চিয়াৰলীডাৰৰ পৰা মৰমৰ পত্নী, ছামিৰ সংসাৰ নিটিকিল, দীঘলীয়া ইনিংছত খোপনি কুইন্টন ডি’ককৰ

“তোমাক দেখা পালে সপোন জাগি উঠে বুকুখন হয় তাজমহল…।” ‘মনযায়’ৰ এই গীতটি শুনিলেই প্ৰেম জাগি উঠে বুকুত । তেনেকুৱাতে যদি সমুখত দেখা যায় কোনো অনিন্দ্য সুন্দৰীক তেতিয়াতো আৰু কথাই নাই । বহুতৰে মনত বসন্ত বা বলে এনে মুহূৰ্তত । সেই সুন্দৰীয়ে যদি মিঠা হাঁহি মাৰি লয়লাস ভংগীমাৰে কঁকাল ঘূৰাই তেতিয়াতো সেই সুন্দৰীৰ প্ৰেমত হাবুডুবু খোৱাতো স্বাভাৱিক ।

এই আলোচনা কাক লৈ পিছে, আচল কথাতো জানো আহক । আচলতে আমি ক’ব খুজিছো আইপিএলৰ চিয়াৰ লীডাৰসকলৰ কথা । সেইসকল সুন্দৰী যিয়ে আই পি এলৰ মেচত নিজৰ নৃত্য-ভংগীমাৰে মোহিত কৰে সকলোকে । কেৱল দৰ্শকৰেই নে? ক্ৰিকেটাৰৰো মন আকৰ্ষণ কৰে এই সুন্দৰীসকলে । কোনোগৰাকী ক্ৰিকেটাৰৰ পত্নীও হৈছে ।

চিয়াৰলীডাৰ

আই পি এলৰ মেচত ষ্টেডিয়ামত মেচৰ মাজত বাজি উঠে নানা গান । ডিজেৰ লহৰে আনন্দ বঢ়াই দৰ্শকৰ । সেই ছন্দত মাজে মাজে নৃত্য কৰে চিয়াৰলিডাৰসকলে । ইয়াৰো পৰি বেটছমেনে চাৰি-ছয় কোবালে, বলাৰে উইকেট দখল কৰিলে হাতত পমপম লৈ ষ্টেজত নৃত্য কৰে তেওঁলোকে । তেওঁলোকৰ দেহৰ লয়লাস ভংগীমাই দৰ্শকৰ দৃষ্টি হৰণ কৰে । তেনে এগৰাকী সুন্দৰীয়ে হৃদয় চুৰি কৰিছিল ভাৰতীয় তাৰকা পেচাৰ মহম্মদ ছামিৰ । কেৱল ছামিয়েই নহয়, এই তালিকাত আছে দঃ আফ্ৰিকাৰ উইকেট কীপাৰ বেটছমেন কুইন্টন ডি’ককো ।

প্ৰথমে আহো ছামিৰ কথালৈ । মডেল হিচাপে কেৰিয়াৰ আৰম্ভ কৰিছিল হাছিন জাহানে । তেওঁ পৰৱৰ্তী সময়ত হৈ পৰে কেকেআৰৰ চিয়াৰলিডাৰ । ২০১২ চনত আইপিএলৰ এটা পাৰ্টীত ছামিৰ সৈতে চিনাকী হয় হাছিনৰ । প্ৰথম চাৱনিতেই যেন ছামিক কাবু কৰিছিল হাছিনে । নিজতকৈ প্ৰায় ১০ বছৰ ডাঙৰ হাছিনৰ সৈতে দুবছৰ ডেটিঙৰ পাছত ২০১৪ চনত বিবাহপাশত আবদ্ধ হয় ছামি ।

সপত্নীক মহম্মদ ছামি (ফাইল ফটো)

২০১৫ চনত তেওঁলোকৰ জীৱনলৈ আহে এটি কন্যা সন্তান । কিন্তু দুয়োৰে সংসাৰ বেছিদিন সুখৰ নহ’ল । ২০১৮ চনত ছামিৰ বিৰুদ্ধে অভিযোগৰ উপৰি অভিযোগ তুলিলে হাছিনে । গাৰ্হস্থ্য হিংসা, বিবাহ বৰ্হিভূত সম্পৰ্ক আৰু মেচ ফিক্সিঙৰ দৰে অভিযোগ তুলিলে ছামিৰ পত্নীয়ে । পৰৱৰ্তী সময়ত দুয়োৰে বিবাহ বিচ্ছেদ হয় ।

চিয়াৰলিডাৰক পত্নী হিচাপে গ্ৰহণ কৰি ছামিৰ জীৱন সুখকৰ নহ’ল । কিন্তু দক্ষিণ আফ্ৰিকাৰ কুইন্টন ডি’ককে যেন চিৰস্থায়ী সংসাৰ কৰিছে । কুইন্টনৰ পত্নীৰ নাম ছাশা ডি’কক । ২০১২ চনত প্ৰথম দেখা দুয়োৰে । সেই সময়ত ছাশা আছিল চিয়াৰলিডাৰ । ২০১২ চনৰ চেম্পিয়নছ লীগত হাইভেল্ড লায়ন্সৰ বিৰুদ্ধে মুম্বাই ইণ্ডিয়ানৰ মেচত ছাশা আৰু ডি’ককৰ দেখা-দেখি হয় ।

সপত্নীক কুইন্টন ডি’কক

খেলপথাৰত সাক্ষাতৰ পাছত তাতেই দুয়ো থমকি নৰ’ল । ছ’চিয়েল মিডিয়াত ইজনে সিজনক বিচাৰি উলিয়ায় । তাৰ পিছত তেওঁলোকৰ কথা-বতৰা বাঢ়িবলৈ ধৰিলে । সেয়াই আৰম্ভণি । তিনি বছৰ দুয়ো দুয়োকে লগ কৰাৰ পাছত ২০১৫ চনত এংগেজমেন্ট আৰু পিছৰ বছৰ অর্থাৎ ২০১৬ কুইন্টন-ছাশাৰ বিয়া । ২০২২ চনৰ জানুৱাৰী মাহত তেওঁলোকৰ জীৱনলৈ আহে এটি কন্যা সন্তান, যাৰ নাম ৰাখে তেওঁলোকে কিয়াৰা । এতিয়া সন্তানৰ সৈতে দুয়োৰে সুখৰ সংসাৰ । দুয়োকে দেখি আনন্দিত অনুৰাগীও ।

প্ৰতিবেদন- সংঘমিত্ৰা চক্ৰবৰ্তী, ছিনিয়ৰ ছাব এডিটৰ, TV9-বাংলা