প্ৰেমৰ বতাহ বলিছে ক্ৰিকেট জগতত, ‘শিখৰ’ চুব খোজা ছোৱালীজনীক চিনি পালেনে?
নতুন সম্পৰ্কত সোমাইছে শিখৰ ধাৱান । সোমাইছে বুলিলে ভুল হ'ব, ক'ব পাৰি প্ৰেমত হাবুডুবু খাইছে । ইতিমধ্যে ক্ৰিকেটৰ পৰা তেওঁ অৱসৰ লৈছে । কমেন্টেৰী বক্সত নিয়মিতভাৱে দেখা যায় তেওঁক । তথাপিও চৰ্চাত আছে তেওঁ । এগৰাকী বিদেশী যুৱতীৰ প্ৰেমত মতলীয়া হৈছে শিখৰ । এটা অনুষ্ঠানত নিজেই প্ৰকাশ কৰিলে প্ৰেমৰ এই গল্প ।

ছোফিৰ সৈতে শিখৰ ধাৱন
সোণালী চুলিৰ সেই সুন্দৰী কোন? গ্লেমাৰৰ আকৰ্ষণত বিভোৰ ক্ৰিকেট মহল । কেমেৰাও যেন ক্লান্তহীন । বাৰে বাৰে কেমেৰা ঘূৰিছে সেই বিদেশিনীৰ ফালে । গেলেৰীৰ দৃষ্টিও খেলপথাৰৰ পৰিৱৰ্তে তেওঁৰ ফালে । সেই বিদেশিনীৰ কাষত বহি থকা যুৱকজনক লৈ আৰম্ভ হৈছে চৰ্চা । আকৌ প্ৰেমত পৰিছে নেকি তেওঁ? কেইদিনমান আগতে এগৰাকী ভাৰতীয় ক্ৰিকেটাৰৰ সৈতে এগৰাকী বিদেশী যুৱতীৰ সম্পৰ্কক লৈ চলিছিল চৰ্চা । বিয়াও হৈছিল দুয়োৰে । কিন্তু হাৰ্দিক-নাতাশাৰ সম্পৰ্ক চিৰস্থায়ী নহ’ল । সেই বিচ্ছেদৰ চৰ্চা মাৰ নৌযাওঁতেই পুনৰ আন এগৰাকী ভাৰতীয় ক্ৰিকেটাৰৰ সৈতে আৰম্ভ হৈছে আন এগৰাকী বিদেশিনীৰ প্ৰেম কাহিনী ।
নতুন সম্পৰ্কত সোমাইছে শিখৰ ধাৱান । সোমাইছে বুলিলে ভুল হ’ব, ক’ব পাৰি প্ৰেমত হাবুডুবু খাইছে । ইতিমধ্যে ক্ৰিকেটৰ পৰা তেওঁ অৱসৰ লৈছে । কমেন্টেৰী বক্সত নিয়মিতভাৱে দেখা যায় তেওঁক । তথাপিও চৰ্চাত আছে তেওঁ । এগৰাকী বিদেশী যুৱতীৰ প্ৰেমত মতলীয়া হৈছে শিখৰ । এটা অনুষ্ঠানত নিজেই প্ৰকাশ কৰিলে প্ৰেমৰ এই গল্প । ২০২৩ চনত আয়েশা মুখাৰ্জীৰ সৈতে বিবাহ বিচ্ছেদ হৈছিল ধাৱনৰ । প্ৰাক্তন অপেনাৰে এতিয়া আৰম্ভ কৰিছে নতুন ইনিংছ । কিন্তু সেই বিদেশিনী কোন? ক’ত দেখা হৈছিল দুয়োৰে?
এই কাহিনী আৰম্ভ হৈছিল চেম্পিয়নছ ট্ৰফীত ভাৰত বনাম বাংলাদেশ মেচৰ সময়ত । দৰ্শকৰ আসনত শিখৰৰ সৈতে দেখা গৈছিল সেই যুৱতীগৰাকীক । সোণালী চুলিৰ সেই সুন্দৰী কোন, আৰম্ভ হৈছিল চৰ্চা । সেই ভিডিঅ’ ভাইৰেল হৈ পৰে সামাজিক মাধ্যমত । পাছত জানিব পৰা যায় যে সোণালী চুলিৰ সেই সুন্দৰীৰ নাম ছোফি শাইন । আয়াৰলেণ্ডৰ বাসিন্দা । জল্পনা-কল্পনাৰ অন্ত পেলাই ধাৱনে নিজেই প্ৰকাশ কৰিছিল সকলো কথা । চেম্পিয়নছ ট্ৰফীৰ সেই মেচখনৰ ভাইৰেল ভিডিঅ’ সম্পৰ্কে এক অনুষ্ঠানত তেওঁক সোধা হৈছিল, নতুন প্ৰেয়সীৰ নাম কি?
ধাৱনে প্ৰথমে কিছু দ্বিধাবোধ কৰিছিল । পাছত হাঁহি হাঁহি ক’লে, “মই কোনো নাম নকওঁ । কিন্তু এই কক্ষত থকা আটাইতকৈ সুন্দৰী যুৱতীগৰাকীয়েই মোৰ প্ৰেয়সী ।” ঠিক তেতিয়াই অনুষ্ঠানত থকা কেমেৰামেনে সেই ৰহস্যময়ীৰ ফালে কেমেৰা ঘূৰায় । যাক চেম্পিয়নছ ট্ৰফীৰ সময়ত দেখা গৈছিল ধাৱনৰ সৈতে । প্ৰাক্তন পত্নী আয়েশাৰ সৈতে বিচ্ছেদ হ’লেও তেওঁলোকৰ এটি পুত্ৰ সন্তান আছে । আদালতে পুত্ৰৰ দায়িত্ব শিখৰৰ পৰিৱৰ্তে আয়েশাক দিয়ে । নিজৰ ১১ বছৰীয়া সন্তানক প্ৰতিনিয়ত মনত পেলায় শিখৰ ধাৱনে । এটা সাক্ষাৎকাৰত তেওঁ কৈছিল যে পুত্ৰক দুবছৰ ধৰি দেখা নাই । কথাও পাতিবলৈ পোৱা নাই ।
সেই যন্ত্ৰণাৰ মাজতে নতুন বাটত খোজ দিছে শিখৰ ধাৱনে । আইৰিছ সুন্দৰীৰ প্ৰেমত বিভোৰ তেওঁ । বহুবাৰ লগ কৰিছে ছোফিক । প্ৰশ্ন হ’ল, এই প্ৰেমৰ শুভ পৰিণতি কেতিয়া? ইতিমধ্যেই শিখৰ-ছোফিৰ বিয়া খাবলৈ আশাৰে বাট চাইছে তেওঁৰ বন্ধু আৰু আত্মীয়ই ।
প্ৰতিবেদন- অভিষেক সেনগুপ্ত, স্প’ৰ্টছ এডিটৰ, TV9- বাংলা