OnePlus 13 আৰু OnePlus 13R মাজৰ পাৰ্থক্য কি ? কোনটো স্মাৰ্টফোনত শক্তিশালি প্ৰচেছৰ লাভ কৰিব ?

নতুন বছৰত কেইবাটাও স্মাৰ্টফোনে ভাৰতীয় বজাৰ দখল কৰিবলৈ ওলাইছে । গ্ৰাহকে দীৰ্ঘদিন ধৰি OnePlus 13 আৰু OnePlus 13R ৰ বাবে অপেক্ষা কৰি আছিল । এই অপেক্ষাৰ অন্তত অহা বছৰ তথা ২০২৫ চনৰ ৭ জানুৱাৰীত মুকলি হ’ব এই দুয়োটা স্মাৰ্টফোন। OnePlus 13 আৰু OnePlus 13R কোনটো মূল্যৰ ৰেঞ্জত মুকলি কৰা হ’ব চাওঁ আহক । ইয়াৰ সমান্তৰালভাৱে এই দুয়োটা স্মাৰ্টফোনৰ ফিচাৰৰ সন্দৰ্ভত কেইবাটাও তথ্য প্ৰকাশ পাইছে ।

ভাৰতত OnePlus 13 ৰ মূল্য

টিপষ্টাৰ যোগেশ ব্ৰাৰে মাইক্ৰ’ব্লগিং প্লেটফৰ্ম এক্সত কয় যে, এই ফোনটোৰ মূল্য ৬৭ হাজাৰৰ পৰা ৭০ হাজাৰ টকাৰ ভিতৰত হ’ব পাৰে। কেৱল এয়াই নহয়, পোষ্টটোত উল্লেখ কৰা হৈছে যে এই ফোনটো দুটা ৰেম আৰু ষ্ট’ৰেজ অপচনত লঞ্চ কৰা হ’ব পাৰে।

ভাৰতত OnePlus 13R ৰ মূল্য

টিপষ্টাৰৰ মতে, এই ফোনটোৰ একক ৰেম আৰু ষ্ট’ৰেজ ভেৰিয়েণ্ট লঞ্চ কৰিব পাৰে। মনত ৰাখিব যে, OnePlus 12R 8GB/128GB, 8GB/256GB আৰু 16GB/256GB ভেৰিয়েন্ট ক্ৰমে ৩৯,৯৯৯ টকা, ৪২,৯৯৯ টকা আৰু ৪৫,৯৯৯ টকাত মুকলি কৰা হৈছিল । গতিকে OnePlus 13R একে দামত মুকলি কৰা হ’ব বুলি আশা কৰা হৈছে। বৰ্তমান এই ফোনটোৰ দাম সন্দৰ্ভত কোনো ধৰণৰ লিক পোহৰলৈ অহা নাই।

OnePlus 13 বনাম OnePlus 13R: প্ৰচেছৰ

দুয়োটা স্মাৰ্টফোনৰ বাবে আমাজনত এটা সুকীয়া পেজ প্ৰস্তুত কৰা হৈছে । য’ত এই স্মাৰ্টফোনত কোনটো চিপছেট ব্যৱহাৰ কৰা হ’ব সেই কথা জানিব পৰা গৈছে। OnePlus 13 ৰ কথা ক’বলৈ গ’লে, গতি আৰু মাল্টিটাস্কিঙৰ বাবে এই ডিভাইচত থাকিব Snapdragon 8 Elite মোবাইল প্লেটফৰ্ম প্ৰচেছৰ । আনহাতে OnePlus 13R ত SNAPDRAGON 8 GEN 3 প্ৰচেছৰ পাব। মন কৰিব যে Snapdragon 8 Elite প্ৰচেছৰ SNAPDRAGON 8 GEN 3 প্ৰচেছৰতকৈ অধিক শক্তিশালী।