মুম্বাই ইণ্ডিয়ানছ ক্ৰয় কৰিলে শচীন তেণ্ডুলকাৰৰ কন্যা ছাৰাই!

পিতৃ শচীনৰ সৈতে ছাৰা

ইণ্ডিয়ান প্ৰিমিয়াৰ লীগত কেইটা দলে খেলে? এইটো এটা সহজ প্ৰশ্ন । ২০২২ বৰ্ষলৈকে ৮ টা দলে খেলিছিল এই টুৰ্ণামেন্টত । সেই বছৰ দুটাকৈ নতুন দল আইপিএলত অন্তৰ্ভুক্ত হয় । গুজৰাট টাইটানছ আৰু লক্ষ্ণৌ ছুপাৰ জায়েন্টছ । সময়ৰ লগে লগে দলৰ সংখ্যা বৃদ্ধি পাব, এই ইংগিত পূৰ্বেই দিছিল ভাৰতীয় ক্ৰিকেট ব’ৰ্ডে । দুই-তিনি বছৰ পাছত আই পি এলত নতুন দল অন্তৰ্ভুক্ত হ’লে স্বত্বাধিকাৰী হ’ব ছাৰা তেণ্ডুলকাৰ ।

শুনি নিশ্চয় আচৰিত হৈছে । একো অসম্ভৱ নহয় কিন্তু । আই পি এলত চেলিব্ৰেটিৰ সন্তানসকল বিভিন্ন ধৰণে জড়িত । কলকাতা নাইট ৰাইডাৰ্ছৰ কথাকেই ক’ব পাৰি । এই টিমৰ অন্যতম মুৰব্বী শ্বাহৰুখ খান । কেকেআৰৰ মেচত প্ৰায়েই তেওঁৰ পুত্ৰ-কন্যাক দেখা যায় । আন এগৰাকী স্বত্বাধিকাৰী জুহি চাওলাৰ কন্যা জাহ্নৱীকো দেখা যায় কেকেআৰৰ মেচত । কেকেআৰৰ বাবে নিলামৰ পৰিকল্পনাও প্ৰস্তুত কৰে তেওঁলোকে । কি ঠিক, আগন্তুক সময়ত কেকেআৰক স্বত্বাধিকাৰীৰ ৰূপত হয়তো তেওঁলোককেই দেখা যাব ।

ইফালে যদি মুম্বাই ইণ্ডিয়ানছৰ কথা কোৱা হয়, মুকেশ আম্বানীৰ ৰিলায়েন্স ইণ্ডাষ্ট্ৰীজৰ দল এইটো । মুম্বাই ইণ্ডিয়ানছৰ পৰিচিত ছবি নীতা আম্বানী আৰু পুত্ৰ আকাশ আম্বানী । নিলামৰ টেবুলত বেছিভাগ সময় আকাশ আম্বানীকেই দেখা যায় । মেচৰ সময়তো উপস্থিত থাকে । দল গঠনৰ পৰা নানা পৰিকল্পনাৰ মাষ্টাৰ মাইণ্ড । আই পি এলৰ মঞ্চত যেনেকৈ জেনেৰেশ্য গোল্ড আৰু ব’ল্ডৰ প্ৰসংগ আছে, লাহে লাহে যেন ফ্ৰেঞ্চাইজীৰ স্বত্বাধিকাৰীৰ ক্ষেত্ৰতো দায়িত্ব সলনি হ’ব । কোনে জানে, জেনেৰেশ্যন ব’ল্ডত নতুন স্বত্বাধিকাৰী হৈ পৰিব পাৰে শচীন তেণ্ডুলকাৰৰ কন্যাও ।

সফলতা একেদিনাই নাহে । ইয়াৰ বাবে আৰম্ভনি ঘটোৱাটো গুৰুত্বপূৰ্ণ । সেই আৰম্ভণি যেন কৰিছে শচীন তনয়া ছাৰা তেণ্ডুলকাৰে । শেহতীয়াকৈ মুম্বাই ফ্ৰেঞ্চাইজী ক্ৰয় কৰিছে । ছ’চিয়েল মিডিয়াতো এই সন্দৰ্ভত অৱগত কৰিছে ছাৰাই । গতিকে, ক্ৰিকেটৰ জগতখনত ভৰি দিলে নেকি ছাৰাই? সেয়া কেনেকৈ সম্ভৱ! ক্ৰিকেটৰ লগত তেওঁৰ পৰিচয় নতুন নহয়, বৰঞ্চ ক্ৰিকেটহে তেওঁৰ পৰিচয় । বিশ্ব ক্ৰিকেটত কেইবাটাও প্ৰজন্মৰ বাবে আদৰ্শ হিচাপে পৰিগণিত হৈছে তেওঁৰ পিতৃ শচীন তেণ্ডুলকাৰ । ইণ্ডিয়ান প্ৰিমিয়াৰ লীগতো খেলিছিল । ৩৮ বছৰ বয়সত আই পি এলতো শতক অৰ্জন কৰিছিল । আন্তঃৰাষ্ট্ৰীয় ক্ৰিকেটত শচীনৰ অৱদান কাৰো অজ্ঞাত নহয় ।

কেৱল দেউতাকেই কিয় নহয় ? তেওঁৰ ভাতৃ অৰ্জুন তেণ্ডুলকাৰেও ক্ৰিকেটক বাছি লৈছে । ঘৰুৱা ক্ৰিকেট আৰু আই পি এল খেলিছে অৰ্জুনে । তাকো আকৌ মুম্বাই ফ্ৰেঞ্চাইজিৰ হৈ । অৰ্থাৎ শচীনে য’ত খেলিছিল তাতেই পুত্ৰও আছে । অৰ্জুনৰ খেল চাবলৈ খেলপথাৰত উপস্থিত আছিল ছাৰাও । হঠাতে ছাৰাক লৈ সকলোৰে চৰ্চা কিয়?

যদি আপুনি তেওঁৰ ছ’চিয়েল মিডিয়া একাউণ্টটো চেক কৰে তেন্তে তেওঁৰ মডেলিং, ভ্ৰমণ, ভিডিঅ’, আৰু বহুতো ফটো দেখা পাব । তেওঁ জীৱনৰ বিভিন্ন তথ্য শ্বেয়াৰ কৰে । ছাৰা তেণ্ডুলকাৰো এগৰাকী যুৱ উদ্যমী হৈ পৰিছে । কেনেকৈ? মোবাইল গেমৰ বিষয়ে অলপ জনা সকলৰ বাবে ৰিয়েল ক্ৰিকেট এটা অতি চিনাকি নাম । আৰু তেওঁলোকে সেই টুৰ্ণামেণ্টখনৰ কথাও জানে, GEPL । গ্ল’বেল ই-ক্ৰিকেট প্ৰিমিয়াৰ লীগ । এই প্ৰতিযোগিতাৰ বাবে ছাৰাই মুম্বাই ফ্ৰেঞ্চাইজি ক্ৰয় কৰিছিল ।

ই-ক্ৰিকেট মনোৰঞ্জনৰ মঞ্চত সফল প্ৰতিযোগিতাসমূহৰ ভিতৰত অন্যতম । ইয়াৰ উত্থান আচৰিত ধৰণৰ । এই গেমটো ৩০ কোটি বাৰ ডাউনলোড কৰা হৈছে! প্ৰতিযোগিতাখনৰ প্ৰথম ছিজনত ২ লাখ খেলুৱৈয়ে পঞ্জীয়ন কৰে । আগন্তুক দ্বিতীয় ছিজনৰ বাবে ৯ লাখৰো অধিক! এতিয়া ছাৰাই এগৰাকী উদ্যোগী হিচাপে ডিজিটেল জগতত ভৰি দিছে । কিন্তু বাস্তৱ জগতত কেতিয়া ? হয়তো তাৰো পৰিকল্পনা আছে! সময় আহিলে নতুন খবৰ পোৱা যাব । দেউতাকৰ নাম যেতিয়া শচীন তেণ্ডুলকাৰ, গতিকে ছাৰাই সহজে হাৰ নামানে বুলি কোৱাটো নিৰাপদ!

প্ৰতিবেদন- দীপাংকৰ ঘোষাল, ছিনিয়ৰ ছাব এডিটৰ, TV9-বাংলা