আজি ৫২ তম জন্মদিন উদযাপন কৰিলে ক্ৰিকেটৰ ভগৱান শচীন তেণ্ডুলকাৰে। ক্ৰিকেট বিশ্বৰ আটাইতকৈ জনপ্ৰিয় লীগ আই পি এলৰ মাজতে মাষ্টাৰ ব্লাষ্টাৰগৰাকীয়ে উদযাপন কৰিছে জন্মদিন। স্বাভাৱিকতেই শচীন বুলিলে প্ৰতিগৰাকী ক্ৰিকেটপ্ৰেমীৰ মনলৈ আহে ২২ গজত তেওঁ দেখুৱাই যোৱা অসাধাৰণ তথা অনন্য ক্ৰিকেটীয় কলাৰ দৃশ্য। তাৰ সমান্তৰালকৈ মনলৈ আহে শচীনৰ নামত থকা অলেখ অভিলেখ। কেৱল আন্তঃৰাষ্ট্ৰীয় ক্ৰিকেটতে নহয়, আই পি এলতো শচীনে নিজৰ নামত সন্নিৱিষ্ট কৰি গৈছে এক বিশেষ অভিলেখ। বিশ্বৰ এই আটাইতকৈ জনপ্ৰিয় ক্ৰিকেট লীগ আই পি এল ২০০৮ চনত আৰম্ভ হৈছিল আৰু সেই আৰম্ভণি বৰ্ষৰ পৰা ২০১৩ চনলৈ তেওঁ প্ৰতিযোগিতাখনত মুম্বাই ইণ্ডিয়ানছক প্ৰতিনিধিত্ব কৰিছিল। সকলোৱে ভাবিছিল, টেষ্ট আৰু এদিনীয়াৰ বিশেষজ্ঞ শচীনে টি-২০ ফৰ্মেটৰ আই পি এলত বিশেষ সফল নহ’ব। কিন্তু এই ধাৰণা ভুল প্ৰমাণিত কৰি শচীনে গঢ়া এক অভিলেখ আজিও অক্ষত অৱস্থাত আছে। চাওঁ আহক এই বিষয়ে...