ভুলতেও এই ৬টা শব্দ Google ত অনুসন্ধান নকৰিব, হেকাৰৰ টাৰ্গেট হ’ব পাৰে আপুনি!
Online Fraud Safety Tips: চাইবাৰ নিৰাপত্তা সংস্থা SOPHOS এ এটা আচৰিত তথ্য প্ৰকাশ কৰিছে। এই ফাৰ্মখনে এনে ৬টা শব্দৰ কথা কৈছে যিকেইটা ইণ্টাৰনেট ব্যৱহাৰকাৰীয়ে ভুলতেও গুগলত সন্ধান কৰা উচিত নহয়। যদি আপুনি এই কাম কৰে তেন্তে আপুনি হেকাৰৰ টাৰ্গেট হ'ব পাৰে।
হেকাৰে মানুহক প্ৰতাৰণা কৰিবলৈ নতুন নতুন কৌশল উদ্ভাৱন কৰিছে। শেহতীয়া এক প্ৰতিবেদনে এক চাঞ্চল্যকৰ তথ্য প্ৰকাশ কৰিছে। যদি আপুনি গুগল চাৰ্চত যিকোনো বস্তু লিখি সন্ধান কৰে, তেন্তে আপুনি সাৱধান হোৱাটো প্ৰয়োজন। গুগলত কিছুমান বস্তু চাৰ্চ কৰিলেই আপোনাৰ বহু টকা লোকচান হ’ব পাৰে।
নিউয়ৰ্ক পোষ্টৰ মতে, চাইবাৰ নিৰাপত্তা সংস্থা Sophos এ ইণ্টাৰনেট ব্যৱহাৰকাৰীসকলক সকীয়াই দিছে যে ভুলতেও Are Bengal Cats legal in Australia? লিখি বিচাৰি নুফুৰিব।
হেকাৰে এনে কিছুমান প্ৰৱঞ্চনামূলক লিংক তৈয়াৰ কৰিছে, যদি আপুনি সেইবোৰত ক্লিক কৰে তেন্তে আপোনাৰ ব্যক্তিগত তথ্য হেকাৰৰ হাতলৈ যাব পাৰে। এই কামৰ বাবে হেকাৰে SEO Poisoning কৌশল ব্যৱহাৰ কৰিছে। গুগলত দেখা দিয়া এই বিপজ্জনক লিংকবোৰত ক্লিক কৰাৰ লগে লগে আপোনাৰ সুৰক্ষা আৰু গোপনীয়তা দুয়োটা বিপদত পৰিব।
SEO Poisoning কি?
SEO Poisoning হৈছে এনে এক কৌশল য’ত হেকাৰে চাৰ্চ ইঞ্জিন অপ্টিমাইজেচনত খেলিমেলি কৰে, যাতে গুগলৰ চাৰ্চ ৰিজাল্টৰ ওপৰত এনে বিপজ্জনক লিংক দেখা দিয়ে। এই লিংকসমূহত ক্লিক কৰি চাইটটো চালেই আপোনাৰ ব্যক্তিগত তথ্য, বেংকৰ তথ্য আৰু লগ-ইন আইডি আৰু পাছৱৰ্ডৰ দৰে গুৰুত্বপূৰ্ণ তথ্য চুৰি হৈ যায়।
প্ৰতিবেদনত কোৱা হৈছে যে, এই লিংকসমূহত ক্লিক কৰিলে Gootloader নামৰ প্ৰগ্ৰেম এটা চিষ্টেমত ডাউনলোড হোৱাৰ আশংকা বৃদ্ধি পায়। এই মেলৱেৰে আপোনাৰ চিষ্টেমৰ নিয়ন্ত্ৰণ হেকাৰৰ হাতত দিব পাৰে, যাৰ বাবে হেকাৰে আপোনাৰ ব্যক্তিগত তথ্য চুৰি কৰি আপোনাৰ বেংক একাউণ্ট খালী কৰিব পাৰে। Sophosৰ মতে, এই লিংকসমূহ অষ্ট্ৰেলিয়াত বাস কৰা ব্যৱহাৰকাৰীসকলৰ বাবে বিশেষভাৱে বিপজ্জনক, কাৰণ এই ছটা শব্দত অন্তৰ্ভুক্ত অষ্ট্ৰেলিয়াক কোনোবাই সন্ধান কৰিলেহে এই হেক দেখা দিয়ে।
Hackersৰ পৰা হাত সাৰিবলৈ কি কৰিব?
মজবুট পাছৱৰ্ডঃ সকলো একাউণ্টৰ বাবে বিভিন্ন আৰু শক্তিশালী পাছৱৰ্ড ব্যৱহাৰ কৰক। পাছৱৰ্ডত আখৰ (বৃহৎ আৰু সৰু দুয়োটা), সংখ্যা, আৰু বিশেষ চিহ্ন অন্তৰ্ভুক্ত হ’ব লাগে। ইয়াৰ বাহিৰেও নিয়মিতভাৱে পাছৱৰ্ড সলনি কৰি থাকিব।
Two factor authentication: আপুনি যিটো এপত এই বৈশিষ্ট্য পায়, সেই এপটোত এই বৈশিষ্ট্য ব্যৱহাৰ কৰাটো নিশ্চিত কৰক।
অজ্ঞাত লিংক আৰু ৰাজহুৱা ৱাই-ফাই: সন্দেহজনক ইমেইল, লিংক বা বাৰ্তাত ক্লিক নকৰিব। ইয়াৰ বাহিৰেও ৰাজহুৱা ৱাই-ফাই নেটৱৰ্কত বেংকিং তথ্য বা পাছৱৰ্ড শ্বেয়াৰ নকৰিব।
এন্টিভাইৰাছ চফ্টৱেৰ ব্যৱহাৰ কৰক: আপোনাৰ চিস্টেম সুৰক্ষিত কৰিবলে আৰু ইয়াক নিয়মিতভাৱে আপডেইট কৰিবলে এন্টিভাইৰাছ চফ্টৱেৰ সংস্থাপন কৰক।
News9 Global Summit: ভাৰত আৰু জাৰ্মানীৰ মাজত কেনেদৰে বৃদ্ধি হ’ব বিনিয়োগ? বিশেষজ্ঞই ক’লে মনৰ কথা..
আজি অসমীয়া চলচ্চিত্ৰ জগতৰ মহান নায়ক বিজু ফুকনৰ মৃত্যুবাৰ্ষিকী, বিজু ফুকনৰ প্ৰকৃত নাম কি আছিল জানেনে?
মুখৰ উজ্জ্বলতা বৃদ্ধি কৰিব বিচাৰিছে নেকি? এইদৰে লগাওক জবা ফুল…
