iQOO 13 : নতুনকৈ মুকলি হোৱা ‘iQOO 13’ ৰ বিশেষত্ব কি ? ভাৰতীয় বজাৰত ইয়াৰ মূল্য কিমান…?

বহু অপেক্ষাৰ অন্তত iQOO য়ে মুকলি কৰিছে নতুন স্মাৰ্টফোন ‘iQOO 13’। এই স্মাৰ্টফোনটোত আছে বিশেষ স্পেচিফিকেশন আৰু ফিচাৰ। ইয়াত কোৱালকমৰ আজিলৈকে আটাইতকৈ শক্তিশালী চিপছেট স্নেপড্ৰেগন ৮ এলিটৰ চাপ’ৰ্ট প্ৰদান কৰা হৈছে । ইয়াৰ উপৰিও 6000mAh বেটাৰী আৰু 120W ফাষ্ট চাৰ্জিঙৰ দৰে ফিচাৰ উপলব্ধ হ’ব।

ইকুৰ ফ্লেগশ্বিপ স্মাৰ্টফোন ‘iQOO 13’ মুকলি কৰা হৈছে 50MP মেইন কেমেৰাৰ সৈতে। কোম্পানীটোৱে দাবী কৰিছে যে, এইটো বিশ্বৰ প্ৰথমটো ফোন, য’ত Q10 144Hz Ultra iCare ডিছপ্লে আছে। এই স্মাৰ্টফোনত আপুনি দুটা ষ্ট’ৰেজ ভেৰিয়েন্ট পাব।

iQOO 13 ৰ ফিচাৰ

iQOO 13 ত আছে 6.82 ইঞ্চি LTPO AMOLED Q10 ডিছপ্লে। উন্নত স্ক্ৰলিং অভিজ্ঞতাৰ বাবে ইয়াক 144 Hz ৰিফ্ৰেছ ৰেট দিয়া হৈছে। ইয়াৰ সৰ্বোচ্চ উজ্জ্বলতা 4,500 নিট। ফোনটোৰ কেমেৰা মডিউলৰ চাৰিওফালে হেল’ লাইটিংও আছে যিয়ে কল আৰু মেছেজৰ জাননী দিয়ে। ইয়াক কাষ্টমাইজ কৰিবও পাৰি।

iQOO 13 ৰ স্পেচিফিকেশন

iQOO 13 ত Snapdragon 8 Elite প্ৰচেছৰ দিয়া হৈছে । ইয়াত 16 GB পৰ্যন্ত ৰেম আৰু 512 GB পৰ্যন্ত ইণ্টাৰনেল ষ্ট’ৰেজ লাভ কৰিব । এই ফোনত ভাৰ্চুৱেল ৰেমও উপলব্ধ হ’ব। ইয়াত এক্সপাণ্ডেবল ষ্ট’ৰেজ বা মাইক্ৰ’এছডি কাৰ্ডৰ বিকল্প নাই। এই ফোনটো FuntouchOS 15 ৰ ওপৰত ভিত্তি কৰি Android 15 ত চলিব। ইয়াৰ উপৰিও ৪ বছৰৰ অপাৰেটিং ছিষ্টেম আৰু ৫ বছৰৰ ছিকিউৰিটি আপডেট লাভ কৰিব।

iQOO 13 ত 50 MP মেইন Sony IMX921 কেমেৰা, 50 MP চেমচাং আল্ট্ৰাৱাইড কেমেৰা আৰু 50 MP Sony IMX816 টেলিফটো কেমেৰা আছে। চেলফিৰ বাবে ইয়াত থাকিব 32MP ফ্ৰন্ট কেমেৰা। iQoo 13 ত বক্সৰ ভিতৰত 120 W চাৰ্জাৰৰ সৈতে 6,000 mAh ছিলিকন এনোড বেটাৰী পেক কৰা হৈছে। ইয়াৰ উপৰিও ইয়াত ৰিভাৰ্ছ চাৰ্জিং ব্যৱস্থা কৰা হৈছে  ।

iQoo 13 ৰ মূল্য

iQoo 13 স্মাৰ্টফোনৰ আৰম্ভণিৰ মূল্য 12 GB/256 GB ভেৰিয়েন্টৰ 54,999 টকা আৰু 16 GB/512 GB ভেৰিয়েন্টৰ 59,999 টকা। iQoo 13 দুটা ৰঙৰ বিকল্পত আহে – Legend আৰু Nardo Grey। ইয়াক কোম্পানীটোৰ অফিচিয়েল ৱেবছাইট, আমাজন আৰু ভিভ’ৰ অফলাইন ষ্ট’ৰত বিক্ৰী কৰা হ’ব। ১১ ডিচেম্বৰৰ পৰা ইয়াৰ মুকলি বিক্ৰী আৰম্ভ হ’ব । আনহাতে আজিৰ পৰা ৯৯৯ টকাত প্ৰি-বুকিং আৰম্ভ হৈছে।