KKR vs SRH Predicted Playing XI IPL 2025: আজি ইডেনত ‘চেম্পিয়ন-ৰাণাৰ্ছ আপ’ৰ যুঁজঃ কেনে হ’ব পাৰে মূল একাদশ!
Kolkata Knight Riders vs Sunrisers Hyderabad Preview: আগ্ৰাসী বেটিং শৈলীৰ বাবে পৰিচিত হৈ পৰা হায়দৰাবাদে দুখন মেচত পৰাস্ত হোৱাৰ পাছতো এই মানসিকতা সলনি নকৰে বুলি স্পষ্ট কৰি দিছে। তেনে পৰিস্থিতিত আজি ঘৰৰ মাটিত হায়দৰাবাদী আক্ৰমণৰ সমুখত কলকাতাৰ বলিং লাইন আপৰো অগ্নিপৰীক্ষা হ’ব। আনহাতে দুখন মেচত ব্যৰ্থ হোৱা হায়দৰাবাদৰ বেটিং বিভাগে আজি ছন্দ ঘূৰাই পায় নে, সেয়াও হ’ব লক্ষণীয়।

আজি ইডেনত দেখা যাব আই পি এলৰ বিগত সংস্কৰণৰ ফাইনেলৰ পুনৰাবৃত্তি। বেট-বলৰ সমুখ সমৰত নামিব ডিফেণ্ডিং চেম্পিয়ন কলকাতা নাইট ৰাইডাৰ্ছ আৰু বিগত বাৰৰ ৰাণাৰ্ছ আপ ছানৰাইজাৰ্ছ হায়দৰাবাদ। আই পি এল ২০২৪ৰ ফাইনেলত কলকাতাই হায়দৰাবাদক হৰুৱায়েই তৃতীয়বাৰৰ বাবে খিতাপ জয় কৰিছিল। গোটেই ছিজনত বিস্ফোৰক প্ৰদৰ্শন দাঙি ধৰাৰ পিছত ফাইনেলত ব্যৰ্থ হৈ পৰিছিল হায়দৰাবাদৰ বেটিং লাইন আপ। মিচেল ষ্টাৰ্কৰ দুৰন্ত স্পেলে মুকলি কৰিছিল কলকাতাৰ খিতাপ জয়ৰ পথ।
অৱশ্যে এইবাৰ কলকাতাত নাই ষ্টাৰ্ক। গতিকে আজি গৃহভূমিতে কলকাতাক পৰাস্ত কৰি হায়দৰাবাদে বিগত বাৰৰ মুখামুখিত হোৱা ফলাফলৰ পৰিৱৰ্তন ঘটোৱাৰ সুযোগ লাভ কৰিব। যোৱা ছিজনত দুয়োটি দলেই দৰ্শনীয় প্ৰদৰ্শন আগবঢ়াইছিল যদিও এইবাৰ পিছে দল দুটাৰ ক্ষেত্ৰত দেখা গৈছে ধাৰাবাহিকতাৰ অভাৱ। ছানৰাইজাৰ্ছ হায়দৰাবাদে জয়েৰে ছিজনৰ অভিযান আৰম্ভ কৰিছিল যদিও শেহতীয়া দুয়োখন মেচত পৰাস্ত হৈছে দলটো।
আনহাতে, ছিজনৰ উদ্বোধনী মেচতে পৰাজয়েৰে অভিযান আৰম্ভ কৰে কলকাতা নাইট ৰাইডাৰ্ছে। দ্বিতীয়খন মেচত দলটোৱে ৰাজস্থানৰ বিৰুদ্ধে জয়লাভ কৰিবলৈ সক্ষম হৈছিল যদিও শেহতীয়া মেচখনত মুম্বাইৰ বিপক্ষে শোচনীয় পৰাজয়ৰ সন্মুখীন হয়। উক্ত মেচখনত চূড়ান্ত ৰূপত ব্যৰ্থ হৈ পৰিছিল কলকাতাৰ বেটিং লাইন আপ। ইফালে পৰাস্ত হ’লেও হায়দৰাবাদে নিশ্চিত কৰি দিছে দলৰ ৰণকৌশল।
আগ্ৰাসী বেটিং শৈলীৰ বাবে পৰিচিত হৈ পৰা হায়দৰাবাদে দুখন মেচত পৰাস্ত হোৱাৰ পাছতো এই মানসিকতা সলনি নকৰে বুলি স্পষ্ট কৰি দিছে। তেনে পৰিস্থিতিত আজি ঘৰৰ মাটিত হায়দৰাবাদী আক্ৰমণৰ সমুখত কলকাতাৰ বলিং লাইন আপৰো অগ্নিপৰীক্ষা হ’ব। আনহাতে দুখন মেচত ব্যৰ্থ হোৱা হায়দৰাবাদৰ বেটিং বিভাগে আজি ছন্দ ঘূৰাই পায় নে, সেয়াও হ’ব লক্ষণীয়।
কলকাতা নাইট ৰাইডাৰ্ছৰ সম্ভাৱ্য একাদশ আৰু ইম্পেক্ট চাবঃ সুনীল নাৰাইণ, কুইণ্টন ডি ক’ক, আজিংক্যা ৰাহানে, ভেংকটেশ আয়াৰ, অংকৃশ ৰঘুবংশী, ৰিংকু সিং, আন্দ্ৰে ৰাছেল, ৰমনদীপ সিং, হৰ্ষিত ৰাণা, স্পেনচাৰ জনছন, বৰুণ চক্ৰৱৰ্তী, বৈভৱ অৰোৰা।
ছানৰাইজাৰ্ছ হায়দৰাবাদৰ সম্ভাৱ্য একাদশ আৰু ইম্পেক্ট চাবঃ ট্ৰেভিছ হেড, অভিষেক শৰ্মা, ঈশান কিষাণ, নীতিশ কুমাৰ ৰেড্ডী, অনিকেত বাৰ্মা, হেইনৰিখ ক্লাচেন, অভিনৱ মনোহৰ, পেট কামিন্স, উইয়ান মুল্ডাৰ/আডাম জাম্পা, হৰ্ষল পেটেল, মহম্মদ ছামি, জীছান আনচাৰী/চিমৰজিৎ সিং।