মোৰ সন্তানৰ মাতৃ হ’ব নেকি… পুনৰ পিতৃ হ’বলৈ মন মেলিছে নেকি ইলন মাস্কে?

ইলন মাস্কে প্ৰতিদিনে এটা নতুন কাহিনী লৈ বাতৰিৰ শিৰোনাম দখল কৰি থাকে। তেওঁ প্ৰায়ে এনেকুৱা কিবা এটা কৰে যিয়ে ছ’চিয়েল মিডিয়াৰ দৃষ্টি তেওঁৰ প্ৰতি আকৰ্ষণ কৰে। শেহতীয়াকৈ তেওঁ পুনৰ পিতৃ হোৱাৰ ইচ্ছা প্ৰকাশ কৰিছে। আশ্চৰ্যজনক কথাটো হ’ল তেওঁৰ এই ইচ্ছা নিজৰ পত্নীৰ আগত নহয়, অচিনাকি নাৰীৰ আগত প্ৰকাশ কৰিছে। তেওঁ পোনপটীয়াকৈ সুধিলে, তুমি মোৰ সন্তানৰ মাতৃ হ’বা নেকি? সেই মহিলাগৰাকী আন কোনো নহয় ক্ৰিপ্টো ইনফ্লুৱেঞ্চাৰ আৰু ইউটিউবাৰ টিফনী ফোং।

অৱশ্যে ফঙে মাস্কৰ এই প্ৰস্তাৱ গ্ৰহণ কৰিবলৈ অস্বীকাৰ কৰিছে। মাস্কৰ কাহিনী ইয়াতেই শেষ নহয়। চলিত বৰ্ষৰ ফেব্ৰুৱাৰী মাহত আন এগৰাকী মহিলাই দাবী কৰিছিল যে তেওঁ মাস্কৰ সন্তান জন্ম দিছে।

গোটেই ঘটনাটো কি?

ৱাল ষ্ট্ৰীট জাৰ্নেলৰ প্ৰতিবেদন অনুসৰি, মাস্কে ক্ৰিপ্টো ইনফ্লুৱেঞ্চাৰ গৰাকীক পোনপটীয়াকৈ সুধিছিল যে, তেওঁৰ সন্তান জন্ম দিব নেকি? ইফালে আচৰিত কথাটো হ’ল মাস্ক আৰু এই ইনফ্লুৱেঞ্চাৰ গৰাকীয়ে ইজনে সিজনক চিনি নাপায়। দুয়োজনে কেতিয়াও ব্যক্তিগতভাৱে লগ পোৱা নাছিল।

ফোং ক্ৰিপ্টো সম্প্ৰদায়ৰ এক সুপৰিচিত মুখ। এক্স প্লেটফৰ্মত ফঙৰ ৩ লাখ ৩৫ হাজাৰতকৈ অধিক অনুৰাগী আছে। ইউটিউবত ৪৮ হাজাৰৰো অধিক চাবস্ক্ৰাইবাৰ আছে। যাৰ বাবে তেওঁ ছ’চিয়েল মিডিয়াত অতি জনপ্ৰিয়। ফঙে এফটিএক্সৰ প্ৰতিষ্ঠাপক ছেম বেংকমেন-ফ্ৰাইডৰ সৈতেও বিশেষ সাক্ষাৎকাৰ লৈছে।

মাস্কে ফঙলৈ এটা বাৰ্তা প্ৰেৰণ কৰিলে

WSJ ৰ প্ৰতিবেদন অনুসৰি ২০২৪ চনত মাস্কে ফঙৰ সৈতে এক্সত কথা পাতিবলৈ আৰম্ভ কৰিছিল। এবাৰ কথা-বতৰা আৰম্ভ হোৱাৰ পিছত ফঙে এক্সত ভাল এংগেজমেণ্ট লাভ কৰিবলৈ আৰম্ভ কৰিছিল। যাৰ বাবে ফং অতি সুখী হৈছিল। কিন্তু তাৰ পিছত পৃথিৱীৰ আটাইতকৈ ধনী মানুহ মাস্কে তেওঁক এনে এটা প্ৰশ্ন কৰিলে যে তেওঁ আচৰিত হ’ল।

মাস্কৰ প্ৰস্তাৱত ফঙে ভয় খায়

জাৰ্নেলৰ মতে, ফঙৰ পৰা “নহয়” শুনি মাস্কে এক্সত ফংক আনফ’ল’ কৰিছিল। ইয়াৰ পিছত ফঙে ভয় কৰিছিল যে টুইটাৰত তেওঁৰ এংগেছমেন্ট কমি যাব নেকি।

শিশুৰ প্ৰতি ইলন মাস্কৰ এক অনন্য আকৰ্ষণ। চাৰিগৰাকী ভিন্ন মহিলাৰ পৰা তেওঁৰ ১৪টা সন্তান আছে। তেওঁ এই ক্ৰমটো এনেকৈয়ে চলায় ৰাখিব বিচাৰে।