তেওঁ মোক বিশ্বাস নকৰে! হাৰ্দিক বিবাহ বিচ্ছেদৰ লগে লগে এই VIDEO ভাইৰেল হৈ পৰিছে

তাই মোক বিশ্বাস নকৰে!

টিম ইণ্ডিয়াৰ অলৰাউণ্ডাৰ হাৰ্দিক পাণ্ডিয়া আৰু অভিনেত্ৰী নাতাশা ষ্টানকভিচৰ বিবাহ বিচ্ছেদৰ খবৰ বিয়পি পৰিছে। এতিয়াও অনুৰাগীয়ে বিশ্বাস কৰিব পৰা নাই এই খবৰ। অৱশ্যে হাৰ্দিক আৰু নাতাশাৰ ঘোষণাৰ পিছতে বহু প্ৰশ্নই চৰ্চালৈ আহিছে। প্ৰথম প্ৰশ্নটো হ’ল পুত্ৰ অগস্ত্যৰ কি হ’ব? দ্বিতীয় প্ৰশ্নটো হ’ল তেওঁলোকৰ বিচ্ছেদৰ পিছত পাণ্ডিয়াই নতাশাক কিমান টকা দিব লাগিব। বিবাহৰ বাবে কোটি টকা খৰচ কৰিছিল, ইয়াৰ পিছতো তেওঁলোকৰ বিবাহ মাত্ৰ ৪ বছৰলৈকেহে চলিল। এই সকলোবোৰ প্ৰশ্নৰ মাজতে ছচিয়েল মিডিয়াত বনজুইৰ দৰে বিয়পি পৰিছে পাণ্ডিয়াৰ এটা পুৰণি ভিডিঅ’।

পাণ্ডিয়াৰ ভাইৰেল ভিডিঅ’টোত কি আছে?

৪ বছৰৰ অন্তত নাতাশা ষ্টানকভিচৰ পৰা বিচ্ছিন্ন হোৱাৰ সিদ্ধান্ত লৈছে হাৰ্দিক পাণ্ডিয়াই। মাত্ৰ কেইদিনমানৰ আগতে নাতাশাকো পুত্ৰ আগস্ত্যৰ সৈতে মুম্বাই বিমানবন্দৰত দেখা গৈছিল। সংবাদ মাধ্যমৰ খবৰ অনুসৰি তেওঁ দেশ এৰি নিজৰ ঘৰলৈ উভতি গৈছে। অৱশ্যে এতিয়া বিবাহ বিচ্ছেদৰ পিছত পাণ্ডিয়াই হয়তো নিজৰ সম্পত্তিৰ কিছু অংশ পত্নীক দিব লাগিব। ইয়াৰ সৈতে জড়িত তেওঁৰ এটা পুৰণি ভিডিঅ’ ছ’চিয়েল মিডিয়াত ভাইৰেল হৈছে, য’ত তেওঁ নিজৰ সম্পত্তি, মাতৃ আৰু পৰিয়ালৰ কথা কৈছে। ইয়াত পাণ্ডিয়াই প্ৰকাশ কৰে যে তেওঁৰ মাকে তেওঁক বিশ্বাস নকৰে।

পাণ্ডিয়াই আৰু কয় যে, তেওঁ গাড়ীৰ পৰা ঘৰলৈকে সকলো বস্তু মাকৰ নামত কিনি লয়, যাতে ভৱিষ্যতে তেওঁ ৫০ শতাংশ অংশ কাকো দিব নালাগে। পাণ্ডিয়াই ইয়াত বিবাহ বিচ্ছেদৰ দিশে আঙুলিয়াই দিছিল। বিয়াৰ বহু আগতেই তেওঁ গৌৰৱ কাপুৰৰ ব্ৰেকফাষ্ট উইথ চেম্পিয়ন নামৰ অনুষ্ঠানটোত এইবোৰ কথা কৈছিল। অৱশ্যে পাণ্ডিয়াই পত্নীক কিমান টকা দিব সেয়া আদালতে সিদ্ধান্ত ল’ব। আনহাতে পুত্ৰ অগস্ত্য মাতৃ নতাশাৰ লগত গৈছে।

এনেকৈয়ে আৰম্ভ হৈছিল প্ৰেম

বিভিন্ন সংবাদ মাধ্যমৰ বাতৰি অনুসৰি, ২০১৮ চনত মুম্বাইৰ এটা নাইট ক্লাবত এজন সাধাৰণ বন্ধুৰ জৰিয়তে হাৰ্দিক আৰু নাতাশা লগ হৈছিল। হাৰ্দিকে প্ৰথম দেখাতেই নাতাশাৰ প্ৰেমত পৰিছিল। পিছত দুয়োজনে ইজনে সিজনৰ লগত ডেটিং কৰিবলৈ ধৰিলে। দুবছৰীয়া ডেটিংৰ অন্তত ২০২০ চনত দুয়োৰে বিবাহৰ পবিত্ৰ বান্ধোনত আবদ্ধ হয়। ২০২০ চনত আদালতৰ বিবাহৰ পিছত হাৰ্দিকে পুনৰ ২০২৩ চনত ভেলেণ্টাইন ডে’ত, ১৪ ফেব্ৰুৱাৰীত অতি আড়ম্বৰপূৰ্ণভাবে বিবাহ অনুষ্ঠিত কৰে।