বজাৰলৈ আহিল চেমচাঙৰ S25 ছিৰিজঃ চাওক কিমান হ’ব প্ৰতিটো মডেলৰ মূল্য
বহু প্ৰতীক্ষাৰ অন্তত বুধবাৰে গেলেক্সি আনপেকড ইভেণ্টত মুকলি কৰা হৈছে গ্ৰাহকৰ মাজত বিশেষভাৱে সমাদৃত কোম্পানী চেমচাঙৰ নতুন মোবাইল Galaxy S25 ছিৰিজ। চেমচাঙৰ এই নতুন ছিৰিজৰ তিনিটা মডেল- Galaxy S25 আৰু Galaxy S25 Plus আৰু Samsung Galaxy S25 Ultra মুকলি কৰা হৈছে।
অন্ত পৰিল অপেক্ষাৰ, বহু প্ৰতীক্ষাৰ অন্তত বুধবাৰে গেলেক্সি আনপেকড ইভেণ্টত মুকলি কৰা হৈছে চেমচাঙৰ নতুন মোবাইল Galaxy S25 ছিৰিজ। গ্ৰাহকৰ মাজত বিশেষভাৱে সমাদৃত কোম্পানীটোৰ Galaxy S ছিৰিজৰ এই নতুন সংস্কৰণ Galaxy S25ক লৈ যথেষ্ট চৰ্চা পৰিলক্ষিত হৈছিল। পূৰ্বৰ ছিৰিজৰ তুলনাত এই নতুন ছিৰিজত অধিক সুবিধা উপলব্ধ হ’ব বুলি চেমচাঙে পূৰ্বেই ইঙ্গিত দিছিল। এই সুবিধাসমূহৰ লগতে চেমচাঙে এই নতুন ছিৰিজৰ জৰিয়তে গ্ৰাহকসকলে নতুন AI সুবিধা প্ৰদান কৰিছে।
চেমচাঙৰ এই নতুন ছিৰিজৰ তিনিটা মডেল- Galaxy S25 আৰু Galaxy S25 Plus আৰু Samsung Galaxy S25 Ultra মুকলি কৰা হৈছে। Galaxy S25 মডেলৰ দুটা ভেৰিয়েন্ট মুকলি কৰা হৈছে, 12GB/256GB আৰু 12GB/512GB। এই দুয়োটা ভেৰিয়েন্টৰ মূল্য ক্ৰমে ৮০,৯৯৯ টকা আৰু ৯২,৯৯৯ টকা। কোম্পানীটোৰ অফিচিয়েল চাইটত দুয়োটা মডেলৰ প্ৰি-বুকিং আৰম্ভ হৈছে। এই মোবাইলটো প্ৰি-বুকিং কৰা গ্ৰাহকক ১১ হাজাৰ টকাৰ ৰেহাই প্ৰদান কৰা হ’ব।
এই মোবাইলটোত ৬.২ ইঞ্চিৰ Full HD Plus AMOLED স্ক্ৰীণ, স্নেপড্ৰেগন ৮ এলিট প্ৰচেছৰ, 4000mAh বেটাৰীৰ সুবিধা দিয়া হৈছে। আনহাতে ৫০+১২+১০ মেগাপিক্সেলৰ বেক কেমেৰা আৰু ১২ মেগাপিক্সেলৰ ফ্ৰণ্ট কেমেৰা উপলব্ধা হ’ব। ইফালে Galaxy S25 Plus ১২ জিবি / ২৫৬ জিবি ভেৰিয়েণ্টৰ মূল্য ৯৯,৯৯৯ টকা আৰু আনহাতে ১২ জিবি / ৫১২ জিবি ভেৰিয়েণ্টৰ মূল্য ১,১৯,০০০ টকা নিৰ্ধাৰণ কৰা হৈছে।
Galaxy S25 Plus মডেলত ৬.৭ ইঞ্চি Quad HD Plus AMOLED ডিছপ্লে’, স্নেপড্ৰেগন ৮ এলিট প্ৰচেছৰ, 4900mAh বেটাৰীৰ সুবিধা থাকিব। আনহাতে ৫০+১২+১০ মেগাপিক্সেলৰ বেক কেমেৰা আৰু ১২ মেগাপিক্সেলৰ ফ্ৰণ্ট কেমেৰাৰ সুবিধা লাভ কৰিব গ্ৰাহকসকলে। এই নতুন মোবাইলটো প্ৰি-বুকিং কৰা গ্ৰাহকক ১২ হাজাৰ টকাৰ ৰেহাই প্ৰদান কৰা হ’ব।
ইফালে এই নতুন ছিৰিজটোৰ আটাইতকৈ দামী মডেল হৈছে Galaxy S25 Ultra। কোম্পানীটোৰ অফিচিয়েল চাইটত এই ফোনটোৰ বুকিং আৰম্ভ হৈছে। এই ফোনটোত 6.9 ইঞ্চি Dynamic AMOLED ডিছপ্লে’ উপলব্ধ। স্নেপড্ৰেগন ৮ এলিট প্ৰচেছৰৰ লগতে মাল্টিটাস্কিঙৰ ব্যৱস্থা আছে এই নতুন মোবাইলটোত। লক্ষণীয়ভাৱে এই মডেলত ২০০ মেগাপিক্সেলৰ প্ৰাইমেৰী কেমেৰা দিয়া হৈছে।
লগতে ৫০ মেগাপিক্সেলৰ আল্ট্ৰা-ৱাইড কেমেৰা, ৫০ মেগাপিক্সেলৰ টেলিফ’টো কেমেৰা আৰু ১০ মেগাপিক্সেলৰ টেলিফ’টো কেমেৰা চেন্সৰ আছে মোবাইলটোত। একে সময়তে ফোনটোত ১২ মেগাপিক্সেলৰ ফ্ৰণ্ট কেমেৰা উপলব্ধ। এই মোবাইলটোৰ বেটাৰী ক্ষমতা হ’ব 5000mAh। এই ফোনটোৰ তিনিটা ভেৰিয়েন্ট মুকলি কৰা হৈছে। এই হেণ্ডছেটৰ মূল্য ১,২৯,৯৯৯ টকাৰ পৰা আৰম্ভ হৈছে।
এই মূল্যত গ্ৰাহকসকলে ১২ জিবি / ২৫৬ জিবি ষ্ট’ৰেজৰ ভেৰিয়েণ্ট ক্ৰয় কৰিব পাৰিব। আনহাতে ১২ জিবি / ৫১২ জিবি ভেৰিয়েন্টৰ বাবে ১,৪১,৯৯৯ টকা আৰু ১২ জিবি / ১ টিবিৰ ভেৰিয়েন্টৰ মূল্য ১,৬৫,৯৯৯ টকা হ’ব। চেমচাঙৰ এই নতুন মডেলকেইটাৰ প্ৰি-বুকিং কৰিব বিচৰা গ্ৰাহকসকলে কোম্পানীটোৰ অফিচিয়েল ৱেবচাইটত সবিশেষ তথ্য ভালদৰে চাব পাৰিব।
