RR vs KKR Live Score, IPL 2025: ৮ উইকেটত জয়লাভ KKR ৰ, ১৭.৩ অভাৰতে সম্পূৰ্ণ লক্ষ্য

ৰাজস্থান ৰয়েলছৰ বিৰুদ্ধে কলকাতা নাইট ৰাইডাৰ্ছৰ সহজ জয়। ৮ উইকেটত জয়লাভ দলটোৰ। মাত্ৰ ১৭.৩ অভাৰতে সম্পূৰ্ণ কৰে জয়ৰ লক্ষ্য। কেকেআৰৰ হৈ সৰ্বাধিক ৯৭ ৰান কৰে কুইন্টন ডি ককে (নট আউট)। ৬১ টা বলত ৮টা চাৰি, ৬টা ছয় কোবাই এই ৰান সংগ্ৰহ কৰে তেওঁ। ইয়াৰ বিপৰীতে ম’ইন আলীয়ে ১২ টা বলত ৫ ৰান, আজিংক্য ৰাহানে ১৫ টা বলত ১৮ ৰান আৰু অংগকৃশে (নট আউট) ১৭ টা বলত ২২ ৰান কৰিবলৈ সক্ষম হয়।

৮ উইকেটত জয়লাভ KKR ৰ। ১৭.৩ অভাৰত লক্ষ্য সম্পূৰ্ণ কৰে KKR য়ে।

কুইণ্টন ডি কক আৰু অংগকৃশ ৰঘুবংশীয়ে ৩৫টা বলত ৫৫ ৰানৰ অংশীদাৰিত্ব গঢ়ি তুলিছে। একে সময়তে কলকাতাই ১৬ অভাৰত মাত্ৰ ২ টা উইকেট হেৰুৱাই ১২৫ ৰান সংগ্ৰহ কৰিছে।

১৬ অভাৰত ১২৫ ৰান সম্পূৰ্ণ কেকেআৰৰ। জয়ৰ বাবে দলটোক ২৪ টা বলত ২৭ ৰানৰ প্ৰয়োজন

১৫.৩ অভাৰত ১২৩ ৰান সম্পূৰ্ণ কৰে কে কে আৰে। দলটোৱে বৰ্তমানলৈ ২ টা উইকেট হেৰুৱাইছে।

কুইণ্টন ডি ককে অৰ্ধশতক কৰে। তেওঁ লাহে লাহে দলটোত লক্ষ্যৰ পিনে লৈ গৈ আছে।

KKR য়ে দ্বিতীয়টো উইকেট হেৰুয়ায়। ১৫টা বলত ১৮ ৰান সংগ্ৰহ কৰি অধিনায়ক অজিংক্য ৰাহানে আউট হয়।

১০ অভাৰত ৭০ ৰান সংগ্ৰহ কেকেআৰৰ। ইয়াৰ বিপৰীতে উইকেট হেৰুৱাই ১ টা।

৮ম অভাৰত ৫০ ৰানৰ সীমা অতিক্ৰম কৰিছে কে কে আৰয়ে। ৮ অভাৰৰ অন্তত দলটোৱে ১ উইকেট হেৰুৱাই ৫৫ ৰান সংগ্ৰহ কৰিছে।

প্ৰথমটো উইকেট হেৰুৱাই কলকাতা নাইট ৰাইডাৰ্ছে। ১২টা বলত ৫ ৰান সংগ্ৰহ কৰি ৰান আউট হৈছে ম’ইন আলী।

পাৱাৰপ্লে সমাপ্ত হৈছে, অৰ্থাৎ ৬ অভাৰ শেষ। বৰ্তমান পৰ্যন্ত ৪০ ৰানহে সংগ্ৰহ কে কে আৰৰ। এতিয়ালৈকে এটাও উইকেট যোৱা নাই।

KKR ৰ সন্মুখত ১৫২ ৰানৰ লক্ষ্য।  প্ৰথম ৩ অভাৰত দলটোৱে মাত্ৰ ২০ ৰানহে কৰিবলৈ সক্ষম হয়।

কলকাতা নাইট ৰাইডাৰ্ছৰ হৈ প্ৰথমে বেটিং কৰে কুইণ্টন ডি কক আৰু ম’ইন আলীয়ে। ৰাজস্থানৰ হৈ বলিং আৰম্ভ কৰিছে জোফ্ৰা আৰ্চাৰে।

৯ টা উইকেট হেৰুৱাই ৰাজস্থান ৰয়েলছৰ ১৫১ ৰান সংগ্ৰহ। ইয়াৰ লগে লগে জয়ৰ বাবে কে কে আৰক বান্ধি দিয়ে ১৫২ ৰানৰ লক্ষ্য।

ৰাজস্থান ৰয়েলছে হেৰুৱালে ৯ নম্বৰ উইকেট। স্পেন্সৰ জনছনৰ বলত আউট হয় জোফ্ৰা আৰ্চাৰ। ইয়াৰ লগে লগে ৰাজস্থানে নৱম উইকেট হেৰুৱাই এতিয়া অল আউট হোৱাৰ ওচৰ চাপিছে।

৮টা বলত ৭ ৰান সংগ্ৰহ কৰি আউট হয় শ্বিমৰন হেটমায়াৰ । ইয়াৰ লগে লগে ৰাজস্থানে হেৰুৱাইছে ৮ম উইকেট।

২৮টা বলত ৩৩ ৰান সংগ্ৰহ কৰে ধ্ৰুব জুৰেলে। হৰ্ষিত ৰানাৰ বলত আউট হয় তেওঁ। ইয়াৰ লগে লগে ৰাজস্থান ৰয়েলছে ৭ নম্বৰ উইকেট হেৰুয়ায়।

ধ্ৰুৱ জুৰেলৰ আউটৰ পিছত বেটিং কৰিবলৈ আহে জোফ্ৰা আৰ্চাৰ। তেওঁ ছয় মাৰি ইনিংছ আৰম্ভ কৰে।

১৭ অভাৰত ১২৩ ৰান সম্পূৰ্ণ কৰে ৰাজস্থান ৰয়েলছে। ক্ৰীজত উপস্থিত আছে শ্বিমৰন হেটমায়াৰ আৰু ধ্ৰুৱ জুৰেল।

ৰাজস্থান ৰয়েলছে ১৬ অভাৰত ১১২ ৰান সম্পূৰ্ণ কৰে। ইয়াৰ বিপৰীতে উইকেট হেৰুৱাই ৬ টা।

ধ্ৰুৱ জুৰেল আৰু শুভম ডুবেৰ অংশীদাৰিত্ব ২০টা বলত ২২ ৰান আহে। দুয়োজনে ইনিংছ ধৰি ৰখাৰ চেষ্টা কৰিছে।

১৩ অভাৰত ৰাজস্থান ৰয়েলছৰ ৯২ ৰাণ সম্পূৰ্ণ। ইয়াৰ বিপৰীতে দলটোৱে হেৰুৱাই ৫ টাকৈ উইকেট।

ৰাজস্থান ৰয়েলছে হেৰুৱাইছে এটাৰ পাছত আনটো উইকেট। যশস্বী জয়ছোৱালৰ উইকেট ৬৯ ৰানৰ স্ক’ৰত হেৰুয়ায়।

দ্বিতীয়টো উইকেট হেৰুৱাই ৰাজস্থান ৰয়েলছে।১৫টা বলত ২৫ ৰান সংগ্ৰহ কৰি আউট হৈছে ৰিয়ান পৰাগ। বৰুণ চক্ৰৱৰ্তীৰ বলত আউট হয় ৰিয়ান।

প্ৰথম পাৱাৰপ্লে সমাপ্ত হৈছে। ৰাজস্থান ৰয়েলছ দলে ৬ অভাৰৰ অন্তত ১ উইকেট হেৰুৱাই ৫৪ ৰান সংগ্ৰহ কৰে।

সঞ্জু চেমচনৰ আউটৰ পিছত ৰিয়ান পৰাগে বেটিং আৰম্ভ কৰে।হৰ্ষিত ৰানাৰ বিৰুদ্ধে ছয় মাৰি ইনিংছ আৰম্ভ কৰে ৰিয়ানে।

প্ৰথমটো উইকেট হেৰুৱাইছে ৰাজস্থান ৰয়েলছে। বৈভৱ অৰোৰাই সঞ্জু চেমছনক আউট কৰে। চেমছনে ১১টা বলত ১৩ ৰান সংগ্ৰহ কৰে।

ৰাজস্থানৰ বেটিং আৰম্ভ হৈছে। খেলখনৰ প্রথম বলত যশস্বীয়ে ৪ মাৰে ৷ কেকেআৰৰ বলাৰ স্পেন্সৰ জনছনৰ প্ৰথম অভাৰৰ পৰা ২ চাৰিটাকে ধৰি ৯ ৰান সংগ্ৰহ কৰে। অভাৰৰ শেষৰ বলত সঞ্জুৱে ৪ কোবায়।

যশস্বী জয়ছোৱাল, সঞ্জু চেমচন, ৰিয়ান পৰাগ (অধিনায়ক), নীতিশ ৰাণা, ধ্ৰুৱ জুৰেল, শিমৰন হেটমাইৰ, ৱানন্দু হাছাৰংগা, জোফ্ৰা আৰ্চাৰ, মহিষ তীক্ষনা, তুষাৰ দেশপাণ্ডে, সন্দীপ শৰ্মা

কুইণ্টন ডি কক, ময়েন আলী, অজিংক্য ৰাহানে (অধিনায়ক), ভেংকটেশ আয়াৰ, বৈভৱ অৰোৰা, ৰিংকু সিং, আন্দ্ৰে ৰাছেল, ৰমনদীপ সিং, হৰ্ষিত ৰানা, স্পেন্সৰ জনছন, বৰুণ চক্ৰৱৰ্তী

কলকাতা দলৰ পৰা বাহিৰ হৈছে সুনীল নৰেন। জানিব পৰা মতে তেওঁৰ স্বাস্থ্য ভাল নহয়। তেওঁৰ ঠাইত ময়েন আলীক বাচনি কৰা হৈছে। ইয়াৰ বিপৰীতে আৰ আৰত ফজলহক ফাৰুকীৰ সলনি ৱানিন্দু হাছাৰাংগাই স্থান লাভ কৰিছে।

KKR য়ে টছত জয়লাভ কৰি প্ৰথমে বলিং কৰাৰ সিদ্ধান্ত গ্ৰহণ কৰে। ইয়াৰ বিপৰীতে ৰাজস্থান ৰয়েলছে প্ৰথমে বেটিং কৰিব।

যশস্বী জয়ছোৱাল, সঞ্জু চেমছন (উইকেটকীপাৰ), ৰিয়ান পৰাগ (অধিনায়ক), নীতিশ ৰানা, ধ্ৰুৱ জুৰেল, শ্বিমৰন হেটমায়াৰ, শুভম ডুবে, জোফ্ৰা আৰ্চাৰ, মহিষ তীক্ষনা, তুষাৰ দেশপাণ্ডে, ফজলহাক ফাৰুকী, ইমপেক্ট প্লেয়াৰ: সন্দীপ শৰ্মা

সুনীল নাৰিনে, কুইণ্টন ডি কক (উইকেটকীপাৰ), অজিংক্য ৰাহানে (অধিনায়ক), ভেংকটেশ আয়াৰ, অংকৃষ্ণ ৰঘুবংশী, ৰিংকু সিং, আন্দ্ৰে ৰাছেল, ৰমনদীপ সিং, হৰ্ষিত ৰানা, স্পেন্সৰ জনছন, বৰুণ চক্ৰৱৰ্তী।