Ransomware Attack: চাইবাৰ আক্ৰমণত প্ৰভাৱিত দেশৰ ৩০০টা বেংক! বিকল হৈ পৰিছে পৰিশোধ সেৱা

ৰেনছমৱেৰ আক্ৰমণ

NPCIঅৰ্থাৎ ভাৰতীয় ৰাষ্ট্ৰীয় পৰিশোধ নিগমে এখন জাননী জাৰি কৰিছে য’ত কোৱা হৈছে যে বেংকবোৰক সেৱা আগবঢ়োৱা C-Edge Technologiesৰ চিষ্টেমত Ransomware attack হৈছে ।  ৰেনছমৱেৰ আক্ৰমণৰ বাবে IPMS আৰু UPIৰ দৰে পেমেণ্ট চিষ্টেম অস্থায়ীভাৱে উপলব্ধ নহ’ব।

NPCIয়ে কৈছিল যে পেমেণ্ট ইকোচিষ্টেমৰ ওপৰত পৰা গুৰুত্বপূৰ্ণ প্ৰভাৱ প্ৰতিহত কৰিবলৈ C-Edge Technologieয়ে NPCIৰ দ্বাৰা পৰিচালিত খুচুৰা পেমেণ্ট চিষ্টেমলৈ আহিব পৰা ব্যৱস্থাটো অস্থায়ীভাৱে পৃথক কৰা হৈছে। ৰেনছমৱেৰ আক্ৰমণৰ ফলত প্ৰায় ৩০০টা ক্ষুদ্ৰ ভাৰতীয় বেংকৰ পৰিশোধ সেৱা অস্থায়ীভাৱে বন্ধ হৈ গৈছে।

Ransomware Attack on Banks: এই বেংকবোৰৰ ওপৰত পৰিছে প্ৰভাৱ

বেংকিং খণ্ডৰ বিষয়াসকলৰ মতে, এই ৰেনছমৱেৰ আক্ৰমণৰ প্ৰভাৱ সমবায় বেংক আৰু আঞ্চলিক গ্ৰাম্য বেংকৰ ওপৰত পৰিছে। যিবোৰ SBI আৰু TCSৰ যুটীয়া উদ্যোগ C-Edge Technologiesৰ ওপৰত নিৰ্ভৰ কৰে। ইয়াৰ বাহিৰে অন্যান্য বেংকি সেৱা স্বাভাৱিকভাৱে অব্যাহত আছে। C-Edge Technologiesয়ে সমগ্ৰ দেশৰ ক্ষুদ্ৰ বেংকবোৰক বেংকিং প্ৰযুক্তি প্ৰণালী প্ৰদান কৰে। যিয়ে বৰ্তমান ৰেনছমৱেৰ আক্ৰমণৰ সঁহাৰি দিবলৈ অস্বীকাৰ কৰিছে।

Ransomware Attack: আক্ৰমণৰ ফলত হ’ব পাৰে এই বিপদ

• চাইবাৰ আক্ৰমণৰ পৰা আটাইতকৈ ডাঙৰ ভাবুকি হৈছে বিত্তীয় লোকচান, মুক্তিপণ দাবী।
• যদি কোম্পানীৰ ওচৰত পৰিশোধ কৰিবলৈ ধন নাই, তেনেহ’লে সকলো তথ্য হেৰুৱাব পাৰে, অৰ্থাৎ তথ্যৰ লোকচান হৈছে এক ডাঙৰ ভাবুকি।
• ৰেনছমৱেৰ আক্ৰমণে গুৰুত্বপূৰ্ণ ফাইলবোৰ এনক্ৰিপ্ট আৰু অপ্ৰয়োজনীয় কৰি তুলিব পাৰে। ইয়াৰ ফলত গ্ৰাহকৰ তথ্য বা গোপনীয় তথ্য হেৰুৱাব পাৰে।
• ৰেনছমৱেৰ আক্ৰমণে কোম্পানী এটাৰ সুনাম ক্ষতিগ্ৰস্ত কৰিব পাৰে। যদি গ্ৰাহকসকলে গম পায় যে তেওঁলোকৰ ব্যক্তিগত তথ্য লিক হৈছে, তেওঁলোকে তেওঁলোকৰ ব্যৱসায় আন ঠাইলৈ স্থানান্তৰ কৰিব বিচাৰিব।

ৰেনছমৱেৰ আক্ৰমণ কি?

ৰেনছমৱেৰ হৈছে এক ক্ষতিকাৰক ছফ্টৱেৰ যি শক্তিশালী এনক্ৰিপশ্বনৰ জৰিয়তে গুৰুত্বপূৰ্ণ ফাইলবোৰ লক কৰে। এই ফাইলবোৰ আনলক কৰাৰ বাবদ, এক বৃহৎ পৰিমাণৰ ধন দাবী কৰা হয়।