পেৰিছত ‘গোল্ডেন বয়’ নীৰজ চোপ্ৰাই জিনিলে ৰূপ: প্ৰশংসাত পঞ্চমুখ প্ৰধানমন্ত্ৰী মোদী

নীৰজ চোপ্ৰাক অভিনন্দন জনালে প্ৰধানমন্ত্ৰী মোদীয়ে

প্ৰধানমন্ত্ৰী নৰেন্দ্ৰ মোদীয়ে পেৰিছ অলিম্পিকত ৰূপৰ পদক জয় কৰাৰ বাবে জেভেলিন থ্ৰ’ৰ তাৰকা নীৰজ চোপ্ৰাক অভিনন্দন জনায়। প্ৰধানমন্ত্ৰী মোদীয়ে কৈছে যে নীৰজ হৈছে উৎকৃষ্ট ব্যক্তিত্বৰ অধিকাৰী। টকিঅ’ অলিম্পিকৰ স্বৰ্ণ পদক বিজয়ী নীৰজে ৮৯.৪৫ মিটাৰ থ্ৰ’ৰে পেৰিছত ৰূপৰ পদক অৰ্জন কৰিছে।

প্ৰধানমন্ত্ৰী মোদীয়ে তেওঁক এক্সযোগে অভিনন্দন জনাই লিখিছে- “নীৰজ চোপ্ৰা উৎকৃষ্ট ব্যক্তিত্বৰ অধিকাৰী। বাৰে বাৰে তেওঁ নিজৰ শ্ৰেষ্ঠতা প্ৰদৰ্শন কৰিছে। ভাৰত সুখী যে তেওঁ আকৌ এবাৰ অলিম্পিকত সফলতা লাভ কৰিছে। ৰূপৰ পদক জয় কৰাৰ বাবে তেওঁক অভিনন্দন জনাইছোঁ।”

নীৰজ চোপ্ৰাই দেশক গৌৰৱান্বিত কৰিছে

একে সময়তে, গৃহমন্ত্ৰী অমিত শ্বাহে এক্সত পোষ্ট কৰি নীৰজ চোপ্ৰাক ৰূপৰ পদকৰ বাবে অভিনন্দন জনায়। তেওঁ লিখিছে, “অভূতপূৰ্ব নীৰজ চোপ্ৰা, আপুনি আকৌ এবাৰ দেশক গৌৰৱান্বিত কৰিছে। পেৰিছ অলিম্পিকত ৰূপৰ পদক জয় কৰাৰ বাবে অভিনন্দন৷ ভাৰতীয় ক্ৰীড়া ইতিহাসত এক গৌৰৱময় প্ৰসংগ লিখি আপুনি ত্ৰিৰংগাক সন্মান বৃদ্ধি কৰিছে ৷ সমগ্ৰ দেশে আপোনাৰ বীৰত্বৰ বাবে গৌৰৱ অনুভৱ কৰিছে।”

নীৰজক অভিনন্দন স্মৃতি ইৰাণীৰ

প্ৰাক্তন কেন্দ্ৰীয় মন্ত্ৰী স্মৃতি ইৰাণীয়েও নীৰজ চোপ্ৰাক ৰূপৰ পদকৰ বাবে অভিনন্দন জনাইছে। তেওঁক এক্সত লিখিছে “ভাৰতৰ বাবে আন এক ঐতিহাসিক থ্ৰো! নীৰজ চোপ্ৰা অভিনন্দন। অলিম্পিকত আপোনাৰ অত্যাশ্চৰ্যক সাফল্য, যিয়ে পুনৰ আপোনাৰ উৎকৃষ্টতাক নিদৰ্শন কৰে। আপুনি আমাক অবিশ্বাস্যভাৱে গৌৰৱান্বিত কৰে!”

আপোনাক লৈ গৌৰৱান্বিত দেশ: মুখ্যমন্ত্ৰী যোগী

উত্তৰ প্ৰদেশৰ মুখ্যমন্ত্ৰী যোগী আদিত্যনাথেও নীৰজ চোপ্ৰাক শুভেচ্ছা জনাই কয়- “গৌৰৱময় ৰূপ’, নীৰজ চোপ্ৰা আপোনাক আন্তৰিক অভিনন্দন! ১৪০ কোটি ভাৰতীয় আপোনাক লৈ গৌৰৱান্বিত। জয় হিন্দ!”