iPhone prices : এপলে ৬ হাজাৰ টকা পৰ্যন্ত হ্ৰাস কৰিলে আইফোনৰ মূল্য, সবিশেষ পঢ়ক…
iPhone prices : এইবাৰৰ বাজেটত চৰকাৰে বৈদ্যুতিক গেজেটৰ আমদানি শুল্ক ২০ শতাংশৰ পৰা ১৫ শতাংশলৈ হ্ৰাস কৰিছে । ইয়াৰ লগে লগে আইফোনৰ শেহতীয়া মডেলৰ দাম ৪ শতাংশ হ্ৰাস পাইছে। প্ৰথমবাৰৰ বাবে এপলে তেওঁলোকৰ আইফোনৰ সকলো প্ৰ’ মডেলৰ দাম ৩-৪% হ্ৰাস কৰিছে।
আইফোনত ৰেহাই
যোৱা ২৩ জুলাই তাৰিখে কেন্দ্ৰীয় মোদী চৰকাৰ তৃতীয়টো কাৰ্যকালৰ প্ৰথমখন বাজেট দাখিল কৰা হয় । এইবাৰৰ বাজেটত চৰকাৰে বৈদ্যুতিক গেজেটৰ আমদানি শুল্ক ২০ শতাংশৰ পৰা ১৫ শতাংশলৈ হ্ৰাস কৰিছে । ইয়াৰ লগে লগে আইফোনৰ শেহতীয়া মডেলৰ দাম ৪ শতাংশ হ্ৰাস পাইছে। প্ৰথমবাৰৰ বাবে এপলে তেওঁলোকৰ আইফোনৰ সকলো প্ৰ’ মডেলৰ দাম ৩-৪% হ্ৰাস কৰিছে।
কোম্পানীটোৱে বাজেটত আমদানি শুল্ক ২০%ৰ পৰা ১৫%লৈ হ্ৰাস কৰাৰ সুবিধা গ্ৰাহকক প্ৰদান কৰিছে । এই কৰ্তন ৩০০ টকাৰ পৰা আৰম্ভ হ’ব । প্ৰ’ বা প্ৰ’ মেক্স মডেল ক্ৰয় কৰিলে ৫১০০ টকাৰ পৰা ৬০০০ টকালৈকে ৰেহাই লাভ কৰিব গ্ৰাহকে । মেড-ইন-ইণ্ডিয়া আইফোন ১৩, ১৪ আৰু ১৫ ৰ মূল্যও ৩ হাজাৰ টকা হ্ৰাস কৰাৰ বিপৰীতে আইফোন এছ ই ২৩০০ টকা সস্তা হৈছে।
সাধাৰণতে এপলে বজাৰত নতুন প্ৰ’ মডেল মুকলি কৰাৰ পাছত পুৰণি মডেলটো বন্ধ কৰি দিয়ে । ডিলাৰ আৰু ৰিচেলাৰসকলে কেৱল পুৰণি প্ৰ’ মডেলতহে ৰেহাই দিয়ে।
ইফালে, ভাৰতত আইফোনৰ বিক্ৰী বৃদ্ধি পোৱাৰ বিপৰীতে চীনত হ্ৰাস পাইছে। ২০২৩-২৪ চনত ভাৰতত এপলৰ বিক্ৰী ৩৩% বৃদ্ধি পাই ৬৭ হাজাৰ কোটি টকা হৈছিল। চলিত বৰ্ষৰ এপ্ৰিল-জুন মাহত কোম্পানীটোৱে অভিলেখ সংখ্যক ৩২ হাজাৰ কোটি টকা ৰপ্তানি কৰিছিল।
চীনত জনপ্ৰিয়তা বজাই ৰাখিবলৈ সংগ্ৰাম কৰি আহিছে এপলৰ আইফোনে । খুচুৰা বিক্ৰেতাসকলে বৃহৎ ৰেহাই দিয়াৰ পাছতো চীনত আইফোনৰ বিক্ৰী হ্ৰাস পাইছে। এতিয়া চীনৰ শীৰ্ষ ৫ স্মাৰ্টফোনৰ তালিকাৰ পৰা বাহিৰ হৈছে আইফোন।