৯টা এয়াৰবেগৰ সৈতে মুকলি 2025 Skoda Kodiaq, জানক ইয়াত থকা সুবিধা আৰু কিমান দামত ক্ৰয় কৰিব পাৰিব

গাড়ী

ভাৰতীয় বজাৰত গ্ৰাহকৰ বাবে স্কোডা অটো ইণ্ডিয়াই দ্বিতীয় জেনেৰেশ্যনৰ ২০২৫ স্কোডা ক’ডিয়াক (2025 Skoda Kodiaq ) মুকলি কৰিছে। সাতটা ৰঙৰ বিকল্পত মুকলি কৰা এই নতুন এছ ইউ ভিখন কোম্পানীয়ে দুটা ভিন্ন শিতানত মুকলি কৰিছে । ইয়াৰে এটা স্প’ৰ্টলাইন আৰু আনটো এল এণ্ড কে। এই গাড়ীখনত কোনটো ইঞ্জিন দিয়া হৈছে আৰু নতুন বৈশিষ্টৰে মুকলি কৰা এই SUV ৰ দাম কিমান? এই সকলোবোৰ তথ্য লেখাটোত উল্লেখ কৰা হ’ল।

ডিজাইন

এক্সিটিৰিয়ৰ (বাহিৰৰ অংশ) : ডিজাইনৰ কথা ক’বলৈ গ’লে এছ ইউ ভিত নতুন বাম্পাৰ, এল ই ডি হেডলেম্প, ১৮ ইঞ্চিৰ এলয় হুইল, চি আকৃতিৰ এল ই ডি টেইল লাইট আৰু ছাদৰ ৰেলৰ দৰে পৰিৱৰ্তন দেখা যাব। নতুন গ্ৰীল আৰু চিকচিকিয়া এল ই ডি হেডলেম্পৰ বাবে এই গাড়ীখনৰ ৰূপ পূৰ্বতকৈ অধিক প্ৰিমিয়াম হৈ পৰিছে।

চাইড প্ৰফাইলত কেৰেক্টাৰ লাইনছৰ দেখা নাযাব পাৰে।  এই এছ ইউ ভিখন দীঘল দেখা যায়, এই গাড়ীখনৰ দৈৰ্ঘ্য প্ৰায় ১৫ ফুট ৭ ইঞ্চি।  মুঠতে এই গাড়ীখনৰ বাহিৰৰ অংশই বিভিন্নজনক আকৰ্ষিত কৰিব।

ইণ্টেৰিয়ৰ (ভিতৰ) : এই এছ ইউ ভিৰ ইণ্টেৰিয়ৰত প্ৰিমিয়াম আৰু চফ্ট টাচ মেটেৰিয়েল দিয়া হৈছে, যিটো এই ছেগমেণ্টৰ এখন গাড়ীতো প্ৰয়োজনীয়। এই গাড়ীখনত মালিচৰ পৰা আৰম্ভ কৰি এম্বিয়েণ্ট লাইটিং আৰু ৱাৰলেছ এণ্ড্ৰইড অটো আৰু কাৰ প্লেলৈকে বহুতো বেলেগ ধৰণৰ বৈশিষ্ট্য উপলব্ধ। ড্ৰাইভাৰৰ আসনেই হওক বা গাড়ীৰ তৃতীয় শাৰীয়েই হওক, চাৰ্জিঙৰ বাবে সকলোতে চি টাইপ চাৰ্জিং প’ৰ্টৰ ব্যৱস্থা কৰা হৈছে।

Skoda Kodiaq বৈশিষ্ট্যসমূহ

এই গাড়ীখনত থকা আন বৈশিষ্ট্য সমূহ যেনে ১২.৯ ইঞ্চি টাচস্ক্ৰীণ ইনফ’টেইনমেণ্ট চিষ্টেম, ১০ ইঞ্চিৰ ডিজিটেল ড্ৰাইভাৰ ডিছপ্লে, থ্ৰী জ’ন ক্লাইমেট কণ্ট্ৰ’ল চিষ্টেম, পেনোৰামিক ছানৰুফ, সন্মুখৰ আসনত হিটিং আৰু ভেণ্টিলেচন চিষ্টেম, মালিচ ফাংচন, স্লাইডিং আৰু ৰিক্লিনিং দ্বিতীয় শাৰীৰ আসন, চাবউফাৰৰ সৈতে প্ৰিমিয়াম ১৩ স্পীকাৰ অডিঅ’ চিষ্টেম।

সুৰক্ষা বৈশিষ্ট্যসমূহ

এই গাড়ীখন ডিজাইন কৰাৰ সময়ত স্কোডাই গ্ৰাহকৰ সুৰক্ষাৰ সম্পূৰ্ণ যত্ন লৈছে, এই সম্পূৰ্ণ আকাৰৰ এছ ইউ ভিত ৯টা এয়াৰবেগ প্ৰদান কৰা হৈছে। ইয়াৰোপৰি ৩৬০ ডিগ্ৰী ভিউ কেমেৰা, ইলেক্ট্ৰনিক ষ্টেবিলিটি কণ্ট্ৰ’ল, এণ্টি-ব্ৰেকিং চিষ্টেম, ইবিডি, হিল ষ্টাৰ্ট এচিষ্ট আৰু হিল ডেচেণ্ট কণ্ট্ৰ’লৰ দৰে সুৰক্ষা বৈশিষ্ট্য এই এছইউভিত অন্তৰ্ভুক্ত কৰা হৈছে।

ইঞ্জিন

স্কোডা ক’ডিয়াক ২০২৫ত কোম্পানীয়ে ২.০ লিটাৰৰ চাৰি চিলিণ্ডাৰ টাৰ্বো পেট্ৰ’ল ইঞ্জিন দিছে যি৭ স্পীড ডিচিটি অটোমেটিক ট্ৰেন্সমিছনৰ সৈতে উপলব্ধ। এই শক্তিশালী ইঞ্জিনে ২০১bhp শক্তি আৰু ৩২০Nm টৰ্ক উৎপন্ন কৰে। এই গাড়ীখনৰ ছাচপেনচন আৰু ড্ৰাইভ যথেষ্ট আৰামদায়ক। এই গাড়ীখনে বহু সুবিধা প্ৰদান কৰিব।

২০২৫ চনৰ Skoda Kodiaq ভাৰতত মূল্য

এই গাড়ীৰ Sportline ভেৰিয়েন্টৰ মূল্য ৪৬ লাখ ৮৯ হাজাৰ টকা (এক্স শ্ব’ৰুম) নিৰ্ধাৰণ কৰা হৈছে। কিন্তু যদি আপুনি এই গাড়ীৰ L&K ভেৰিয়েন্ট কিনে তেন্তে আপুনি ৪৮ লাখ ৬৯ হাজাৰ টকা (এক্স-শ্ব’ৰুম) খৰচ কৰিব লাগিব। স্কোডাৰ এই নতুন সম্পূৰ্ণ আকাৰৰ এছ ইউ ভি বজাৰত প্ৰৱেশে টয়োটা ফৰ্চুনাৰ আৰু এম জি গ্লষ্টাৰৰ দৰে বাহনক কঠিন প্ৰতিযোগিতা প্ৰদান কৰিব।