RR vs LSG Live Score, IPL 2025: আভেশৰ চমকেৰে শ্বাসৰুদ্ধকাৰী জয় লক্ষ্ণৌৰঃ লক্ষ্যৰ কাষ চাপিও থমকিল ৰাজস্থান

আভেশ খানৰ দৰ্শনীয় বলিঙৰ সুবাদত ৰাজস্থান ৰয়েলছক নিজৰ ঘৰৰ মাটিতে ২ ৰানত ৰোমাঞ্চকৰ যুঁজৰ অন্তত পৰাস্ত কৰিছে লক্ষ্ণৌ চুপাৰ জায়েণ্টছে। অন্তিম অভাৰত ৰাজস্থানক জয়ৰ বাবে ৯ ৰানৰ প্ৰয়োজন হৈছিল যদিও আভেশে অভাৰটোত মাত্ৰ ৬ ৰানহে খৰচ কৰে আৰু এটা উইকেটো দখল কৰে।

হেটমায়াৰক বিদায় দি দলৰ জয়ৰ আশা জীয়াই ৰাখিছে আভেশে। এতিয়া ৰাজস্থানক জয়ৰ বাবে অন্তিম দুই বলত ৬ ৰানৰ প্ৰয়োজন।

একেটা অভাৰতে দ্বিতীয়টো উইকেট দখল কৰিছে আভেশে। এইবাৰ তেওঁৰ চিকাৰ হৈছে ৰিয়ান পৰাগ। অধিনায়ক ৰিয়ানে ২৬টা বলত ৩টা চাৰি আৰু ২টা ছয়েৰে ৩৯ ৰান সংগ্ৰহ কৰে।

৫২টা বলত ৫টা চাৰি আৰু ৪টা ছয়েৰে ৭৪ ৰানৰ এক দৰ্শনীয় ইনিংছ খেলি বিদায় ল’লে জয়ছোৱালে। ক্ৰমাগত তৃতীয়টো অৰ্ধশতক অৰ্জন কৰা জয়ছোৱালক পেভিলিয়নৰ পথ দেখুৱায় আভেশ খানে।

অধিনায়কৰ গুৰুদায়িত্ব বহন কৰি ফৰ্মলৈ উভতিছে ৰিয়ান। দলক সমুখৰ পৰা নেতৃত্ব দি ৰিয়ানে লক্ষ্ণৌৰ বিপক্ষে ৰাজস্থানক জয়ৰ দিশলৈ আগুৱাই নিছে। এইপৰ্যন্ত ৰিয়ানে ১৯টা বলত দুটাকৈ চাৰি আৰু ছয়েৰে ৩১ ৰান সংগ্ৰহ কৰিছে।

ক্ৰীজত অধিক সময় নিটিকিল নীতিশ ৰাণা। মাত্ৰ ৭টা বল খেলি ৮ ৰান সংগ্ৰহ কৰাৰ পিছত শ্বাৰ্দুল ঠাকুৰৰ চিকাৰ হয় নীতিশ। ইয়াৰ পিছতে ক্ৰীজলৈ আহিছে অধিনায়ক ৰিয়ান।

আই পি এল ইতিহাসৰ সৰ্বকনিষ্ঠ খেলুৱৈ হিচাপে অভিষেক ঘটায়েই এক সোণালী ভৱিষ্যতৰ আশা ৰোপণ কৰিলে বৈভৱ সূৰ্যবংশীয়ে। এটা বৃহৎ ছয়েৰে কেৰিয়াৰ আৰম্ভ কৰা বৈভৱে এক আক্ৰমণাত্মক শৈলী অব্যাহত ৰাখি মাত্ৰ ২০টা বলত দুটা চাৰি আৰু তিনিটা ছয়েৰে ৩৪ ৰান সংগ্ৰহ কৰি বিদায় লয়। মাৰ্ক্ৰামৰ বলত ষ্টাম্পিং আউট হয় বৈভৱ।

আক্ৰমণাত্মক বেটিঙেৰে দলক এক বিস্ফোৰক আৰম্ভণি দিয়াৰ লগতে নিজৰ অৰ্ধশতকো সম্পূৰ্ণ কৰিছে যশস্বী জয়ছোৱালে। মাত্ৰ ৩১টা বলত নিজৰ অৰ্ধশতক পূৰ কৰে জয়ছোৱালে। লক্ষণীয়ভাৱে এয়া তেওঁৰ ক্ৰমাগত তৃতীয়টো অৰ্ধশতক।

দলক এক বিস্ফোৰক আৰম্ভণি প্ৰদান কৰিছে জয়ছোৱাল আৰু অভিষেককাৰী বৈভৱ সূৰ্যবংশীয়ে। দুয়ো মাত্ৰ ৪.৩ অভাৰতে যোগ দিছে ৪৮ ৰান। অৱশ্যে ব্যক্তিগত ১৪ ৰানৰ স্ক’ৰত বৈভৱে লাভ কৰে জীৱনদান।

নিজ আই পি এল কেৰিয়াৰৰ প্ৰথমটো বলতে এটা বৃহৎ ছয়েৰে ৰাজকীয় আগমন ঘোষণা কৰিছে প্ৰতিযোগিতাৰ সৰ্বকনিষ্ঠ খেলুৱৈ বৈভৱ সূৰ্যবংশীয়ে। শ্বাৰ্দুল ঠাকুৰৰ বলত বৈভৱে কোবায় এই বৃহৎ ছয়।

আই পি এল ইতিহাসৰ সৰ্বকনিষ্ঠ খেলুৱৈ হিচাপে আজি অভিষেক ঘটিছে বৈভৱ সূৰ্যবংশীয়ে। ১৪ বৰ্ষীয় কিশোৰ বৈভৱে জয়ছোৱালৰ সৈতে মুকলি কৰিব ৰাজস্থানৰ ইনিংছ। এনে এক বৃহৎ মঞ্চত বৈভৱৰ বেটিং উপভোগৰ বাবে উৎকণ্ঠাৰে অপেক্ষা কৰিছে ক্ৰিকেটপ্ৰেমীয়ে।

সুযোগৰ পিছতো ধাৰাবাহিকতাৰ অভাৱৰ বাবে প্ৰায়ে সমালোচিত হয় আব্দুল ছামাদ। পিছে আজি নিজৰ যোগ্যতাৰ প্ৰমাণ দি মাত্ৰ ১০টা বলতে ৩০ ৰান সংগ্ৰহ কৰি ছামাদে দলকো ১৮০ ৰানৰ এক প্ৰত্যাহ্বানজনক স্ক’ৰত উপনীত কৰায়। সন্দীপ শৰ্মাই কৰা ইনিংছৰ অন্তিম অভাৰত ছামাদে কোবায় ৪টা ছয়।

ইম্পেক্ট চাবৰ ৰূপত ক্ৰীজলৈ আহি আয়ুস বাডনিয়ে খেলিলে এক আকৰ্ষণীয় ইনিংছ। তুষাৰ দেশপাণ্ডেৰ বলত এটা চাৰি কোবাই অৰ্ধশতক সম্পূৰ্ণ কৰাৰ পিছতে অৱশ্যে পৰৱৰ্তী বলত তেওঁ শুভম ডুবেৰ হাতত কেচ তুলি দি বিদায় লয়।

লক্ষ্ণৌৰ ইনিংছৰ শক্তিশালী ভেটি নিৰ্মাণ কৰি বিদায় লৈছে এইডেন মাৰ্ক্ৰামে। প্ৰটিয়াছ তাৰকাগৰাকীয়ে ৪৫টা বলত ৫টা চাৰি আৰু ৩টা ছয়েৰে ৬৬ ৰান সংগ্ৰহ কৰি হাছাৰাংগাৰ বলত আউট হয়।

৩১টা বলত অৰ্ধশতক সম্পূৰ্ণ কৰিছে এইডেন মাৰ্ক্ৰামে। প্ৰাৰম্ভিক বিপৰ্যয়ৰ পিছত দলটোক চম্ভালিছে মাৰ্ক্ৰামে। ১১ অভাৰৰ অন্তত লক্ষ্ণৌৱে সংগ্ৰহ কৰিছে ৯২ ৰান।

লক্ষ্ণৌৰ ইনিংছৰ ১০ অভাৰ সম্পূৰ্ণ হৈছে। এতিয়ালৈ ৩টা উইকেট হেৰুৱাই ৭৬ ৰান সংগ্ৰহ কৰিছে লক্ষ্ণৌ চুপাৰ জায়েণ্টছে। আইডেন মাৰ্ক্ৰামে ৪৭ ৰান আৰু আয়ুষ বাডোনিয়ে ৮ ৰান সংগ্ৰহ কৰি ক্ৰীজত আছে।

বিপৰ্যয়ত লক্ষ্ণৌ ছুপাৰ জায়েন্টছ। ১০টা বলত ৩ ৰান সংগ্ৰহ কৰি পেভিলিয়নলৈ উভতিল অধিনায়ক ঋষভ পণ্ট। সফলতা লাভ কৰিছে বনিন্দু হাছৰংগাই।

লক্ষ্ণৌৰ শিবিৰত বৃহৎ আঘাত হানিছে সন্দীপ শৰ্মাই। চলিত ছিজনত দুৰন্ত ফৰ্মত থকা নিকোলাচ পুৰাণক পেভিলিয়নৰ পথ দেখুৱাইছে সন্দীপে। পুৰাণৰ বেটৰ পৰা আহে ১১ ৰান।

ধৈৰ্যশীল আৰম্ভণিৰ পিছত ইনিংছৰ তৃতীয় অভাৰতে প্ৰথমটো উইকেট হেৰুৱাইছে লক্ষ্ণৌৱে। আৰ্চাৰৰ বলত হেটমায়াৰে আয়ত্ব কৰা এক দৰ্শনীয় কেচৰ ফলত মাত্ৰ ৪ ৰান সংগ্ৰহ কৰিয়েই বিদায় লৈছে মিচেল মাৰ্শ্বে।

ৰাজস্থান ৰয়েলছৰ মূল একাদশত আজি দেখা গৈছে পৰিৱৰ্তন। নিয়মীয়া অধিনায়ক চেমচনৰ অনুপস্থিতিৰ বাবে ৰিয়ান পৰাগ নেতৃত্বাধীন ৰাজস্থানৰ মূল একাদশত থাকিব যশস্বী জয়ছোৱাল, শুভম ডুবে, নীতিশ ৰাণা, ধ্ৰুৱ জুৰেল, চিমৰন হেটমায়াৰ, ৱানিন্দু হাচাৰাঙ্গা, জ’ফ্ৰা আৰ্চাৰ, মহীশ থিকছানা, সন্দীপ শৰ্মা আৰু তুষাৰ দেশপাণ্ডে।

লক্ষ্ণৌ চুপাৰ জায়েণ্টছৰ মূল একাদশত আজি দেখা যাব এইডেন মাৰ্ক্ৰাম, মিচেল মাৰ্শ্ব, নিকোলাছ পুৰাণ, ঋষভ পণ্ট (অধিনায়ক), ডেভিড মিলাৰ, আব্দুল চামাদ, ৰবি বিষ্ণৈ, শ্বাৰ্দুল ঠাকুৰ, প্ৰিন্স যাদৱ, দিগৱেশ সিং ৰাঠী, আভেশ খানক।

আঘাতৰ বাবে পুনৰ এবাৰ দায়িত্বৰ পৰা বাদ পৰিছে সঞ্জু চেমচন। নিয়মীয়া অধিনায়ক চেমচনৰ অনুপস্থিতিত পুনৰ এবাৰ ৰাজস্থান ৰয়েলছৰ অধিনায়ক হিচাপে দেখা যাব ৰিয়ান পৰাগক। ফৰ্মহীন ৰিয়ানৰ সমুখত আজি স্বাভাৱিকতেই অতিৰিক্ত চাপ থাকিব।

ৰাজস্থান ৰয়েলছৰ বিপক্ষে টছত জয়ী হৈ প্ৰথমে বেটিং কৰাৰ সিদ্ধান্ত লৈছে লক্ষ্ণৌ চুপাৰ জায়েণ্টছৰ অধিনায়ক ঋষভ পণ্টে।