৱাইডৰ ক্ষেত্ৰতো প্ৰয়োগ কৰা হ’ব।

৩টা বলত সম্পূৰ্ণ হ’ব এখন মেচ

আইপিএল ২০২৫ৰ ডে-নাইট মেচত ৩টা বল ব্যৱহাৰ কৰা হ’ব। যাৰ অধীনত প্ৰথম ইনিংছত এটা বল ব্যৱহাৰ কৰা হ’ব। একে সময়তে দ্বিতীয় ইনিংছত দুটা বল ব্যৱহাৰ কৰিব পাৰি। প্ৰকৃততে মাটিৰ আৰ্দ্ৰতা প্ৰভাৱ কমোৱাৰ বাবে নিয়ম অনুসৰি মেচৰ দ্বিতীয় ইনিংছত ১১ নং অভাৰৰ পিছত নতুন বল ব্যৱহাৰ কৰা হ’ব। ইয়াৰ উপৰিও আইপিএল ২০২৫ত বলাৰসকলে “থু” ব্যৱহাৰ কৰিব পাৰিব। Covid-19ৰ পিছত “থু”ৰ ব্যৱহাৰত নিষেধাজ্ঞা আৰোপ কৰা হৈছিল।

দুগৰাকী খেলুৱৈয়ে প্ৰথমবাৰৰ বাবে অধিনায়কত্ব কৰিব

ৰয়েল চেলেঞ্জাৰছ বাংগালুৰুৱে আইপিএল ২০২৫ৰ বাবে নিজৰ দলৰ অধিনায়ক হিচাপে নিযুক্তি দিছে ৰজত পাটিদাৰক। উল্লেখ্য যে, ৰজত পাটিদাৰক প্ৰথমবাৰৰ বাবে এই লীগৰ অধিনায়ক হিচাপে দেখা যাব। একে সময়তে ৰাজস্থান দলে প্ৰথম ৩ খন খেলৰ বাবে দলৰ কামাণ্ড ৰিয়ান পৰাগক অৰ্পণ কৰিছে। ৰিয়ানক প্ৰথমবাৰৰ বাবে এই লীগৰ অধিনায়ক হিচাপে দেখা যাব।